Færslur: 2010 Maí

31.05.2010 21:54

Endurgreiðslur til viðskiptavina Landsmóts hestamanna 2010

Af gefnu tilefni skal það ítrekað að Landsmót ehf. mun endurgreiða alla miða, stúkur og hjólhýsastæði sem keypt hafa verið vegna  Landsmóts 2010 sem nú er búið að fresta.  Við biðjum viðskiptavini okkar hins vegar um að sýna starfsmönnum Landsmóts biðlund þar sem ærin verkefni eru fyrir höndum að vinda ofan af mótinu í ár og fjöldi viðskiptavina er stór.

Við munum næstu daga ganga skipulega til verks við að endurgreiða, en bendum á að þar sem viðskiptin fóru að mestu leyti fram í gegnum kreditkortaviðskipti í gegnum netmiðasölukerfi okkar, getur liðið einhver tími þar Landsmót kreditfærir og þar til eiginleg endurgreiðsla berst inná reikning viðskiptavinar.  Við biðjum viðskiptavini Landsmóts að hafa þetta í huga og búa sig undir að greiðslur í gegnum kreditkortafyrirtæki berast ekki strax og gætu jafnvel borist í fleiri en einni greiðslu (dæmi: keypt er fyrir 48.000; greiðsla berst uppá 24.000 og nokkrum dögum síðar lokagreiðsla).

Ógerlegt er að taka við svo miklum fjölda símtala og því biðjum við þá sem vilja endurgreiðslu um að senda tölvupóst ásamt kvittun um kaupin á netfangið: [email protected].

Þar sem fyrirhugað er að Landsmót verði haldið að ári (2011) er viðskiptavinum að sjálfsögðu í sjálfvald sett hvort þeir vilji eiga miðana inni hjá mótshöldurum.

Öllum tölvupóstum verður sinnt skipulega en eins og áður sagði; fjöldinn er mikill og munu starfsmenn Landsmóts ganga vasklega til verks og leggja sig fram um að vera í góðu sambandi við viðskiptavini við að endurgreiða.

F.h. Landsmóts hestamanna ehf.

Jóna Fanney Friðriksdóttir, framkvæmdastjóri

www.lhhestar.is

31.05.2010 21:49

Landsmóti 2010 frestað

Frá fundi 
hagsmunaaðila ásamt embættismönnum í dag, 31. maí.
Frá fundi hagsmunaaðila ásamt embættismönnum í dag, 31. maí.
Samhljóða ákvörðun var tekin á fundi hagsmunaaðila í hestamennsku og hrossarækt ásamt yfirvöldum dýralæknamála, starfandi dýralæknum, fulltrúum leiðbeiningaþjónustu og fulltrúa sjávar- og landbúnaðarráðuneytisins vegna smitandi hósta sem herjað hefur á hrossastofninn í landinu undanfarið.

Í ályktuninni samþykkti fundurinn að fresta Landsmóti 2010 en halda það að ári, á Vindheimamelum í Skagafirði eins og til stóð á þessu ári.  Fundurinn ítrekaði að þessi frestun Landsmóts um ár skyldi unnin í nánu samstarfi við Alþjóðasamtök Íslandshestafélaga (FEIF).

Jafnframt var skorað á Landssamband hestamannafélaga (LH) og Bændasamtök Íslands (BÍ) að sýningar- og keppnishald yrði endurskoðað á næstu mánuðum til að gera eigendum hrossa, sem stefnt var með í dóma, sýningar- eða keppni á árinu, kleift að skrá þau til þátttöku þegar þau eru orðin heilsuhraust. Tryggt verði að sýningar- og keppnishald fari fram með velferð hestsins og heilsu að leiðarljósi.

Fundinn sátu auk helstu hagsmunaaðila í hestamennsku og hrossarækt, fulltrúi sjávar- og landbúnaðarráðuneytis, formenn BÍ og LH, stjórn Landsmóts ehf., formaður Félags hrossabænda og Félags tamningamanna.  Fulltrúar yfirvalda dýrlæknamála sátu jafnframt fundinn ásamt starfandi dýralæknum og fulltrúum leiðbeiningaþjónustu.

Fyrir liggur að tjón greinarinnar vegna sjúkdómsins er nú þegar orðið gífurlegt og hagsmunir miklir.  Er skorað á stjórnvöld að tryggja Matvælastofnun (MAST) og Tilraunastöðinni á Keldum nægjanlegt fjármagnt til að auka rannsóknir og aðrar fyrirbyggjandi aðgerðir.  Jafnframt verði Landsmótshöldurum tryggð sú fjárhagslega staða að framtíðar mótahaldi sé ekki ógnað.

Aðspurður segir Haraldur Þórarinsson, formaður LH og Landsmóts hestamanna ehf  Landsmót vera stærsta glugga hestamennskunnar í landinu og gífurlega mikilvægt öllum greinum hestamennskunnar þ.m.t.  ferðaþjónustu í landinu.  "Tjónið er alvarlegt og það má líkja þessu við náttúruhamfarir, greinin er lömuð og þetta teygir anga sína um allt samfélagið. Þessi ákvörðun var þó óviðráðanleg enda er velferð hestsins algjörlega í fyrirrúmi."

Sigríður Björnsdóttir dýralæknir hrossasjúkdóma segir að ýmislegt varðandi sjúkdóminn og feril hans hafi verið að skýrast á síðustu dögum.  Nauðsynlegt sé þó að fara í frekari rannsóknir á eðli hans og uppruna.  "Þetta er vægur sjúkdómur en einkenni hans vara í nokkrar vikur og það hefur sett undirbúning Landsmóts í uppnám" segir Sigríður.

Að sögn Jónu Fanneyjar Friðriksdóttur framkvæmdastjóra Landsmóts ehf. munu seldir miðar að sjálfsögðu verða endurgreiddir.  "Ég vil þó biðja fólk um að sýna okkur smá biðlund, en allir sem þess óska fá miðana endurgreidda en einnig er möguleiki á að geyma miðana til ársins 2011.  Reynt verður að fara í samstarf við flugfélög vegna flugfarmiða þeirra sem eru að koma erlendis frá en flestir eiga þó að geta nýtt sér ferða- eða forfallatryggingar.  Við munum á næstunni senda út leiðbeiningar til allra sem keypt hafa miða og kynna fyrirkomulagið" segir Jóna Fanney.

