Í dag 26. apríl var uppskeruhátíð nemenda knapamerkja og barnastarfs Neista. Engin sýning var þar sem veðrið var leiðinlegt en foreldrar mættu með kökur og úr varð heljarinnar veisla, mætingin var frábær.

 

Reiðnámskeið hafa verið á hverjum vetri í reiðhöllinni síðan 2002 en þá var fyrsta æskulýðsnefndin starfsett og varð þá strax fullt á öll námskeið. Reiðhöllin var tekin í notkun í mars 2000. 

Í fyrstu æskulýðsnefndinni, veturinn 2002, voru Finnur Karl Björnsson, Jón Ragnar Gíslason og Alda Björnsdóttir og markmið nefndarinnar var: Að kenna hestfærum börnum og unglingum undirstöðuatriði í almennri reiðmennsku, ásetu og stjórnun, hugsanlega með keppni og/eða sýningar að leiðarljósi ef við á.
Mikil þátttaka var á námskeiðin strax á 1. vetri. Helga Thoroddsen og Herdís Reynisdóttir kenndu eldri krökkunum á laugardögum en nefndarmenn voru með yngri krakkana milli 16-18 nokkra daga í viku.

 

Í dag voru viðurkenningar og gafir afhentar til þeirra barna og unglinga sem voru á námskeiðum,  en í vetur voru hefðbundin námskeið fyrir krakka yngri en 12 ára og svo knapamerki 1, 2, 3, 4 og 5. 

Knapamerkin hafa verið kennd frá árinu 2007. Nú í vor luku 3 börn og 1 fullorðinn prófi í knapamerki 1, 2 unglingar og 2 fullorðnir í knapamerki 2, 2  unglingar og 1 fullorðinn í knapamerki 3, en knapamerki 3 er kennt á 2 árum og eru 4 í seinni hópnum. Knapamerki 4 er líka kennt á 2 árum og þar er 1 unglingur.

Þau minnstu með Pétri kennara.

 

Bara stelpur í miðhópnum, þau sem ekki eru orðin 12 ára, .... með Pétri kennara.

 

Knapamerki 1 ásamt Heiðrúnu kennara.

 

Pétur með þeim sem tóku próf í knapamerki 2.

 

Heiðrún og Pétur með stelpurnar í knapamerki 3.

 

Þrír fullorðnir luku prófi í knapamerki 5 og eru þau þau fyrstu til að ljúka knapamerki 5 á Blönduósi sem er frábært.
Allt er hægt ef vilji og metnaður er til staðar.

Heiðrún með þau þrjú fræknu sem luku knapamerki 5.

 

 

Sá yngsti og elsti á námskeiðum í vetur, Magnúsarnir tveir. Þeir eiga framtíðina fyrir sér í hestamennskunni.  Magnús Ólafsson á Sveinsstöðum er á sínum 2. vetri á reiðnámskeiðum og Magnús Ólafsson frá Sveinsstöðum, alls ekki hættur en lauk prófi í knapamerki 5 með glæsibrag.

 

Kennarar í vetur voru þau sömu og í fyrra svo þau þekkja alla staðháttu vel. Þau Heiðrún Ósk Eymundsdóttir og Pétur Örn Sveinsson, reiðkennarar í Saurbæ í Skagafirði komu 2x í viku frá því í janúar. Þrátt fyrir leiðindaveður í allan vetur féllu mjög fáir dagar niður. Þeim finnst gaman að koma á Blönduós og dást að því að svona lítið félag eins og Neisti skuli geta boðið uppá knapamerkjanámskeið. Þeim finnst frábært að svona stigskipt nám eins og knapamerki sé í boði í dag. Það er mjög lærdómsríkt, farið er í öll helstu grunnatriði reiðmennsku sem og eðli hestsins, fóðurfærði, beinabyggingu og sögu hestsins svo eitthvað sé nefnt. Hestakosturinn skiptir þó miklu máli en hann er stundum ekki nógu heppilegur. Hestarnir þurfa ekki að vera neitt sérstaklega flottir en vel tamdir og ganghreinir. Þau sjá mikin mun á þeim knöpum sem eru með vel tamda hesta og þá sem eru með lítið tamda. Þetta kemur mjög vel í ljós á 5 stiginu, þeir knapar sem hafa byggt upp sína hesta stig af stigi allt frá byrjun eru að ná mestum árangri. Það er eftitt að kenna tveimur byrjendum í einu, bæði knapanum og hestinum og það stendur stundum í veginum fyrir framförum hjá lítið reyndum knöpum. Hesturinn er nefnilega besti kennarinn. Þau segja líka að þau hefðu verið til í að fara á svona námskeið þegar þau voru 12 ára!
Frábærir kennarar, kærar þakkir fyrir veturinn.

