Héraðsmót í Hestaíþróttum

09.07.2012 22:16

Íslandsmót 2012 á Vindheimamelum

Skráning hefst þriðjudaginn 10 júlí og líkur kl: 16:00 fimmtudaginn 12 júlí.
Hægt er að senda skráninguna á tölvupósti á [email protected]. Þá verður tekið á móti skráningum í gegnum síma 455-7100 milli 13:00 - 16:00 þessa þrjá daga.
Umsjón með skráningu hefur Steinunn Anna Halldórsdóttir.

Skráningargjöld
Skráningargjald er 5.000 kr fyrir hverja keppnisgrein (hverja skráningu).
Reikningsnúmer: 1125 - 26 - 1630 kt: 520705-1630

Senda þarf kvittun í tölvupósti á [email protected]
Skýring: Nafn og kt. knapa sem greitt er fyrir
Greiðslur þurfa að hafa borist fyrir kl: 16:00 fimmtudaginn 12. júlí.

Skráning telst ekki gild fyrr en greiðsla hefur borist.

Við skráningu þarf eftirfarandi að koma fram:
Nafn hests og IS númer
Hestamannafélag sem keppt er fyrir
Keppnisgreinar
Hver sé greiðandi, ef það er ekki knapinn sjálfur.

Hægt verður að fá spiluð óskalög keppenda þegar keppnin fer fram en þá verða keppendur að setja sig í samband við tónlistarstjóra á keppnisstað með lagið tilbúið á disk eða kubb.

Minnum á að lágmörk í einstökum greinum eru eftirfarandi:
Tölt (T1) 6,0
Fjórgangur (V1) 5,7
Fimmgangur (F1) 5,5
Tölt (T2) 5,7
Gæðingaskeið (PP1) 6,0
250 m skeið 26 sek
150 m skeið 17 sek
100 m skeið 9 sek

Árangur frá árunum 2011 og 2012 gildir.

Hestahald á Íslandsmóti

Nægt svæði er á Vindheimamelum þar sem menn geta tjaldað og girt fyrir hross sín.

Á Vindheimamelum eru tvö hesthús. Annað húsið verður haft laust til afnota yfir daginn fyrir keppendur. Hitt húsið er hugsað sem stóðhestahús og þarf að panta fyrir stóðhestana fyrirfram.

Rúnar Hreinsson (867-4256) tekur á móti pöntunum fyrir stóðhesta. Rúnar mun einnig veita upplýsingar um hvert sé best að leita vilji menn komast í hesthús í nágrenni Vindheimamela.

Varðandi gjaldtöku, þá kostar ekkert að vera með beitarhólf á Vindheimamelum. Ekki verður tekið gjald fyrir stíur í stóðhestahúsunum á Vindheimamelum og verður þar hey í boði. Hinsvegar verða menn sjálfir að skaffa undirburð og annast umhirðu og eftirlit með hestunum, en þeir verða þar á ábyrgð umsjónamanna sinna.

Skrifað af selma

09.07.2012 22:13

Unglingalandsmót UMFÍ á Selfossi

Unglingalandsmót UMFÍ verður haldið á Selfossi um verslunarmannahelgina. Hér má sjá allar upplýsingar um mótið. Sérgreianstjóri: Ágúst Hafsteinsson 8944710 japipulagnir@simnet.is Staðsetning: Brávellir Laugardagur Keppni hefst kl. 11:00 Keppni lýkur kl. 17:00 Sunnudagur Keppni hefst kl. 11:00 Keppni lýkur kl. 16:00...

Um verslunarmannahelgina verður haldið 15. unglingalandsmót UMFÍ á Selfossi. Þar munu ýmsir ungir íþróttamenn og konur etja kappi saman og þar á meðal verður keppt í hestaíþróttum. Skráningu á mótið lýkur á miðnætti þann 29. júlí og er keppnisgjaldið 6.000 kr. Skráning fer fram hér

Dagskrá mótsins er eftirfarandi :
Laugardagur

Keppni hefst kl. 11:00
Keppni lýkur kl. 17:00

Sunnudagur

Keppni hefst kl. 11:00
Keppni lýkur kl. 16:00

Flokkarnir og greinarnar á mótinu er eftirfarandi:

Keppnisflokkar:

Börn 11 - 13 ára
Unglingaflokkur 14 - 17 ára
Ungmennaflokkur 18 ára

Keppnisgreinar:

Tölt og fjórgangur 11 - 13 ára
Tölt, fjórgangur og fimmgangur 14 - 17 ára
Tölt, fjórgangur og fimmgangur 18 ára

Keppt er samkvæmt reglum Landssambands hestamannafélaga og verðlaunaafhending fer fram að keppni lokinni.

Nánari upplýsingar á http://www.umfi.is/umfi09/unglingalandsmot/

Skrifað af selma

05.07.2012 21:00

Miðnæturreiðtúr

Næstkomandi laugardagskvöld, 7. júlí, ætla Sigurlaug Markúsdóttir og Gunnlaug Kjartansdóttir að standa fyrir miðnæturreiðtúr frá Hæli til Blönduóss og er mæting á Hæli klukkan 23. Markmiðið er að koma saman og eiga góða kvöldstund í góðra vina hópi. Vonast þær til að sjá sem flesta.