Ályktun fundarins má sjá með því að smella hér.

www.lhhestar.is


31.05.2010 16:03

Landsmóti 2010 hefur verið frestað

Landsmóti 2010 hefur verið frestað




Landsmóti 2010 hefur verið frestað. Endanleg ákvörðun var tekin um
það á fundi hagsmunaaðila sem nú er að ljúka í landbúnaðarráðuneytinu.
Nánar verður skýrt frá fundinum með fréttatilkynningu LH.


28.05.2010 20:10

Mikil samstaða á formannafundi LH

Formannafundur Landssambands hestamannafélaga var haldin í dag, 28.maí, í húsakynnum ÍSÍ. Fundurinn var vel sóttur en auk formanna og fulltrúa hestamannafélaganna sátu fundinn: stjórn LH, fyrrverandi formenn LH, formaður FHB og formaður FT. Fyrir hönd Landsmóts hestamanna ehf. mættu: stjórn Landsmóts ehf., framkvæmdastjóri, mótsstjóri og hluti framkvæmdanefndar.

Umræðuefni fundarins var áhrif kvefpestar á Landsmót 2010. Fundurinn hófst með því að Vilhjálmur Svansson dýralæknir og veirufræðingur og Gunnar Örn Guðmundsson héraðsdýralæknir héldu stutt erindi um veikina. Að því loknu voru fyrirspurnir fundargesta úr sal leyfðar.

Hér að neðan má sjá þær spurningar og svör sem dýralæknarnir sátu fyrir:

Sigurður Ævarsson - LH: Vísar í fyrirlestur Gunnars og spyr hvort að þeir hestar sem búið var að sleppa út hvort þeir hafi verið í upphafi eða enda veikinda?
GÖG: Hestarnir voru búnir að vera veikir og veiktust aftur. Fengu hita og hor.
Mælir með því að byrja ekki að þjálfa hrossin aftur fyrr en 2 vikum eftir síðasta hósta.  Byrja mjög rólega.

Ómar Didriksson - Geysi: Hefur veikin áhrif á sæði/frjósemi stóðhesta?
GÖG: Langvinnur sótthiti í stóðhestum hefur áhrif á sæðisgæði, en svona skammvinnur hiti eins og nú er í gangi hefur ekki áhrif.

Kristinn Guðnason - FHB: Sem dæmi; hestur sem er búin að vera veikur í 3 vikur og er einkennalaus í dag, hvað er eðlilegt að líði langur tími þar til hesturinn sé tilbúin til að þola þau átök sem hann verður fyrir í keppni?
GÖG: Það er mjög misjafnt eftir hrossum. Það var skoðað ofan í barka á nokkrum hrossum sem voru á mismunandi stigum veikinnar. Sum þeirra voru með roða og stækkaðan eitlavef. Sást slím í barka. Slímið virðist koma mest  frá slímhimnum  nefs, en ekki ofan úr lungunum. Ef einkennin eru horfin en hesturinn samt með einstakan hósta þá getur það tekið 3-6 vikur, misjafnt  eftir einstaklingnum, að komast aftur í þjálfun.

Kristinn Guðnason - FHB: Ef farið er of geyst af stað að nýju getur það haft varanleg áhrif á hestinn?
GÖG: Ég hef ekki trú á því að hesturinn beri varanlegan skaða.

Guðni Árnason - Smára: Er það möguleiki að hross sem hefur verið stopp í 7-8 vikur og er komið í þjálfun, hittir hross á LM sem er smitað, getur verið að það smitist aftur?
VS:  Tekur sem dæmi kverkeitlabólgu að það sé möguleiki á endursmiti  6 mánuðum seinna.

Oddur Hafsteinsson - LH: Vísar til prófana á lyfjum í Steinsholti og í Ingólfshvoli, vitið þið eitthvað um það?
VS og GÖG: nei, ekki neitt.

Haraldur Þórarinsson - LH: er sannað að hross séu að smitast aftur og aftur?
VS: hross sem eru í mjög smituðu umhverfi, þá já.

Valgerður Sveinsdóttir - Fákur: Þegar hross eru að endursmit, smitast aftur og aftur, er þetta þá sama bakterían sem er að koma aftur eða er þetta ný baktería?
VS: Þekkjum það bara frá mönnum að við fáum króníska streptokokka, semsagt sama bakterían aftur.

Jón Albert - fyrrv. form. LH: Er til einhver áætlun fyrir næsta áfall? Því mér sýnist að við eigum von á fleiri veirum á næstunni til landsins ef ekkert verður að gert.
GÖG: Já það er til grunnur að viðbragðsáætlun. Eitt stærsta áfallið væri ef inflúensan myndi berast til landsins. Hún er svo feiknalega smitandi.

Jón Albert - fyrrv. form. LH: Eru hestamenn með í því eða er þetta bara innan skrifstofunnar?
GÖG: Byrjar innan skrifstofunnar og svo eru fengnir til liðs hestamenn sem þekkja vel til. Ekki hægt að búa til viðbraðgsáætlun fyrir allar veirur, en grunnurinn er til.

Sveinbjörn Sveinbjörnsson fundarstjóri: Hverjar eru smitvarnirnar á Keflavíkurflugvelli?
GÖG: Tollverðir vita að það má ekki koma inn með hestabúnað. Innflutningur með pósti er allur tjékkaður af. Hestamenn sjálfir verndi búin sín. Stoppi sína gesti líka sjálf. Varðandi þessa veiru voru viðbrögðin ekki samræmd í upphafi meðal manna.

Jón Albert - fyrrv. form. LH: Greinin er í molum útaf kvefpest, hvað gerist þá ef verri veira berst til landsins? Leggur áherslu á að ítreka smitvarnir!
GÖG: hefur verið reynt að fá fjármagn til þess að dreifa bæklingum/einblöðungum  í t.d. flugvélum en ekki fengist.

Óþekktur fundargestur: Afhverju er fræðsla meðal þeirra sem koma til landins ekki betri?
GÖG: segir að ekki hafi fjárveiting fengist til þess að kynna svona til erlendra ferðamanna um borð í flugvélum.

Guðmundur Sveinsson - Léttfeti: Segir að dæmi úr Skagafirði hafa sýnt að fúkkalyf, astmalyf og slímlosandi lyf hafa lítið hjálpað veikum hrossum og engin áhrif haft á veikina.
GÖG: sumum hrossum virðist batna og líða betur við fúkkalyfsmeðferð. Hversu vel þeim batnar, upp á að geta farið að æfa þau aftur vill hann þó ekki fullyrða um.

