Almennt reiðnámskeið með Sigurði Sigurðarsyni verður haldið á Blönduósi föstudaginn 25. mars og laugardaginn 26. mars.
Knapar á öllum stigum hestamennskunar eru hvattir til þess að skrá sig.
Kennslufyrirkomulagið er þannig að hver þátttakandi fær fjóra einkatíma, tvo á föstudegi og tvo á laugardegi.
Frábært tækifæri til þess að öðlast meiri þekkingu og fá aðstoð reiðkennara til þess að fá reið- og eða keppnishestinn sinn enn betri.

Skráning er á netfangið [email protected], síðasti skráningardagur er þriðjudagurinn 22. mars.
Athugið að einungis verða tíu þátttakendur, þannig að fyrstur kemur, fyrstur fær. Verð: 20.000 krónur.

Unglingaflokkur:

1. Aron Freyr Sigurðsson og Hlynur frá Haukatungu syðri 1   5,3  /  6,7
2. Lara Margrét Jónsdóttir og Kóróna frá Hofi   6,0  /  6.3
3. Sólrún Tinna Grímsdóttir og Hespa frá Reykjum   5,5  /  6,2
4. Guðrún Tinna Rúnarsdóttir og Kasper frá Blönduósi  5,6  /   5,9
5. Stefanía Hrönn Sigurðardóttir og  Miðill frá Kistufelli    5,4  /  4,9

Opinn flokkur:

1. Ragnhildur Haraldsdóttir og Börkur frá Brekkukoti    6,7
2. Ólafur Magnússon og Garri frá Sveinsstöðum    6,4
3. Jakob Víðir Kristjánsson og Glanni frá Brekknakoti    6,4
4. Kristín Jósteinsdóttir og Dagfari frá Sveinsstöðum    6,2
5. Magnús Ólafsson og Heilladís frá Sveinsstöðum   5,7

Í ljósi aðstæðna hefur karlareiðarnefndin ákveðið að fresta hinni árlegu karlareið, sem fram átti að fara á skírdag, 24. mars, um óákveðinn tíma.
Í tilkynningu frá nefndinni segir að veðurspá sé einstaklega óhagstæð í næstu viku og því ekki að sjá að hægt verði að fara þessa árlegu reið að sinni.

Þriðjudaginn 15. mars klukkan 17:00 munu dómarar verða í reiðhöllinni.
Byrjað verður á kaffistofunni þar sem verður farið yfir helstu þætti sem viðkemur dómum, leiðara íþróttakeppninnar ásamt léttu spjalli.
Svo verður farið í verklega hlutann inni í reiðhöll.

Þátttakendur mæta með hest og ríða prógramm, fá dóm og rýnt verður í hvern dóm fyrir sig með knapanum.

Frábær æfing fyrir fjórganginn sem verður 17. mars.

Aðgangur er ÓKEYPIS, bæði fyrir þá sem koma með hest og hina sem vilja bara koma og fræðast.

Skráning í tölvupósti á [email protected] í síðasta lagi 14. mars.

Þriðja mót vetrarins verður fimmtudaginn 17. mars  kl. 19:00 í Reiðhöllinni Arnargerði.  Keppt verður í fjórgangi.

Keppt er í:
Unglingaflokki þ.e. 16 ára og yngri 
Opnum flokki

Skráning er á netfang Neista [email protected] fyrir kl. 22:00 þriðjudagskvöldið 15. mars. Við skráningu þarf að koma fram; knapi og hestur, flokkur og uppá hvaða hönd er riðið. Skráningargjald er 2.000 kr fyrir hverja skráningu og 1.500 kr. fyrir unglinga. Skráningargjöld má greiða áður en mót hefst inná reikning Neista 0307-26-055624 kt. 480269-7139 og senda kvittun á netfang Neista [email protected] en það má líka greiða á staðnum (ekki er tekið við greiðslukortum).

Aðgangur er ókeypis fyrir 100 ár og yngri, eða með öðrum orðum, frítt er inn á mótið og eru allir hvattir til að mæta.

Mótanefnd

Hin árlega karlareið verður farin um Svínavatn á skírdag, 24. mars næstkomandi. Í fyrra tóku um 30 karlar þátt í reiðinni en árið 2014 var metþátttaka þegar um 50 karlar riðu eftir Svínavatni í frábæru veðri. Forsvarsmenn viðburðarins hvetja karla til að taka daginn frá en hann verður auglýstur nánar þegar nær dregur.

Af heimasíðu mótsins:

Þá er lokið enn einu frábæru ísmóti á Svínavatni. Veður hefur oftast verið gott en en sjaldan eða aldei betra en nú, logn og sólskin.

Skráningar voru um 130 og hrossin ótrúlega jöfn og góð miðað árstíma.

Kærar þakkir til  starfsmanna, styrktaraðila og ekki síst til knapa sem margir komu um langan veg létu aldrei bíða eftir sér í brautina.

Væntanlega sjáumst við svo 4. mars á næsta ári.

Glæsilegasti hestur mótsins var valinn Grámann frá Hofi Höfðaströnd, knapi Barbara Wenzl.

 B-flokkur
1. Ármann Sverrisson Loki frá Selfossi 8,9
2. Skapti Steinbjörnsson Oddi frá Hafsteinsst 8,8
3. Sigurður Sigurðarson List frá Langsstöðum 8,7
4. Hans Kjerúlf Kjerúlf frá Kollaleiru 8,6
5. Elías Þórhallsson Staka frá Koltursey 8,6
6. Jakob Sigurðsson Nökkvi frá Syðra Skörðugili 8,5
7. Þór Jónsteinsson Þokkadís frá Sandá 8,5
8. Magnús B Magnússon Ósk frá Ysta Mói 8,5


A-flokkur
1. Jakob Sigurðsson Hersir frá Lambanesi 8,7
2. Barbara Wenzl Grámann frá Hofi Höfðastr 8,7
3. Teitur Árnason Hafsteinn frá Vakurst 8,7
4. Hans Kjerúlf Greipur frá Lönguhlíð 8,6
5. Viðar Bragason Þórir frá Björgum 8,5
6. Jón Pétur Ólafsson Urður frá Staðartungu 8,4
7. Helga Una Björnsdóttir Dögun frá Þykkvabæ 8,4
8. Skapti Ragnar Skaptason Bruni frá Akureyri 8,4


Tölt
1. Teitur Árnason Kúnst frá Ytri Skógum 8,0
2. Egill Þórir Bjarnason Dís frá Hvalsnesi 7,7
3. Fríða Hansen Nös frá Leirubakka 7,3
4. Jakob Sigurðsson Harka frá Hamarsey 7,2
5. Skapti Steinbjörnsson Oddi frá Hafsteinsst 7,0
6. Sigurður Sigurðarson Garpur frá Skúfslæk 6,8
7. Logi Þór Laxdal Lukka frá Langsstöðum 6,7
8. Linda Rún Pétursdóttir Króna frá Hólum 6,2