"Þar sem veðurspáin er góð og besta veðrið er á kvöldin og nóttunni þá ætlum við að fara í miðnæturreiðtúr, njóta fegurðarinnar og útsýnisins frá Hæli til Blönduós laugardagskvöldið 7. júlí," segir í tilkynningu frá þeim stöllum.

Fólk sér um sig sjálft hvað varðar drykk og brauð þannig að kostnaðurinn er á valdi hvers og eins.

Ef áhugi er fyrir hendi að fara með hestana í rekstri á föstudagkvöldið fram á Hæli hafið þá samband við Sillu 691-8228 eða Gullu 848-9447.

Hægt er að leigja hesta hjá Hestaleigunni Galsa, sími 690-0118.

Skrifað af selma

01.07.2012 23:00

Frábær árangur hjá fulltrúum Neista á Landsmóti

Glæsilegu Landsmóti er lokið þar sem fulltrúar Neista stóðu sig frábærlega.
Neisti sendi 8 fulltrúa og 4 komust í milliriðla, 2 af þeim komust í B-úrslit og 1 í A-úrslit. Aðrir stóðu sig frábærlega vel.
Glæsilegur árangur hjá öllum, til hamingju með frábæra frammistöðu.

Freyðir frá Leysingastöðum II og Ísólfur Líndal Þórisson kepptu í B-flokki.
Þeir komust strax í A-úrslit úr milliriðlum, urðu þar í 5. sæti með einkunina 8.63.
Þeir kepptu í A-úrslitum í dag og urðu í 6. sæti með einkunnirnar 8,58 - 8,68 - 8,82 - 8,70 - 8,74 - 8,68 = 8,70.
Eigandi Freyðis er Hreinn Magnússon.

Gáski frá Sveinsstöðum og Ólafur Magnússon kepptu einnig í B-flokki.
Í milliriðli fengu þeir einkunina 8,56 og 10. sætið. Þeir hefðu þurft að fá 8,60 til að komast beint í A-úrslitin en keppnin var mikil og spennandi og lítill munur á frábærum hestum.
Á föstudag kepptu þeir í B-úrslitum og urðu aftur í 10. sæti með einkunnirnar 8,42- 8,78 - 8,76 - 8,74 - 8,56= 8,65. Það munaði einungis 6 kommum á þeim og efsta hesti í B-úrslitum, mjög jafnir og flottir hestar.
Þeir félagarnir kepptu einnig í tölti og urðu í 15. sæti í forkeppninni með einkunina 7,43.
Eigandi Gáska er Magnús Ólafsson.

Ásdís Brynja Jónsdóttir og Prímus frá Brekkukoti kepptu í B-úrslitum í barnaflokki á föstudag og urðu þau í 12. sæti með einkunina 8,43 (var í 11.-12. sæti, hlutkesti og Ásdís lenti í 12).
Eigandi Prímusar eru Pétur Snær Sæmundsson og Magnús Ágústsson.

Sigurður Bjarni Aadnegard komst í milliriðla í barnaflokki en Prinsessa varð fyrir óhappi fyrir keppnina í milliriðli og gat því miður ekki keppt.
Eigandi Prinsessu er Þórólfur Óli Aadnedard.

Hestamannafélagið Neisti átti að sjálfsögðu flotta fulltrúa í hópreiðinni á fimmtudagskvöld. Fánaberi var Stefán Logi Grímsson á Berki frá Akurgerði.

Félagið þakkar öllum þeim fulltrúum sem tóku þátt, á einn eða annan hátt, fyrir hönd félagsins fyrir góða keppni/starf og frábæra skemmtun. Við megum vera afar stolt af okkar fulltrúum sem voru félaginu til mikils sóma.

Skrifað af selma

27.06.2012 13:36

Ásdís Brynja í B-úrslit

Frábært árangur hjá Ásdísi Brynju og Prímus í morgun en þau fengu einkunina 8,31 og 14 sætið og keppa því í B-úrslitum á laugardaginn. Til hamingju.

Ásdís og Prímus (mynd tekin af heimasíðu Brekkukots)

Sigurður Bjarni varð hins vegar að draga sig úr keppni þar sem Prinsessa var bitin í nótt. Það var afskaplega leiðinlegt þar sem þau áttu góða möguleika á topp 15.

Sigurður og Prinsessa (mynd tekin af heimasíðu Hestar og Ferðir Suska)

Fleiri myndir má sjá á myndasíðu Sonju og Hauks í Hvammi.

Skrifað af selma

27.06.2012 01:53

Forkeppnum lokið

Forkeppnum er lokið á landsmóti og allir Neistafélagar luku keppni með góðum árangri, til hamingju með það.