Jónína Stefánsdóttir - Stígandi:  Getur krónískur hósti, líkt og virðist hafa komið fram hjá Gísla Gíslasyni í Þúfum Skagafirði, komið fram ef hross eru hreyfð of snemma og hvort þau séu þá ekki orðin verðlaus?
GÖG: Fullyrði ekki um þetta en segir þó að dæmi séu um hross sem hóstað hafa í margar vikur hafa hætt því eftir fimm daga fúkkalyfsmeðferð.

Jónína Stefánsdóttir - Stígandi: Hvernig fer influensan með okkur fyrst þessi væga kvefpest er að setja allt á hausinn núna?  Hvað getum við gert til að fyrirbyggja að influensan nái til okkar, kannski með bóluefni?
VS: Ekki eru til góð bóluefni við influensu, því miður. Þó að influensan sé endilega ekki það versta, það versta við hana er hversu þrælsmitandi hún er. Ef influensa nær til landsins verður hún ekki landlæg heldur einn snarpur faraldur sem nánast ógjörlegt verður að stoppa.

Sigurður Ævarsson - LH: Hefði fólk áttað sig á því fyrr, hvað um var að ræða, hefði verið farið í lokanir á svæðum, og þá hvað lengi?
GÖG: Svíar hafa góða reynslu af slíkum lokunum, þeir loka hrossabúgörðum í 2-3 mánuði. Vandræði  okkar Íslendinga er að þessi hesthúsahverfi okkar eru einsdæmi, þekkjast ekki erlendis, mjög flókið að loka þeim.

Ómar Diðriksson - Geysir: Hafa einhverjir hestar sloppið við pestina?
GÖG: Hugsanlegt er að einhverjir sleppi, það er ekki vitað.

Björn Bjarnason - Sörli: Það eru margir hestamenn mjög svartsýnir á að halda LM2010 en vill benda á að um 120 hross hafa verið sýnd á kynbótasýningu á Sörlastöðum. Þar á meðal var 1 hestur sýndur frá Þúfum, Kappi frá Kommu, og fór í góðar tölur.

Guðmundur Sveinsson - Léttfeti: Vill taka það fram að Gísli Gíslason Þúfum tók það sérstaklega fram að hann hefur ekki séð Kappi frá Kommu veikjast.

Gunnari og Vilhjálmi þakkað fyrir fyrirlestrana og góð svör við spurningum fundargesta.

Á fundinum voru eftirfarandi tvær ályktanir samþykktar:

1) Ályktun til Matvælastofnunnar
Formannafundur LH haldinn 28.maí 2010 skorar á Matvælastofnun að hún láti rannsaka með hvaða hætti sjúkdómur sá sem herjar á íslenska hrossastofninn barst til landsins. Þá krefst fundurinn þess að stofnunin leiti þegar allra leiða til að koma í veg fyrir að aðrir sjúkdómar berist hingað. Telur fundurinn að núverandi framkvæmd sjúkdómavarna sé verulega ábótavant.

2)Formannafundur LH haldinn 28.maí 2010 hvetur stjórnir Landssambands hestamannafélaga, Bændasamtaka Íslands og Landsmóts hestamanna ehf. að hafa eftirfarandi þætti að leiðarljósi við ákvarðanatöku um hvort halda eigi Landsmót hestamanna á Vindheimamelum 2010 í ljósi þess sjúkdóms sem nú herjar á íslenska hrossastofninn:
- Velferð hestsins
- Ímynd hestamennskunnar og Landsmóts til framtíðar.



Nánar verður greint frá fundinum og niðurstöðum hans síðar.

www.lhhestar.is

27.05.2010 20:18

Hrossapestin er bráðsmitandi

 Innlendar fréttir | Heilbrigðismál | 27.05.2010 18:01

Hrossapestin er bráðsmitandi

Nú er ljóst að smitandi hósti í hrossum, sem breiðst hefur út um allt land eins og eldur í sinu undanfarið, er ekki veirusýking. Um er að ræða bráðsmitandi bakteríusýkingu. Sigríður Björnsdóttir, dýralæknir hrossasjúkdóma á Matvælastofnun segir að bakterían magnist upp inni í hesthúsum og því sé mikilvægtm, þar sem því verði við komið, að setja hrossin út.

26.05.2010 23:02

Félagsmót Neista og úrtaka fyrir Landsmót


Þar sem hestapestin svonefnda virðist ekkert vera í rénum þá er félagsmóti Neista frestað um óákveðinn tíma.

Stefnt er að þátttöku á Landsmóti hestamanna og verður úrtaka fyrir það væntanlega haldin með Vestur Húnvetningum.  Þeir sem hyggja á að taka þátt í úrtökunni hafi sambandi við Val Vals  í síma 8679785 eða Óla Magg í síma 8690705 svo hægt sé að sjá fjölda þeirra keppenda sem hug hafa á að taka þátt.

Landssamband hestamannafélaga hefur boðað til formannafundur föstudaginn 28. maí. Þar eru formenn beðnir að taka stöðumat hjá sínu hestamannafélagi. Í framhaldi af þessum fundi verður ákörðun tekin um það hvort Landsmót verði haldið á réttum tíma.

Því miður er þessi veiki miklu alvarlegri en í upphafi var haldið og virðist hún vera þrálát og erfið viðureignar. Eigendur hrossa eru hvattir til að fylgjast vel með hrossum sínum og fá upplýsingar hjá dýralæknum varðandi meðhöndlun ef þau veikjast.


Stjórn Neista


26.05.2010 18:58

Opinn fundur á Norðurlandi um hestapestina


Næstkomandi Sunnudag (30. maí) munu hrossaræktarsamböndin á Norðurlandi standa fyrir opnum fundi á Hótel Varmahlíð vegna hinnar svokölluðu hestapestar. Tilgangur fundarins er að miðla upplýsingum til hrossaræktenda og tamningamanna vegna veikinnar og gefa mönnum færi á að skiptast á skoðunum um stöðu mála. Gestir fundarins verða Sigríður Björnsdóttir dýralæknir hrossasjúkdóma, Vilhjálmur Svansson, dýralæknir á Keldum og Guðlaugur Antonsson hrossaræktarráðunautur BÍ. Fundurinn hefst kl: 20:00.

