Stórsýningin

Stórsýningin var í gær laugardag og tókst að öllu leyti vel þótt veðrið hafi verið hundleiðinlegt.

Flestir hestamann á svæðinu komu fram í atriðum og  um 50 börn og unglingar voru í 9 atriðum af 21. Virkilega gaman að sjá hvað þau er flink og hafa sett upp skemmtilegt atriði á stuttum tíma. Æskulýðsnefnd veitti Hörpu Birgisdóttur viðurkenningu fyrir góðan árangur  og framför á árinu 2008 sem knapa ársins í unglingaflokki.

Sigurbjörn Bárðarson tamningameistari kom og sýndi okkur gæðingafimi og sagði okkur hvernig hann notar reiðhöll til tamninga. Hann var einmitt hér á 1. sýningunni svo það var einstaklega gaman að hann skyldi sjá sér fært að koma og vera með okkur á 10. sýningunni.  

Sýning verður ekki að veruleika nema með góðu starfsfólki, þátttakendum og áhorfendum. Viljum við þakka öllum sem komu að þessari sýningu, á einn eða annan hátt, kærlega fyrir.
 
Sýningin var tekin upp af Kristjáni Blöndal og mun diskur verða til sölu fljótlega, verður það auglýst síðar. Ef einhver lumar á skemmtilegum myndum væri gaman að fá þær, senda þær á [email protected] og verða þær settar hér inn á myndaalbúm.

Auðunn Sigurðsson og Sigríður Aadnegard tóku þessar myndir sem komnar eru inn á myndaalbúm og kunnum við þeim bestu þakkir fyrir.