Færslur: 2012 Nóvember

27.11.2012 20:55

Félagsfundur


Almennur félagsfundur verður haldinn í Reiðhöllinni Arnargerði, kaffistofu,
fimmtudaginn 29. nóvember kl. 20.30.


Rætt verður um vetrardagskrána: mót og námskeið, reiðhallarmál og fleira.

Stjórnin

27.11.2012 20:52

Vetrarþjálfun og járning


                                                                           
Endurmenntun Landbúnaðarháskóla Íslands vekur athygli á tveimur áhugaverðum námskeiðum sem í boði eru á Hvanneyri nú í desember og janúar.

Undirbúningur vetrarþjálfunar með Agli Þórarinssyni

Egill Þórarinsson er einn af reyndustu reiðkennurum landsins. Hann á að baki langan og farsælan feril að baki í reiðkennslu, þjálfun, sýningu kynbótahrossa og keppnishrossa.

Þetta námskeið er hugsað fyrir þá sem vilja undirbúa sig vel fyrir komandi þjálfunartímabil. Farið verður yfir atriði sem vert er að hafa í huga í byrjun vetrar, atriði sem snúa bæði að hesti og knapa. Nú er rétti tíminn til að vinna í því sem krefst nákvæmni og þolinmæði; leiðrétta taumsamband og höfuðburð, lengja og teygja á yfirlínu og styrkja bak. Námskeiðið verður einstaklingsmiðað og leitast verður eftir að meta hvern knapa og hest og leggja áherslu á að byggja og bæta grunninn í þjálfuninni sem síðan verður hægt að byggja áframhaldandi vetrarþjálfun á.

Kennari: Egill Þórarinsson, reiðkennari og sýninga- og keppnisknapi.

Tímar: lau. 8. des. kl 9:30-19:00 (einkatímar) og sun. 9. des. Kl 9:00-17:00 (sýnikennsla, hópatímar, o.fl.) í Hestamiðstöð Lbhí á Miðfossum. Með fyrirvara um breytingar.

Verð: 26.500.- (kennsla, aðstaða fyrri hross, hádegissnarl á sunnudegi). Skráningarfrestur er til 3. des.

Skráningar:  [email protected]  eða í síma 433 5000 (fram komi nafn, kennitala, heimili og sími).

Staðfestingargjald: Staðfesta þarf skráningu með því að millifæra 7.000 kr (óafturkræft) á reikninginn 354-26-4237, kt. 411204-3590. Senda staðfestingu á netfangið [email protected]

Járningar og hófhirða

Einnig er búið að opna fyrir skráningar á námskeiðið Járningar og hófhirða sem fer fram í janúar.

Námskeiðið er einkum ætlað bændum, hrossaræktendum og áhugamönnum.     

Fjallað verður um undirstöðuatriði við hófhirðingu og járningu hesta. Kennd verður hófhirðing, tálgun og járningar. Rætt verður um áhrif járningar á hreyfigetu hestsins og fjallað um gerð hófsins og hlutverk. Námskeiðið er að mestu verkleg kennsla og koma þátttakendur því með eigin járningaáhöld og hest/hesta. Hámarksfjöldi þátttakenda 10.

Kennari: Sigurður Oddur Ragnarsson járningameistari og bóndi á Oddsstöðum.

Tími: Lau. 12. jan., kl. 10:00-18:00 og sun. 13. jan., kl. 9:00-16:00  (19,5 kennslustundir) í Hestamiðstöð LbhÍ á Miðfossum.

Verð: 22.900kr. (kennsla, gögn, aðstaða fyrir hest og veitingar).

Skráningar: [email protected] eða s: 433 5000.

Staðfestingargjald: Staðfesta þarf skráningu með því að millifæra 5200 kr (óafturkræft) á reikninginn 0354-26-4237, kt. 411204-3590.

Minnum á Starfsmenntasjóð bænda - www.bondi.is

25.11.2012 23:00

Uppskeruhátíðin


Uppskeruhátíð húnvetnskra bænda og hestamanna var í gærkvöldi og tókst vel eins og alltaf. Eins og fyrri ár voru veitt verðlaun fyrir hesta, kýr og kindur.....
         