Hrossaræktarsamband Skagfirðinga
Hrossaræktarsamtök Eyfirðinga og Þingeyinga
Hrossaræktarsamtök V-Húnavatnssýslu
Samtök hrossabænda í A-Húnavatnssýslu


26.05.2010 18:55

Kynbótasýning á Blönduósi 3. og 4. júní 2010

Að öllu óbreyttu er stefnt að því að halda kynbótasýningu á Blönduósi fimmtudaginn 3. júní og yfirlitssýningu að morgni föstudags 4. júní.

Tekið er á móti skráningum hjá Búnaðarsambandinu á Blönduósi á netfanginu  [email protected] eða í síma 451-2602 / 895-4365.

Síðasti skráningardagur er mánudagur 31. maí.

Sýningargjald er 14.500 kr en 10.000 ef bara er annað hvort byggingadómur eða reiðdómur og þarf að greiðast samhliða skráningu inn á reikning 307-26-2650 á kt: 471101-2650 og senda kvittun á netfangið [email protected]  með upplýsingum um fyrir hvaða hross er verið að greiða.  

Munið að kynna ykkur reglur um einstaklingsmerkingar, járningar, blóðsýni, dna-sýni og spattmyndir.

Nánari upplýsingar um tímasetningar verða á heimasíðu Búnaðarsambandsins www.rhs.is

Búnaðarsamband Húnaþings og Stranda

21.05.2010 23:16

Hestafréttir spurðu nokkra knapa álits

Hestafréttir spurðu nokkra knapa álits

Skiptar skoðanir eru varðandi niðurstöðu Landsmótsnefndar eftir fundinn í dag. Hestafréttir tóku nokkra knapa tali í dag til að kanna álit þeirra varðandi ákvörðunatöku Landsmótsnefndar:

Hver er afstaða þín varðandi ákvörðunartöku Landsmótsnefndar?
Daníel Jónsson
: "Ég er bara mjög ánægður með þetta. Flott að halda áfram þangað til annað kemur í ljós. Fullsnemmt að loka fyrir þetta strax."
Jakob Svavar Sigurðsson: "Mér líst ekki vel á þetta, ég held að þetta sé óraunhæft."
Tryggvi Björnsson: "Mér fannst þetta rétt, halda þessu áfram."
Hans Friðrik Kjerúlf: "Mér líst bara ágætlega á þetta"
Mette Mannseth: "Þetta er röng ákvörðun, frestun á vandamáli."
Hafliði Halldórsson: " Að halda Landsmót er eins og að spila tafl með 5 peðum á móti kóngi, drottningu, hróki og biskup það vita allir hvernig það fer. Við getum ekki haldið Landsmót þar sem hrossin eru öll veik."

Hvað myndir þú vilja gera í stöðunni?
Daníel:
"Menn mega ekki alltaf bara hugsa um eigið skinn."
Jakob: "Ég sé bara ekkert annað en að það sé blásið af. Ég get ekki séð að þetta sé hægt. Ég er ekki að fara að ríða út næstu 10 daga, öll hrossin hjá mér eru frá."
Tryggvi: "Halda Landsmót og vona að þetta lagist á næstu 2-3 vikum. Of mikið mál að henda þessu útaf borðinu núna."
Hans: "Ég vil halda Landsmót"
Mette:" Fresta Landsmóti um ár."
Hafliði: " Ég vil halda Landsmót á næsta ári með sömu dagsetningu og prófa það fyrirkomulag og prófa að halda Landsmót árlega. Það mun ekki há Heimsmeistaramóti þó svo Landsmót verði haldið á sama ári. Það er ekkert gaman að vinna Landsmót þegar bestu hestarnir eru ekki mættir til leiks."

Hvað eru hrossin búin að vera veik lengi hjá þér?
Daníel: "Algjörlega einstaklingsbundið. Sum eru bara búin að vera veik alla tíð. Ég vil óska öllum hestum á Íslandi góðs bata og batnandi hrossi er best að lifa."
Jakob: "Það eru hestar búnir að vera hóstandi hérna í mánuð, þetta eru 6 vikur lágmark. Hestarnir verða að fá að njóta vafans og ná að jafna sig aftur. Þetta eru ósanngjarnar kröfur á okkur og hrossin."
Tryggvi: "Fyrsti varð veikur fyrir svona fjórum vikum, svo eru að bætast við eitt og eitt núna. Ég er byrjaður að ríða þrem til fjórum sem veiktust fyrst og þau virka í lagi."
Hans: "Ekkert hross hefur veikst hjá mér. Ekki ennþá allavegana."
Mette: " Það er mjög misjafnt, 3-6 vikur."
Hafliði: " Við riðum fimm hrossum í gær og þegar þau voru komin inn í stíu byrjuðu fjögur að hósta, þar á meðal Ás frá Ármóti. Það var stefnt með þessi hross á Landsmót og fleiri til. Ég sé til hvernig málin þróast með hrossin mín. Ég vil ekki skaða hrossin með því að halda áfram að þjálfa þau."

21.05.2010 23:06

Fundur með hagsmunaaðilum innan hestamennskunnar

Fundur með hagsmunaaðilum innan hestamennskunnar

Í dag fór fram fundur í sjávarútvegs- og landbúnaðarráðuneytinu með öllum hagsmunaaðilum innan hestamennskunnar. Tilgangur fundarins var að fá heildarsýn yfir stöðu mála vegna hóstapestarinnar svonefndu. Síðast liðinn mánudag skipaði Halldór Runólfsson yfirdýralæknir nefnd, en í henni eiga sæti Sigríður Björnsdóttir, dýralæknir hrossasjúkdóma, Guðlaugur Antonsson hrossaræktarráðunautur og Sveinn Ólason dýralæknir. Þau hafa verið að safna öllum tiltækum upplýsingum um veikina og kynnti Sigríður helstu niðurstöður á rannsóknum þeirra og veitti ráðgjöf í ljósi þeirra.

Ljóst er að miklir hagsmunir eru í húfi, ekki síst er varðar Landsmót hestamanna sem fara á fram á Vindheimamelum  í Skagafirði 27. júní - 4. júlí.