 

Heiðrún fær þakklætisvott frá nemendum í knapamerki 5. 

Æskulýðsnefndin færði þeim einnig þakklætisvott fyrir frábærlega góða og skemmtilega kennslu í vetur.

 

 

Helga Thoroddsen sem er höfundur knapamerkjanna (vor 2004) en lét af störfum sem verkefnisstjóri þeirra haustið 2014 kom og dæmi hjá okkur núna sem og áður. Hún hefur dæmt í langflestum prófunum. Hún er því búin að fylgjast með öllum þeim sem hafa farið í gegnum knapamerkin hjá félaginu og nú síðast þeim þrem fræknu í próf í knapamerki 5.  Eftir að hafa fylgst með "okkar" fólki í gegnum allt knapamerkjakerfið 1 til 5, segir hún að þau sanni það að Knapamerkin eru fyrir alla og geta unnið kraftaverk fyrir knapa þegar rétt er að málum staðið. Það sem einkenndi prófin hjá Magga, Gumma og Siggu voru prúðmannlegir knapar með rétt viðhorf gagnvart sjálfum sér og hestum sínum og hestar í andlegu og líkamlegu jafnvægi. Kennarinn þeirra Heiðrún Ósk Eymundsdóttir á heiður skilinn fyrir það yfirbragð sem var á knöpum og hestum - og að sjálfsögðu aðrir reiðkennarar sem hafa komið að málum í gegn um árin. Þegar saman fara góð reiðkennsla, góðir nemendur og góðir hestar er greinilegt að árangurinn skilar sér.

Þökkum við henni kærlega fyrir að hafa komið og dæmt hjá okkur í gegnum árin.

 

Enn einu frábæru vetrarstarfi hjá félaginu er lokið. Til hamingju öll sem voruð á námskeiðum og öll sem tókuð próf.
Félagið er órúlega heppið að fá þessa frábæru kennara sem komið hafa í gegnum tíðina til að kenna. Kærar þakkir fyrir það.

Frábær dagur, takk öll sem komuð og gerðuð daginn skemmtilegan. Vonandi sjáumst við að ári á námskeiðum hjá Neista.

 

 

17. apríl voru próf í knapamerkjum 3 og 4 og gengu þau vel fyrir sig.

Hér eru Lilja og Sólrún með Pétri kennara. Þær voru að fara í próf í knapamerki 3.

og Lisa var auðvitað mætt líka..... í knapamerki 3.

Og Harpa Hrönn og Börkur voru að fara í knapamerki 4.

Þar sem veðrið er ekki með besta móti, verður sýningu barnastarfs Neista frestað um óvkeðinn tíma.

Hins vegar verður kaffi og með því á kaffistofu Reiðhallarinnar  kl. 16.00 í dag. Þar verða viðurkenningar og gafir afhentar til þeirra barna og unglinga sem voru á námskeiðum hjá Neista í vetur.

 

Allir velkomnir.

 

 

 

 

 

Mikið megum við vera stolt af glæsilegum árangri hjá fólkinu okkar í knapamerki 5.
Þau fóru á Sauðárkrók í dag og luku prófi í knapamerki 5 með stæl. Prófdómarar voru Helga Thoroddsen og Þóarinn Eymundsson.
Metnaður og dugnaður einkennir þessi þrjú en þau byrjuðu ásamt fleirum í knapamerkjunum árið 2009.
Knapamerki 4 og 5 voru tekin á tveim vetrum hvort.

