SMALINN er næsta mót liðakeppninnar og verður í Hvammstangahöllinni 20. mars nk. Brautin verður uppi í Hvammstangahöllinni allan miðvikudaginn.
Skráningu skal lokið að miðnætti þriðjudagsins 17. mars. Skráning hjá Kollu á emeil: [email protected] Fram þarf að koma nafn knapa, hestur, ætt, litur og aldur. Skráningargjald 1.000.- Hægt er að greiða skráningargjaldið fyrir mót og leggja inn á 1105-15-200343 kt. 550180-0499.
Brautin er eins og myndin hér að neðan sýnir.
Keppt verður í Unglingaflokki, 2. flokki og 1. flokki. Stig í Unglingaflokki eru 3 -2-1-1-1, stig í 2. flokki eru 10-9-8-7-6-5-4-3-2-1 og stig í 1. flokki eru 10-9-8-7-6-5-4-3-2-1. Í 1. og 2. flokki fá 10 hestar að fara brautina aftur en 5 í Unglingaflokki.
Mótanefnd hafa borist margar skemmtilegar spurningar um mótið og ákváðum við að skella þeim á netið:
- Mun Konni í Böðvarshólum mæta með hundinn?
- Með hvaða 1. verðlauna stóðhest mun Tryggvi Björns mæta með?
- Mætir A-Hún í búning?
- Er www.snobb.is síðan komin í gagnið, hvað er lykilorðið?
- Mætir Haddý aftur í reiðbuxum?
- Er Hjördís ennþá öfundsjúk út í flottu Ástundspeysurnar?
- Mætir Jói á Bessastöðum á réttum tíma?
- Hvaða 1. verðlauna meri mun Tryggvi lána Loga?
- Mun Sigrún mæta með límband fyrir munninn?
- Kemur Dóri Fúsa í hjólastól með þyrlu?
- Kemur Höddi í lögreglufylgd?
- Hvað gerir Víðidalsliðið núna? Hverjir koma og keppa fyrir þá? Amma hans Tryggva? (www.bitur.is)
- Nagar Raggi puttann á meðan Kolla keppir?
- Er Gunni ekki búinn að ná sér eftir höfuðhöggið? er hann kannski bara alltaf svona?