Við ákvarðanatöku var reynt að meta þyngd og alvarleika hóstapestarinnar með tilliti til velferðar hrossa og jafnframt hvort faraldurinn muni verða að miklu leyti genginn yfir þegar úrtökur fyrir landsmótið fara fram.

Samþykkt var samhljóða eftirfarandi ályktun:

Á sameiginlegum fundi hagsmunaaðila í sjávarútvegs- og landbúnaðarráðuneytinu voru aðilar sammála um að stefnt skuli að því að halda Landsmót hestamanna á áður ákveðnum tíma. Aðilar voru sammála um að endurskoða fyrirkomulag og dagsetningar á úrtökum og dómum hrossa fyrir landsmótið með það að leiðarljósi að gera sem flestum hrossum mögulegt að vinna sér þátttökurétt.

Hópurinn mun koma saman um næstu mánaðarmót og endurmeta stöðuna.

11.05.2010 08:52

Frá Æskulýðsnefnd


Þó svo það sé hlé á námskeiðahaldi hjá krökkunum í knapamerkjunum vegna kvefpestarinnar í hestunum okkar þá er æskulýðsnefnd búin að ákveða að halda uppskeruhátíðina á Þingeyrum sunnudaginn 13. júní og vonum auðvitað að allir hestar verði orðnir hressir þá emoticon

Þar sem engin var ferðin á Æskan og hesturinn á Sauðárkróki verðum við að gera langa og skemmtilega ferð í staðin og er því fyrirhugað að reka (á laugardegi) og eða flytja (á sunnudegi) hestana í Þingeyrar, ríða út á sunnudeginum, gera eitthvað skemmtilegt og grilla eitthvað gott.



Þetta verður allt auglýst betur þegar nær dregur en endilega takið daginn frá, pabbar og mömmur, afar og ömmur, frænkur og frændur og allir aðrir, gerum skemmtilegan dag með krökkunum okkar 13. júní á Þingeyrum því þar eru frábærar útreiðaleiðir og skemmtilegt að vera.

10.05.2010 11:00

Tilkynning frá framkvæmdanefnd Landsmóts hestamann


Frá fundi framkvæmdanefndar í Skagafirði 7. maí.
Á fundi framkvæmdanefndar Landsmóts hestamanna sem haldinn var í Skagafirði, 7. maí með dýralækni hrossasjúkdóma var ákveðið að ekki verði hvikað frá undirbúningi Landsmóts þrátt fyrir að smitandi hósti gangi nú yfir hrossastofninn.

Kynbótasýningum verður fram haldið samkvæmt auglýstri dagskrá.    Ef á þarf að halda verða settar á aukakynbótasýningar sem eingöngu verða ætlaðar þeim hrossum sem ekki hafa áður getað mætt vegna veikinda.
Í lögum og reglum Landssambands hestamannafélaga, grein 6.5, er heimild til þess að félögin haldi tvær umferðir Landsmótsúrtöku.  
Félögin eru hvött til þess að nýta þetta ákvæði, ef þörf krefur, til að veita sem flestum tækifæri til að afla sér þátttökuréttar á Landsmóti.

Hestamenn eru hvattir til að gæta að velferð hrossa sinna og mæta ekki með veik hross til keppni eða sýninga.

Frekari upplýsingar um smitandi hósta hrossa er að finna HÉR.

Framkvæmdanefnd Landsmóts
Sigríður Björnsdóttir, dýralæknir hrossasjúkdóma hjá Matvælastofnun

05.05.2010 14:00

Tilkynning frá hrossaræktarráðunaut Guðlaugur V. Antonsson


Varla hefur hún farið framhjá nokkrum hestamanni sú kvefpest sem þessa dagana herjar á hrossastofninn. Ljóst er að pestin er mun alvarlegri en í fyrstu var talið og virðist hrossum mjög hætt við að slá niður ef ekki er varlega farið, þó menn telji einkenni horfin.

Hinar hefðbundnu vor- og héraðssýningar kynbótahrossa munu á næstunni fara í gang af fullum þunga svo sem vant er á þessum árstíma. Ekki hefur á þessu stigi málsins verið ákveðið með neinar breytingar á fyrirliggjandi dagskrá sýninganna. Vil ég því hvetja þá sem enn hafa sloppið við pestina eða sem hafa hross sem náð hafa sér að fullu að nýta tækifærið og koma hrossum til dóms hið fyrsta. Fyrirsjáanlegt er að álag verður að vanda mikið síðustu vikur dóma og eykst væntanlega enn með tilkomu pestarinnar.

Tuttugu og sjö hross mættu til dóms á Sauðárkróki, um fjörtíu eru skráð á Blönduósi og um áttatíu í Reykjavík þannig að greinilegt er að enn eru einhver hross heilbrigð. Næstu sýningar eru síðan í Eyjafirði og Hafnarfirði. 

Ákveðið hefur verið að öllum hrossum sem sýna sjúkdómseinkenni pestarinnar verði umsvifalaust vísað frá sýningunum. Enda um ótvírætt dýraverndunarmál að ræða að aðeins sé komið til dóms með hross í góðu heilbrigðisástandi. 

Guðlaugur V. Antonsson
Hrossaræktarráðunautur BÍ

04.05.2010 19:29

Kynbótasýning Blönduósi 6. maí 2010 - Röð knapa

Fimmtudagur 6. maí Holl 1 kl 8:00

1 Tryggvi Björnsson
2 Baldvin Ari Guðlaugsson
3 Tryggvi Björnsson
4 Sandra Maria Marin
5 Tryggvi Björnsson
6 Þórarinn Eymundsson
7 Baldvin Ari Guðlaugsson
8 Tryggvi Björnsson
9 Helga Thoroddsen
10 Þórarinn Eymundsson
11 Tryggvi Björnsson
12 Fanney Dögg Indriðadóttir
13 Sandra Maria Marin
14 Tryggvi Björnsson

Fimmtudagur 6. maí Holl 2 kl 12:30
1 Jóhann Birgir Magnússon
2 Baldvin Ari Guðlaugsson
3 Tryggvi Björnsson
4 Agnar Þór Magnússon
5 Ásdís Helga Sigursteinsdóttir
6 Jóhann Birgir Magnússon
7 Tryggvi Björnsson
8 Herdís Einarsdóttir
9 Jakob Svavar Sigurðsson
10 Agnar Þór Magnússon
11 Jóhann Birgir Magnússon
12 Tryggvi Björnsson
13 Ásdís Helga Sigursteinsdóttir
14 Herdís Einarsdóttir