Knapi ársins 2012 hjá Hestamannafélaginu Neista er Ólafur Magnússon.
Hann gerir það alltaf gott á þeim mótum sem hann mætir. Var í KS-deildinni, í 1. sæti í tölti. Í úrslitum í tölti á Ís-landsmót og á Landsmóti varð hann í 10. sæti í B-flokk og 15. sæti í tölti á Gáska frá Sveinsstöðum.


               Óli tekur hér við viðurkenningu og auðvitað fær Inga Sóley
blóm






                                  Óli og Gáski á Landsmóti 2012

Innilega til hamingju með flottan árangur.





Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin.  Þeir félagarnir Magnús Jósefsson og Magnús Jósefsson (Þorlákur Sveinsson) sáu um að veita þær viðurkenningar emoticon

  


 

Viðurkenningar kynbótahrossa:

Hryssur

4 vetra
Katla frá Blönduósi
F. Akkur frá Brautarholti
M. Kantata frá Sveinatungu
B: 7,96  H: 8,45  A: 8,25
Ræktendur og eigendur: Tryggvi Björnsson og Ásgeir Blöndal
Sýnandi: Tryggvi Björnsson


      Kampakátur Aron Orri Tryggvason tekur hér á móti verðlaunum fyrir Kötlu frá Blönduósi



5 vetra 
Eydís frá Hæli
F. Glymur frá Innri Skeljabrekku
M. Dáð frá Blönduósi
B: 7,99  H: 8,40  A: 8,24
Ræktandi og eigandi: Jón Kristófer Sigmarsson
Sýnandi: Gísli Gíslason


         Jón Kristófer ánægður með verðlaun fyrir Eydísi sína.



6 vetra
Kátína frá Steinnesi
F. Garpur frá Hvoli
M. Kylja frá Steinnesi
B:  7,57  H: 8,38  A: 8,06
Ræktendur og eigendur: Magnús Jósefsson og Tryggvi Björnsson
Sýnandi: Tryggvi Björnsson


    Magnús var hoppandi kátur með verðlaun fyrir Kátínu
   

7 vetra og eldri
Smáralind frá Skagaströnd 
F. Smári frá Skagaströnd
M. Sól frá Litla-Kambi
B: 8,15   H:  8,46   A: 8,34
Ræktandi: Sveinn Ingi Grímsson
Eigandi: Gestüt Sunnaholt GmbH
Sýnandi:  Þórarinn Eymundsson


        Sveinn Ingi kampakátur með verðlaunin fyrir Smáralind



Stóðhestar

5 vetra
Guðberg frá Skagaströnd
F. Smári frá Skagaströnd  M. Þyrla frá Skagaströnd
B: 7,96   H: 8,23   A: 8,12
Ræktandi:  Sveinn Ingi Grímsson
Eigandi: Eva Husbom
Sýnandi:  Guðmundur Friðrik Björgvinsson


     og Sveinn fékk líka verðlaun fyrir Guðberg



6 vetra
Kompás frá Skagaströnd

F.  Hágangur frá Narfastöðum 
M. Sunna frá Akranesi
B: 8,46   H: 8,40    A:  8,43
Ræktandi og eigandi:  Sveinn Ingi Grímsson
Sýnandi: Daníel Jónsson


      og Líney fékk verðlaunin fyrir Kompás



7 vetra og eldri 
Sævar frá Hæli
F.  Keilir frá Miðsitju
M. Veröld frá Blönduósi
B: 8,26  H: 8,23   A: 8,24
Ræktandi: Jón Kristófer Sigmarsson og Ólöf Birna Björnsdóttir
Eigendi: Inge Kringeland
Sýnandi:  Heiðrún Ósk Eymundsdóttir


       Jón Kristófer þakkar hér kærlega fyrir verðlaun fyrir Sævar



Sölufélagsbikarinn fær  hæst dæmda hryssa á héraðsýningu í Húnaþingi í eigu heimamanns. 

