Fimmgangsmót - tillaga.

Ágæta Neistafólk.  

Þannig er mál með vexti að dagatal okkar segir til um að halda skuli fimmgangsmót fimmtudaginn 5. apríl í Reiðhöllinni. Mótanefnd hefur hug á að færa þetta mót yfir á föstudaginn 6. apríl og hafa jafnframt keppni í T 7 og bjóða upp á pizzu í hléi á þessu lokamóti vetrarins. Okkur finnst betra að hafa þetta að kvöldi fyrir frídag.  En þar sem dagatalið hefur staðið i vetur eru kannski einhverjir sem ákveðnir eru í að keppa búnir að gera ráðstafanir og geta því ekki breytt og því viljum við kynna þessa hugmynd og sjá hver viðbrögð hún fær. Þeir sem eru því mótfallnir að þessi breyting verði gerð geta hér með komið því á framfæri í skilaboðum á feisbúkk til nefndarmanna í mótanefnd eða hvernig sem þeir vilja. Nefndin áskilur sér rétt til þess að meta þau viðbrögð sem verða og taka svo ákvörðun í samráði við stjórn í framhaldinu.

Mótanefnd.