Fimmtudagur 6. maí Holl 3 kl 16:30
1 Ólafur Magnússon
2 Tryggvi Björnsson
3 Jóhann Birgir Magnússon
4 Baldvin Ari Guðlaugsson
5 Agnar Þór Magnússon
6 Ásdís Helga Sigursteinsdóttir
7 Ólafur Magnússon
8 Tryggvi Björnsson
9 Jóhann Birgir Magnússon
10 Herdís Einarsdóttir
11 Jakob Svavar Sigurðsson
12 Ólafur Magnússon
13 Tryggvi Björnsson



Yfirlitssýning hefst kl 9:30 á föstudag 7. maí

Vorsýning á Blönduósi

Mót númer: 03 - 06.05.2010

Sýningarstjóri: Gunnar Ríkharðsson
Aðaldómari: Guðlaugur V Antonsson
Dómari 2: Sigbjörn Björnsson
Dómari 3: Elsa Albertsdóttir
Annað starfsfólk: Þórður Pálsson

Einstaklingssýndir stóðhestar 6 vetra

IS2004155411 Kufl Grafarkoti
Litur: 2510 Brúnn/milli- skjótt
Ræktandi: Herdís Einarsdóttir, Indriði Karlsson
Eigandi: Herdís Einarsdóttir
F: IS1998187045 Klettur Hvammi
M: IS1988255410 Kórea Grafarkoti
Sýnandi: Herdís Einarsdóttir

IS2004157547 Sólnes Ytra-Skörðugili
Litur: 0200 Grár/brúnn einlitt
Ræktandi: Ingimar Ingimarsson
Eigandi: Ingimar Ingimarsson
F: IS1988165895 Gustur Hóli
M: IS1992257552 Svartasól Ytra-Skörðugili
Sýnandi: Þórarinn Eymundsson


Einstaklingssýndir stóðhestar 5 vetra

IS2005165493 Baugur Efri-Rauðalæk
Litur: 2500 Brúnn/milli- einlitt
Ræktandi: Guðlaugur Arason
Eigandi: Guðlaugur Arason
F: IS2000165490 Krókur Efri-Rauðalæk
M: IS1984260002 Dögg Akureyri
Sýnandi: Baldvin Ari Guðlaugsson

IS2005158843 Blær Miðsitju
Litur: 1550 Rauður/milli- blesótt
Ræktandi: Magnús Andrésson
Eigandi: Magnús Andrésson
F: IS2001137637 Arður Brautarholti
M: IS1991258302 Björk Hólum
Sýnandi: Tryggvi Björnsson

IS2005155354 Rammur Höfðabakka
Litur: 2500 Brúnn/milli- einlitt
Ræktandi: Sigrún Kristín Þórðardóttir, Sverrir Sigurðsson
Eigandi: Sigrún Kristín Þórðardóttir, Sverrir Sigurðsson
F: IS2001165222 Rammi Búlandi
M: IS1994255353 Smella Höfðabakka
Sýnandi: Tryggvi Björnsson


Einstaklingssýndir stóðhestar 4 vetra

IS2006136481 Bliki Hjarðarholti
Litur: 8410 Vindóttur/rauð- skjótt
Ræktandi: Jón Þór Jónasson
Eigandi: Jón Þór Jónasson
F: IS1981187020 Kolfinnur Kjarnholtum I
M: IS1992236485 Snót Hjarðarholti
Sýnandi: Agnar Þór Magnússon

IS2006155022 Eldfari Stóru-Ásgeirsá
Litur: 0100 Grár/rauður einlitt
Ræktandi: Elías Guðmundsson
Eigandi: Elías Guðmundsson
F: IS1994166620 Huginn Haga I
M: IS1993255035 Eldspýta Stóru-Ásgeirsá
Sýnandi: Agnar Þór Magnússon

IS2006156400 Magni Sauðanesi
Litur: 1500 Rauður/milli- einlitt
Ræktandi: Páll Þórðarson
Eigandi: Páll Þórðarson
F: IS1998156539 Parker Sólheimum
M: IS1992256400 Mirra Sauðanesi
Sýnandi: Tryggvi Björnsson

IS2006165495 Símon Efri-Rauðalæk
Litur: 2700 Brúnn/dökk/sv. einlitt
Ræktandi: Guðlaugur Arason, Snjólaug Baldvinsdóttir
Eigandi: Guðlaugur Arason, Snjólaug Baldvinsdóttir
F: IS1990157003 Galsi Sauðárkróki
M: IS1996266032 Pandóra Tungu
Sýnandi: Baldvin Ari Guðlaugsson

IS2006165490 Svartur Efri-Rauðalæk
Litur: 2700 Brúnn/dökk/sv. einlitt
Ræktandi: Heimir Guðlaugsson
Eigandi: Heimir Guðlaugsson
F: IS1990184730 Andvari Ey I
M: IS1989265805 Nótt Þverá, Skíðadal
Sýnandi: Baldvin Ari Guðlaugsson


Einstaklingssýndar hryssur 7 vetra og eldri

IS2000238376 Aníta Vatni
Litur: 1500 Rauður/milli- einlitt
Ræktandi: Sigurður Hrafn Jökulsson
Eigandi: Sigurður Hrafn Jökulsson
F: IS1988165895 Gustur Hóli
M: IS1988238376 Andrá Vatni
Sýnandi: Agnar Þór Magnússon

IS2003265893 Auðna Kommu
Litur: 0200 Grár/brúnn einlitt
Ræktandi: Vilberg Jónsson
Eigandi: Gangráður ehf
F: IS1988165895 Gustur Hóli
M: IS1995265892 Ugla Kommu
Sýnandi: Jakob Svavar Sigurðsson

IS2003284654 Demba Vestra-Fíflholti
Litur: 3300 Jarpur/botnu- einlitt
Ræktandi: Ágúst Rúnarsson
Eigandi: Ásmundur Ingvarsson
F: IS1997184662 Elvis Vestra-Fíflholti
M: IS1988284978 Rökkva Dufþaksholti
Sýnandi: Tryggvi Björnsson

IS2002256345 Gletta Sveinsstöðum
Litur: 0100 Grár/rauður einlitt
Ræktandi: Björg Þorgilsdóttir
Eigandi: Ólafur Magnússon
F: IS1988165895 Gustur Hóli
M: IS1992256282 Maístjarna Sveinsstöðum
Sýnandi: Ólafur Magnússon