Sif frá Söguey
 

F. Orri frá Þúfu
M. Gefjun frá Sauðanesi
B: 8,29  H: 8,07   A: 8,16
Ræktandi:  Torben Haugaard
Eigendur: Tryggvi Björnsson og Jónas Hallgrímsson
Sýnandi:  Tryggvi Björnsson


                      Aron Orri tekur hér á móti verðlaunum fyrir Sif frá Söguey 



Búnaðarbankabikarinn fær hæst dæmdi stóðhestur á héraðssýningu í Húnaþingi í eigu heimamanns.

Áfangi frá Sauðanesi

F.  Hágangur frá Narfastöðum
M. Slæða frá Sauðanesi
B:  8,50  H: 7,75   A: 8,05
Ræktandi og eigandi:  Ingibjörg Guðmundsdóttir
SýnandiTryggvi Björnsson


     Ingibjörg með sín verðlaun fyrir Áfanga



Fengsbikarinn
- bikar sem gefinn var til minningar um Guðmund Sigfússon frá Eiríksstöðum og veittur er hæst dæmda kynbótahrossi í eigu heimamanns
.  

Kompás frá Skagaströnd
F.  Hágangur frá Narfastöðum 
M. Sunna frá Akranesi
B: 8,46   H: 8,40    A:  8,43
Ræktandi og eigandi:  Sveinn Ingi Grímsson
Sýnandi: Daníel Jónsson


     Sveinn og Líney með veðlaunin fyrir Kompás




Ræktunarbú  2012 : Sunnukvistir, Skagaströnd
Sveinn Ingi Grímsson og Líney Jósefsdóttir



Á árinu 2012 voru 5 hross úr þeirra ræktun sýnd í kynbótadómi, þau: Sunna með aðaleinkunn 8,02,  Guðberg með aðaleinkunn 8,12, Kompás með aðaleinkunn 8,43, Smáralind með aðaleinkunn 8.34 og Kostur með aðaleinkunn 7,95. Kvistur fór í úrtöku fyrir Landsmót hjá Herði og fékk þar í aðaleinkunn 8,91 en í A-flokki á Landsmóti fékk hann aðaleinkunina 8,56.

Glæsilegur árangur, innilega til hamingju Sveinn og Líney.


21.11.2012 14:30

Félagsfundurinn


Félagsfundurinn verður í Reiðhöllinni Arnargerði fimmtudaginn 29. nóvember kl. 20.30.

Stjórnin


21.11.2012 08:19

Meistaradeild Norðurlands 2013


Meistaradeild Norðurlands hefst á úrtöku þan 30 jan næstkomandi

Keppnisdagar í vetur eru eftirfarandi.

30. jan. úrtaka um 6 laus sæti í deildinni.
20. feb. 4. gangur
6. mars. 5. gangur
20. mars. tölt
10. apríl. skeið og slaktaumatölt.

kv. Stjórn MN


20.11.2012 10:34

Minnum á félagsfundinn


Almennur félagsfundur verður haldinn í Reiðhöllinni Arnargerði, kaffistofu,  miðvikudaginn 21. nóvember kl. 20.30.


Rætt verður um vetrardagskrána: mót og námskeið, reiðhallarmál og fleira.

Stjórnin.



20.11.2012 08:51

Sýnikennslur 1. des í Þytsheimum


Laugardaginn 1.desember
 verða þrjár áhugaverðar sýnikennslur í Þytsheimum. 
Dagskráin hefst kl. 17:00 og lýkur 19:30.
Gert er ráð fyrir einu matarhléi og verða veitingar til sölu á staðnum. 
 
Fram koma:
Guðmundur Arnarson þjálfari og reiðkennari 
Ísólfur Líndal Þórisson þjálfari og reiðkennari 
Þórarinn Eymundsson tamningameistari 

 

 

 

 

 
 
 
 
Aðgangseyrir kr. 2000.- sem rennur óskiptur til hestamannafélagsins Þyts. 
Frítt fyrir 14 ára og yngri.
 
