Frá reiðveganefnd

Þann 09.10 var góðum áfanga náð en þá var lokið við að gera hrossagerði við Skagastrandarveg sunnan Ennisvegar. Þetta er síðasta verkið í verkefni sem staðið hefur í nokkur ár en það var að afmarka reiðveg frá Blönduósi til Skagastrandar. Þetta hefur potast áfram enda margir sem hafa lagt hönd á plóg enda eru handtökin mörg. Búið er að girða nær alla leiðina á milli þessara þéttbýlisstaða en ekki var girt með þeirri leið sem farið er við Ytri-Laxá, það er niður að ósnum en þar er farið yfir.  Þessi framkvæmd er mikil bót fyrir þá er kjósa að ferðast á hrossum og verður vonandi til að auka samskipti milli hestafólks á svæðinu.  Verkefnið var samstarfsverkefni hestamannafélaganna Snarfara og Neista og væri það vel til fundið að félögin beittu sér fyrir því að farin verði hópreið þessa leið þegar klaki er farinn úr jörð og færið orðið gott. 

Haustfundur Neista 

Haustfundur Hestamannafélagsins Neista verður haldinn í Reiðhöllinni Arnargerði þriðjudaginn 14. október kl. 19:30

Dagskrá:

Æskulýðsstarfið

Mótahald

Reiðvegir

Námskeið og fræðsla

Reiðhöllin

Mætum hress og leggjum drög að góðum vetri.

Stjórnin.