IS2003286686 Gæfa Holtsmúla 1
Litur: 2500 Brúnn/milli- einlitt
Ræktandi: Aðalsteinn Sæmundsson
Eigandi: Aðalsteinn Sæmundsson
F: IS1995186691 Suðri Holtsmúla 1
M: IS1987257225 Gígja Ytra-Skörðugili
Sýnandi: Jakob Svavar Sigurðsson

IS2003225049 Orrahríð Kiðafelli
Litur: 1500 Rauður/milli- einlitt
Ræktandi: Sigurbjörn Hjaltason
Eigandi: Eline Manon Schrijver, Jón Gíslason
F: IS1986186055 Orri Þúfu
M: IS1993257183 Tónaflóð Hólkoti
Sýnandi: Tryggvi Björnsson

IS2003256345 Stjörnudís Sveinsstöðum
Litur: 2220 Brúnn/mó- stjörnótt
Ræktandi: Björg Þorgilsdóttir
Eigandi: Þorgils Magnússon
F: IS1994184553 Sveinn-Hervar Þúfu
M: IS1992256282 Maístjarna Sveinsstöðum
Sýnandi: Ólafur Magnússon

IS2003265669 Týja Árgerði
Litur: 2720 Brúnn/dökk/sv. stjörnótt
Ræktandi: Magni Kjartansson
Eigandi: Magni Kjartansson
F: IS1998165661 Týr Árgerði
M: IS1990265660 Hrefna Árgerði
Sýnandi: Ásdís Helga Sigursteinsdóttir

IS2002265671 Von Árgerði
Litur: 3400 Jarpur/rauð- einlitt
Ræktandi: Magni Kjartansson
Eigandi: Magni Kjartansson
F: IS1995165663 Kjarni Árgerði
M: IS1991265663 Græja Árgerði
Sýnandi: Ásdís Helga Sigursteinsdóttir


Einstaklingssýndar hryssur 6 vetra

IS2004255050 Brimkló Efri-Fitjum
Litur: 6400 Bleikur/fífil- einlitt
Ræktandi: Gréta Brimrún Karlsdóttir, Gunnar Þorgeirsson
Eigandi: Gréta Brimrún Karlsdóttir, Gunnar Þorgeirsson
F: IS1994158700 Keilir Miðsitju
M: IS1995255418 Ballerína Grafarkoti
Sýnandi: Tryggvi Björnsson

IS2004255416 Gella Grafarkoti
Litur: 1520 Rauður/milli- stjörnótt
Ræktandi: Herdís Einarsdóttir, Indriði Karlsson
Eigandi: Herdís Einarsdóttir
F: IS1998187045 Klettur Hvammi
M: IS1994255410 Glæta Grafarkoti
Sýnandi: Herdís Einarsdóttir

IS2004256345 Heilladís Sveinsstöðum
Litur: 3540 Jarpur/milli- tvístjörnótt
Ræktandi: Björg Þorgilsdóttir
Eigandi: Björg Þorgilsdóttir
F: IS1989158501 Glampi Vatnsleysu
M: IS1992256282 Maístjarna Sveinsstöðum
Sýnandi: Ólafur Magnússon

IS2004276450 Hildigunnur Kollaleiru
Litur: 2500 Brúnn/milli- einlitt
Ræktandi: Hans Friðrik Kjerulf
Eigandi: Pétur Vopni Sigurðsson
F: IS1996181791 Geisli Sælukoti
M: IS1992276426 Þota Reyðarfirði
Sýnandi: Tryggvi Björnsson

IS2004258430 Hrifning Kýrholti
Litur: 4594 Leirljós/Hvítur/milli- blesa auk leista eða sokka hringeygt eða glaseygt
Ræktandi: Steinþór Tryggvason
Eigandi: Ásdís Helga Sigursteinsdóttir, Gísli Steinþórsson, Steinþór Tryggvason
F: IS1995135993 Hróður Refsstöðum
M: IS1986257809 Þörf Hólum
Sýnandi: Ásdís Helga Sigursteinsdóttir

IS2004255474 Hugsýn Þóreyjarnúpi
Litur: 7500 Móálóttur,mósóttur/milli- einlitt
Ræktandi: Þóreyjarnúpshestar ehf
Eigandi: Jóhann Birgir Magnússon
F: IS1994166620 Huginn Haga I
M: IS1989255475 Kólga Þóreyjarnúpi
Sýnandi: Jóhann Birgir Magnússon

IS2004265492 Krækja Efri-Rauðalæk
Litur: 2700 Brúnn/dökk/sv. einlitt
Ræktandi: Guðlaugur Arason
Eigandi: Guðlaugur Arason
F: IS1986186055 Orri Þúfu
M: IS1994265490 Drottning Efri-Rauðalæk
Sýnandi: Baldvin Ari Guðlaugsson

IS2004256287 Ólga Steinnesi
Litur: 1540 Rauður/milli- tvístjörnótt
Ræktandi: Jósef Magnússon
Eigandi: Magnús Jósefsson
F: IS1996156290 Gammur Steinnesi
M: IS1995256298 Hnota Steinnesi
Sýnandi: Tryggvi Björnsson

IS2004256392 Stefna Sauðanesi
Litur: 2500 Brúnn/milli- einlitt
Ræktandi: Ingibjörg Guðmundsdóttir
Eigandi: Þórður Pálsson
F: IS1994184553 Sveinn-Hervar Þúfu
M: IS1984256018 Skikkja Sauðanesi
Sýnandi: Tryggvi Björnsson

IS2004256322 Þraut Þingeyrum
Litur: 0200 Grár/brúnn einlitt
Ræktandi: Þingeyrabúið ehf
Eigandi: Þingeyrabúið ehf
F: IS1996135467 Flygill Vestri-Leirárgörðum
M: IS1991287378 Tíbrá Stóra-Ármóti
Sýnandi: Helga Thoroddsen


Einstaklingssýndar hryssur 5 vetra

IS2005255573 Byrjun Bessastöðum
Litur: 1200 Rauður/ljós- einlitt
Ræktandi: Jóhann Birgir Magnússon, Vandemoortele Harold, Verbesselt Dirk
Eigandi: Jóhann Birgir Magnússon, Vandemoortele Harold, Verbesselt Dirk
F: IS1994158700 Keilir Miðsitju
M: IS1998255417 Önn Grafarkoti
Sýnandi: Jóhann Birgir Magnússon