 
Hvetjum alla hestamenn nær og fjær til að mæta enda um mjög áhugaverða fræðslu að ræða.
 
Stjórnin

15.11.2012 16:59

Í Þytsheimum 1. des.

Vöru- og sölukynning

Þann 1. desember nk. verða verslanirnar Kidka, Knapinn Borgarnesi ofl. með kynningu og sölu á vörum sínum í Þytsheimum.  Þetta mæltist vel fyrir í fyrra, nýtið ykkur tækifærið og verslið í heimabyggð!
Nánar auglýst síðar.  

Fræðslunefnd

Sýnikennslur í Þytsheimum

Laugardagskvöldið 1.desember verða áhugaverðar sýnikennslur fyrir alla hestamenn í Þytsheimum.
Allur aðgangseyrir rennur óskiptur til Hestamannafélagsins Þyts.
Nánari dagskrá auglýst síðar.


15.11.2012 16:46

Knapamerkja og prófdómaranámskeið


Sunnudaginn 18 nóvember
verður boðið upp á fræðsludag og námskeið um Knapamerkin auk þess sem prófdómurum verður boðið upp á að uppfæra dómararéttindi sín og nýjum að spreyta sig á að taka próf. Fyrri hluti námskeiðsins verður öllum opinn sem áhuga hafa á að fræðast um Knapamerkin eða ætla sér að bjóða upp á Knapamerkjanámskeið í vetur. Seinni hluti námskeiðsins er einungis hugsaður fyrir þá aðila (reiðkennara) sem hyggjast taka prófdómarapróf.

Ath. Þeir sem eru með prófdómararéttindi verða mæta á þetta námskeið og taka prófdómaraprófið til að viðhalda núverandi réttindum.

Skráningu í prófdómarahluta námskeiðsins lýkur föstudagskvöldið 9 nóvember.

Staðsetning - Fáksheimilið og Reiðhöllin í Víðidal

Dagsetning - 18 nóvember frá klukkan 10:30 til 18

Verð
Það er frítt á fyrri hluta námskeiðsins en verð fyrir þá sem mæta á prófdómaranámskeið er 20.000 krónur og innifalið í því er kaffi og snarl yfir daginn auk próftökugjalds.

Dagskrá
Klukkan: 10:30 - 10:45 Kynning Helga Thoroddsen
Klukkan: 10:45 - 11:15
Erindi: Arndís Brynjólfsdóttir, reiðkennari.
Reynslan af Knapamerkjunum í Fjölbrautaskóla Norðurlands Vestra.
Kaffihlé
Klukkan: 11:30 - 12:00
Erindi: Rósa Kristinsdóttir og Oddný Erlendsdóttir.
Fjalla um reynsluna af því að vera nemandi í Knapamerkjum. Báðar hafa lokið prófi á 5. Stigi Knapamerkjanna.
Klukkan: 12:00 - 12: 15 Fyrirspurnir og umræður
 
Þessi fyrri hluti námskeiðsins er öllum opinn sem áhuga hafa á að kynna sér Knapamerkin og leita upplýsinga um þau.
 
Matarhlé
Klukkan 13:00 - 13:30
Farið yfir helstu verkefni Knapamerkjanna þessa dagana og hvað er framundan.
Umræður
Klukkan 13: 40 - 15:30
Farið yfir helstu áhersluatriði í prófum og æfð prófdæming af myndböndum.
Kaffihlé
Klukkan 16:00 - 18:00
Prófdómarapróf

Þessi hluti námskeiðsins er opinn reiðkennurum sem hyggjast kenna Knapamerkjanámskeið og prófdómurum sem  vilja uppfæra prófdómararéttindi sín. Dæmd verða 2 próf á hverju stigi Knapamerkjanna og prófgögnum skilað til prófdómara.


14.11.2012 09:14

Uppskeruhátíðin


Uppskeruhátíð búgreinafélaganna í A-Hún.

og Hestamannafélagsins Neista


verður haldin laugardaginn 24. nóvember n.k.
í Félagsheimilinu á Blönduósi.