Magnús Ólafsson, Sigríður Aadnegard og Guðmundur Sigfússon

 

Pétur og Heiðrún í Saurbæ hafa kennt knapamerki 5 í fyrra og í vetur en þau segja að hestakosturinn skipti miklu máli . Hestarnir þurfa ekki að vera neitt sérstaklega flottir en vel tamdir og ganghreinir. Þetta kemur mjög vel í ljós á 5 stiginu, þeir knapar sem hafa byggt upp sína hesta stig af stigi allt frá byrjun eru að ná mestum árangri.

Maggi, Sigga og Gummi, innilega til hamingju með frábæran árangur!

 

 

 

 

Þorvaldur Kristjánsson hrossaræktarráðunautur/ábyrgðarmaður hrossaræktar hjá RML flytur erindið „Ganghæfni íslenskra hrossa - áhrif sköpulags og skeiðgens" í Dæli í Víðidal fimmtudaginn 23.apríl (sumardaginn fyrsta ) kl. 20:30.

Erindið snýst um samband byggingar og hæfileika íslenskra hrossa og áhrif skeiðgensins á ganglag hestsins.

Fundurinn er öllum opinn og hestamenn hvattir til að fjölmenna.

Hrossaræktarsamtökin

Þorvaldur Kristjánsson hrossaræktarráðunautur og ábyrgðarmaður hrossaræktar hjá RML mun bjóða upp á skoðun ungfola í Reiðhöllinni á Blönduósi föstudaginn 24 apríl frá kl.15 og fram eftir degi

Skráningar og nánari upplýsingar hjá Þórði Pálssyni á netfanginu [email protected] fyrir fimmtudag 23 apríl 2015


Hrossaræktarsamtök A-Hún og V-Hún

 

 

Síðastliðinn föstudag, þ.e. fyrir viku, voru fyrstu prófin í knapamerkjunum. Þeir sem voru í knapamerkjum 1 og 2 tóku próf og auðvitað gengu þau glimrandi vel. 

Próf í knapamerkjum 3, 4 og 5 verða á næstunni en námskeiðahaldi er að ljúka þennan veturinn og verður uppskeruhátíð þann 26. apríl með sýningu nemenda,  sýna okkur hinum hvað þau hafa lært í vetur. Að sýningu lokinni verður boðið uppá kaffi á kaffistofunni 

 

 

Þessi þrjú voru mætt í anddyrið í próf í knapamerki 1 kl 18.00 og biðu róleg eftir Helgu prófdómara.

Knapamerki 1, Hlíðar, Bjartmar og Hugrún.

Lisa tók próf bæði í knapamerki 1 og 2.

Í knapamerki 2 voru mætt Guðný, Hreinn og Ásdís 

 

 

 

Lokamótið í mótaröð Neista 2015 fór fram í Reiðhöllinni Arnargerði síðastliðið miðvikudagskvöld.

Úrslit urðu þessi:

 

Tölt ungmenna 17 ára og yngri

1.Ásdís Brynja Jónsdóttir - Vigur frá Hofi      6,3/6,7                                             

2.Aron Freyr Sigurðsson -  Hlynur frá Haukatungu Syðri  5,7/6,50                    

3.Lara Margrét Jónsdóttir - Öfund frá Eystra Fróðholti   4,8/5,7                      

4.Guðrún Tinna Rúnarsdóttir -  Kasper frá Blönduósi     5,0/5,3                        

5.Sólrún Tinna Grímsdóttir -  Hespa frá Reykjum         4,8/5,3                            

 

 

Tölt opinn flokkur 

1.Tryggvi Björnsson -   Sóldögg frá Áslandi    6,3/7,0             

2.Eline Schriver  -  Króna frá Hofi,                5,5/6,5                 

3.Svana Ingólfsdóttir -   Þyrnir frá Litlu-Gröf    5,3/6,3                         

 

 

Fimmgangur  opinn flokkur

1.Eline Schriver - Laufi frá Syðra-Skörðugili     5,6/6,6                          

2.Tryggvi Björnsson  -  Blær frá Miðsitju       7,6/6,5                              

3.Svana Ingólfsdóttir  -  Hespa frá Kristnesi    4,0/5,4                           

 

 