IS2005255415 Drápa Grafarkoti
Litur: 2540 Brúnn/milli- tvístjörnótt
Ræktandi: Indriði Karlsson
Eigandi: Herdís Einarsdóttir
F: IS2000187051 Gígjar Auðsholtshjáleigu
M: IS1996255714 Aría Grafarkoti
Sýnandi: Herdís Einarsdóttir

IS2005255410 Kara Grafarkoti
Litur: 1520 Rauður/milli- stjörnótt
Ræktandi: Herdís Einarsdóttir, Indriði Karlsson
Eigandi: Herdís Einarsdóttir
F: IS1996156290 Gammur Steinnesi
M: IS1987255412 Klassík Grafarkoti
Sýnandi: Tryggvi Björnsson

IS2005256275 Líf Hólabaki
Litur: 3500 Jarpur/milli- einlitt
Ræktandi: Björn Magnússon
Eigandi: Björn Magnússon
F: IS1993186930 Adam Ásmundarstöðum
M: IS1992256275 Dreyra Hólabaki
Sýnandi: Tryggvi Björnsson

IS2005258703 Þjóðhátíð Miðsitju
Litur: 2500 Brúnn/milli- einlitt
Ræktandi: Guðmar Þór Pétursson
Eigandi: Guðmar Þór Pétursson
F: IS1997186541 Rökkvi Hárlaugsstöðum
M: IS1996258700 Skyggna Miðsitju
Sýnandi: Tryggvi Björnsson


Einstaklingssýndar hryssur 4 vetra

IS2006257342 Blálilja Hafsteinsstöðum
Litur: 3400 Jarpur/rauð- einlitt
Ræktandi: Hildur Claessen, Skapti Steinbjörnsson
Eigandi: Hildur Claessen, Skapti Steinbjörnsson
F: IS1993156910 Smári Skagaströnd
M: IS1997257340 Dimmblá Hafsteinsstöðum
Sýnandi: Þórarinn Eymundsson

IS2006255573 Hera Bessastöðum
Litur: 3500 Jarpur/milli- einlitt
Ræktandi: Jóhann Birgir Magnússon, Vandemoortele Harold, Verbesselt Dirk
Eigandi: Jóhann Birgir Magnússon, Vandemoortele Harold, Verbesselt Dirk
F: IS2000187051 Gígjar Auðsholtshjáleigu
M: IS1998255417 Önn Grafarkoti
Sýnandi: Jóhann Birgir Magnússon

IS2006256895 Orða Eyjarkoti
Litur: 3720 Jarpur/dökk- stjörnótt
Ræktandi: Guðbjörg Gestsdóttir
Eigandi: Guðbjörg Gestsdóttir
F: IS2001156297 Glettingur Steinnesi
M: IS2002256894 Sæunn Eyjarkoti
Sýnandi: Sandra Maria Marin

IS2006255571 Ósk Bessastöðum
Litur: 6600 Bleikur/álóttur einlitt
Ræktandi: Jóhann Birgir Magnússon
Eigandi: Jóhann Birgir Magnússon
F: IS2001186077 Herakles Herríðarhóli
M: IS1995265661 Milla Árgerði
Sýnandi: Jóhann Birgir Magnússon

IS2006256139 Stikla Efri-Mýrum
Litur: 1520 Rauður/milli- stjörnótt
Ræktandi: Sandra Maria Marin
Eigandi: Sandra Maria Marin
F: IS1993156910 Smári Skagaströnd
M: IS1995235510 Þruma Hvítárbakka 1
Sýnandi: Sandra Maria Marin

IS2006255411 Sýn Grafarkoti
Litur: 1520 Rauður/milli- stjörnótt
Ræktandi: Fanney Dögg Indriðadóttir
Eigandi: Elvar Logi Friðriksson, Fanney Dögg Indriðadóttir
F: IS2000135815 Sólon Skáney
M: IS1994255415 Ásjóna Grafarkoti
Sýnandi: Fanney Dögg Indriðadóttir

IS2006235698 Unun Vatnshömrum
Litur: 2500 Brúnn/milli- einlitt
Ræktandi: Hallgrímur Sveinn Sveinsson, Jóhann Birgir Magnússon, Sveinn Hallgrímsson
Eigandi: Jóhann Birgir Magnússon
F: IS1998184713 Aron Strandarhöfði
M: IS1998235698 Iða Vatnshömrum
Sýnandi: Jóhann Birgir Magnússon


04.05.2010 12:23

Hrossasýningar raskast


Röskun hefur orðið á undirbúningi landsmóts hestamanna í sumar vegna smitandi hósta í hrossum sem grasserar nú í hesthúsum. Sigríður Björnsdóttir, dýralæknir hrossasjúkdóma, ráðleggur hestamönnum eindregið að hvíla veik hross og segir að ekki megi mæta með þau á sýningar eða í keppni.

Ekki hefur tekist að greina sjúkdóminn. Sigríður segir að þetta virðist nýr veirusjúkdómur hér á landi því lítil mótstaða sé gegn honum. Gjarnan fylgja bakteríusýkingar í kjölfarið og geta hrossin þá fengið hita og graftarkenndan hor í nös.

"Vandinn liggur í því hvað hrossin eru lengi að jafna sig og raunar ekki útséð með það hversu lengi þau eru að ná sér alveg," segir Sigríður.

Hún segir að reynslan sýni að hrossin þurfi að fá hvíld meðan sjúkdómurinn gangi yfir. Ef menn byrji of snemma að ríða út geti hrossunum slegið niður. "Hestamenn verða að taka þetta alvarlega. Við erum smám saman að sjá að raunveruleikinn er verri en við héldum í upphafi."

Flettingar í dag: 491
Gestir í dag: 15
Flettingar í gær: 709
Gestir í gær: 26
Samtals flettingar: 409718
Samtals gestir: 49742
Tölur uppfærðar: 29.3.2024 11:30:50

Vafraðu um

Eldra efni

Um hestamannafélagið Neista

Nafn:

Hestamannafélagið Neisti

Afmælisdagur:

1943

Heimilisfang:

540 Blönduós

Staðsetning:

Blönduós

Um:

Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.

Kennitala:

480269-7139

Tenglar

clockhere