Veislustjóri verður Gísli Einarsson.

Húsið opnað kl. 19:30 með fordrykk í boði SAH Afurða
.
Glæsilegur 4ra rétta kvöldverður.

Hljómsveitin Í sjöunda himni

mun síðan leika fyrir dansi fram á rauða nótt.

Miðaverð kr. 6.500.

Miðapantanir hjá:

Rannveigu og Rúnari    s: 452 4527 / 695 3363
Stefaníu og Bjarka       s: 4524338  / 862 2993
Janine og Pálma           s: 452 4284 / 897 4761
Þórunni og Birgi           s: 452 4572 / 893 2196


Skráningu lýkur sunnudagskvöldið 18. nóvember.

13.11.2012 08:31

Almennur félagsfundur


Almennur félagsfundur verður haldinn í Reiðhöllinni Arnargerði, kaffistofu,  miðvikudaginn 21. nóvember kl. 20.30.

11.11.2012 21:07

Námskeið í vetur


Æskulýðsnefnd Neista er að hefja sitt 12. starfsár í Reiðhöllinni Arnargerði.


Í fyrstu æskulýðsnefndinni, veturinn 2002, voru Finnur Karl Björnsson, Jón Ragnar Gíslason og Alda Björnsdóttir og markmið nefndarinnar var: Að kenna hestfærum börnum og unglingum undirstöðuatriði í almennri reiðmennsku, ásetu og stjórnun, hugsanlega með keppni og/eða sýningar að leiðarljósi ef við á.
Mikil þátttaka var á námskeiðin strax á 1. vetri. Helga Thoroddsen og Herdís Reynisdóttir kenndu eldri krökkunum á laugardögum en nefndarmenn voru með yngri krakkana milli 16-18 nokkra daga í viku. Þá gaf Lionsklúbburinn á Blönduósi krökkunum 10 hjálma að gjöf.


Námskeiðin nú í vetur verða öll á sínum stað ef næg þátttaka fæst.

Reiðnámskeið fyrir börn og unglinga:

   byrjendur
   minna vana
   meira vana
   knapamerki 1, 2, 3 og 4 - lágmarks fjöldi í hóp í knapamerkjum eru 4

Bókleg og verkleg kennsla í knapamerkjum hefst snemma í janúar en önnur námskeið byrja í lok janúar.
Kennari í vetur verður Sonja Noack, reiðkennari.

Vinsamlegast skráið ykkur á þau námskeið sem þið hafið áhuga á netfang Neista  fyrir 1. desember svo hægt verði að skipuleggja námskeiðahald vetrarins. 


Önnur námskeið:

Einnig er fyrirhugað að vera með námskeið fyrir fullorðna í knapamerkjum 1, 2, 3 og 4 ef næg þátttaka fæst.
Kennari í vetur verður Sonja Noack, reiðkennari.
Vinsamlegast skráið ykkur á netfang Neista fyrir 1. desember svo hægt verði að skipuleggja námskeiðahald vetrarins.

Ef einhverjar óskir eru um önnur námskeið endilega látið vita um það á netfang Neista.


Sonja Noack útskrifaðist frá Háskólanum á Hólum sl. vor og hefur áhuga á að kenna allt það sem okkur dettur í hug. Ef einhver hefur t.d. misst kjarkinn og á erfitt með að fara aftur á hestbak þá getur hún verið með námskeið fyrir þá. 




Æskulýðsnefnd

  • 1
Flettingar í dag: 416
Gestir í dag: 19
Flettingar í gær: 491
Gestir í gær: 44
Samtals flettingar: 408934
Samtals gestir: 49720
Tölur uppfærðar: 28.3.2024 14:27:30

Vafraðu um

Eldra efni

Um hestamannafélagið Neista

Nafn:

Hestamannafélagið Neisti

Afmælisdagur:

1943

Heimilisfang:

540 Blönduós

Staðsetning:

Blönduós

Um:

Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.

Kennitala:

480269-7139

Tenglar

clockhere