Fimmgangur áhugamenn

1.Kristín Jósteinsdóttir  -  Abel frá Sveinsstöðum  4,3/4,8                    

2.Lísa Inga Haelterlein -  Kesja frá Steinnesi         5,1/4,7                                    

3.Magnús Ólafsson -   Dynur frá Sveinsstöðum    4,6/3,2                     

 

 

Tölt áhugamenn

1.Atli Steinar Ingason -  Spuni frá Hnjúkahlíð        6,5/7,2                     

2.Hörður Ríkharðsson -  Djarfur frá Helguhvammi      5,5/6,3                            

3.Hjörtur Karl Einarsson  - Smella frá Hnjúkahlíð        5,7/6,3                             

4.Lísa Inga Haelterlein -  Kesja frá Steinnesi             5,5/5,8                 

5.Agnar Logi Eiríksson -  Njörður frá Blönduósi      5,3/5,7                  

 

 

Stigakeppnin félagsmanna í Neista

Efstir að stigum í hverjum flokki, f.h. Ásdís Brynja, Magnús og Eline. Valur Valsson formaður mótanefndar afhenti verðlaunin.

               

Ungmenni 17 ára og yngri.

1.Ásdís Brynja Jónsdóttir  32  stig

2.Aron Freyr Sigurðsson  28   -stig

3.Lara Margrét Jónsdóttir 19 stig

4.Guðrún Tinna Rúnarsdóttir 17 stig

 

Áhugamenn

1.Magnús Ólafsson  34,5  stig

2.Lísa Inga Haelterlein  19  stig

3.Harpa Hrönn Hilmarsdóttir 18  stig

 

Opinn flokkur

 

 

Mótanefnd

  

 

verður haldið í reiðhöllinni Þytsheimar á Hvammstanga sunnudaginn 12. apríl kl 13:00.

Keppt verður í fegurðarreið 7-9 ára, tölt T7 10-13 ára og tölt T3 14-16 ára. Því miður er ekki hægt að keppa í skeiði þar sem aðstæður fyrir utan höllina leyfa það ekki.

Skráningar þurfa að berast fyrir kl 24:00 fimmtudaginn 9. apríl.

Við skráningu þarf að koma fram nafn keppanda – fæðingarár – hestamannafélag - nafn hests,  uppruni og litur, upp á hvora hönd er riðið.

Skráningar sendist á [email protected]

Skráningargjald er 1000 krónur fyrir fyrstu skráningu og 500 krónur fyrir næstu skráningar og skal greiða á mótsstað áður en mótið hefst (kort ekki tekin). Keppnisreglur eru að finna á heimasíðu hestamannafélaganna.

Ákveðið hefur verið að fresta lokamótinu til miðvikudags 15. apríl nk. Þá verður keppt í tölti og fimmgangi í Reiðhöllinni Arnargerði.

Keppni hefst kl.19.00. Mótið er opið og hvetjum við sem flesta til að taka þátt og hafa þetta lokamót skemmtilegt.

Skráning er á netfang Neista [email protected]   fyrir kl. 22:00 mánudagskvöldið 13. apríl. Fram þarf að koma nafn og kennitala knapa, flokkur, hestur og IS númer og í hvaða flokki knapi ætlar að keppa.

 

Keppt er í 3 flokkum.

•             Flokkur 17 ára og yngri
•             Áhugamannaflokkur
•             Opinn flokkur

Skráningargjöld eru 1.500 kr. Skráningargjöld má greiða áður en mót hefst inná inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

 

Mótanefnd

 

Þá er komið að lokakeppni Mótaraðar Neista. Keppt verður í tölti T1 og fimmgangi nk. miðvikudagskvöldið 8 apríl.  Keppni hefst kl.19.00. Mótið er opið og hvetjum við sem flesta til að taka þátt og hafa þetta lokamót skemmtilegt.

Skráning er á netfang Neista [email protected] fyrir kl. 22:00 þriðjudagskvöldið 7. apríl. Fram þarf að koma nafn og kennitala knapa, flokkur, hestur og IS númer og í hvaða flokki knapi ætlar að keppa.

Keppt er í 3 flokkum.

•             Flokkur 17 ára og yngri

•             Áhugamannaflokkur

•             Opinn flokkur

Skráningargjöld eru 1.500 kr. Skráningargjöld má greiða áður en mót hefst inná inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

 

Mótanefnd