SAH - Ísmót breytt dagsetning.

SAH – mótaröðin Ísmót á Svínavatni  -  ATH. breytt dagsetning.  Laugardagur 10. mars.

Ákveðið hefur veri að efna til ísmóts á Svínavatni við Stekkjardal á laugardaginn kemur 10. mars kl. 13:00.

Keppt verður í tölti í flokki barna 13 ára og yngri, flokki unglinga 14 til 17 ára, opnum flokki og  flokki áhugamanna. Riðin verður ein ferð á hægu tölti, tvær ferðir hraðabreytingar og ein ferð á yfirferðartölti.

Bæjarkeppni með firmakeppnissniði fer fram að tölti loknu en þar geta knapar látið kosti gæðinga sinna njóta sín sem best.

Skráning berist fyrir kl. 20:00 föstudaginn 09. mars á netfangið   [email protected]  Skráningargjöld eru 2.000 kr. í tölti fullorðinna, börn og unglingar greiða 1.500 kr.  Bæjarkeppni er án skráningargjalda en ákveðið hefur verið að leita til allra bæja á starfssvæði Neista um þátttöku í bæjarkeppni sem felur þá í sér 2.000 kr. styrk til félagsins.

Skráningargjöld og styrki vegna bæjarkeppni má gjarnan leggja fyrirfram inn á reikning félagsins: 0307-26-055624 kt. 480269- 7139.  Og senda þá kvittun á [email protected]

Nefndin.