Milliriðlar voru í dag í B-flokki og stóðu þeir sig frábærlega.
Ísólfur og Freyðir eru 5. inn í úrslit og Ólafur og Gáksi 10. sæti inn í úrslit. Frábært hjá þeim. Það verður gaman að fylgjast með þeim í úrslitum um helgina.

Freyðir og Ísólfur (mynd síðan í vor, tekin af heimasíðu Lækjamóts)

Gáski og Ólafur

Milliriðlar barna eru á morgun, miðvikudag og óskum við þeim góðs gengis.

Skrifað af selma

26.06.2012 01:45

Glæsilegir fulltrúar Neista

Fyrsti dagur Landsmót á landsmóti og Neisti þegar kominn með 4 fulltrúa í milliriðla.
Frábær árangur hjá krökkunum í barnaflokki en Ásdís Brynja Jónsdóttir og Prímus frá Brekkukoti fengu 8,50 í forkeppni og 7. sætið og Siguður Bjarni Aadnegard og Prinsessa frá Blönduósi fengu 8,35 og urðu í 21. sæti.
Bæði komin í milliriðla, til hamingju með það.

Ásdís og Prímus

Það gekk líka vel í B-flokkunum því báðir hestar Neista eru komnir í milliriðla.
Þeir félagar Gáski frá Sveinsstöðum og Ólafur Magnússon fengu 8,59 í forkeppninni og 16-17 sætið og rétt á eftir þeim komu þeir Freyðir frá Leysingjastöðum og Ísólfur Líndal Þórisson en þeir fengu 8,58 og 20 sæti.
Til hamingju með það.

Skrifað af selma

25.06.2012 22:57

Fulltrúar Neista í gæðingakeppni á LM 2012

A flokkur:    IS2005187251 Vökull frá Sæfelli og Ísólfur Líndal Þórisson
               IS2006235678 Snerpa frá Eyri og Ísólfur Líndal Þórisson

B flokkur:    IS1998156278 Gáski frá Sveinsstöðum og Ólafur Magnússon
   IS2005156304 Freyðir frá Leysingjastöðum II og Ísólfur Líndal Þórisson

Barnaflokkur:   IS2003156420 Prímus frá Brekkukoti og Ásdís Brynja Jónsdóttir
                           IS2003256481 Prinsessa frá Blönduósi og Sigurður Bjarni Aadnegard


Unglingaflokkur: IS2005156079 Viðar frá Hvammi 2 og Haukur Marian Suska

Ungmennaflokkur: IS2002187621 Börkur frá Akurgerði og Stefán Logi Grímsson

Töltkeppni: IS1998156278 Gáski frá Sveinsstöðum og Ólafur Magnússon

Skrifað af Áslaug Inga

21.06.2012 11:04

Úrslit

Afsakið töfina en hér koma úrslitin af félagsmótinu þann 16. júní emoticon

Barnaflokkur:

1. Ásdís Brynja Jónsdóttir og Prímus frá Brekkukoti   8,23 / 8,68
2. Sigurður Bjarni Aadnegard og Prinsessa frá Blönduósi   8,28 / 8,57
3. Lilja Maria Suska og Neisti frá Bolungarvík   8,16 / 8,25
4. Sólrún Tinna Grímsdóttir og Gjá frá Hæli 8,08 / 8,13
5. Ásdís Freyja Grímsdóttir og Djákni frá Bakka 8,02 / 7,99

Unglingaflokkur:

1. Hanna Ægisdóttir og Penni frá Stekkjardal 8,05 / 8,22
2. Friðrún Fanný Guðmundsdóttir og Demantur frá Blönduósi 8,02 / 7,99
3. Harpa Hrönn Hilmarsdóttir og Sóldögg frá Kaldárbakka 8,10 / 7,98
4. Haukur Marian Suska og Viðar frá Hvammi 2 8,09 / 7,19
5. Hrafnhildur Björnsdóttir og Álfadís frá Árholti 7,79 / 0,00

Ungmennaflokkur:

1. Elín Hulda Harðardóttir og Syrpa frá Hnjúkahlíð 8,05 / 8,20
2. Hanifé Muller-Schoenau og Pyttla frá Grænuhlíð 8,02 / 8,15
3. Stefán Logi Grímsson og Börkur frá Akurgerði 8,14 / 8,07
4. Harpa Birgisdóttir og Kládíus frá Kollaleiru 7,93 / 7,97
5. Agnar Logi Eiríksson og Njörður frá Blönduósi 8,15 / 0,00

B flokkur:

1. Gáski frá Sveinsstöðum og Ólafur Magnússon 8,45 / 8,81
2. Áfangi frá Sauðanesi og Tryggvi Björnsson 8,29 / 8,53
3. Börkur frá Brekkukoti og Ragnhildur Haraldsdóttir 8,18 / 8,40
4. Fylkir frá Þingeyrum og Helga Thoroddsen 8,32 / 8,23
5. Hrókur frá Grænuhlíð og Ægir Sigurgeirsson 8,14 / 8,07

Freyðir frá Leysingjastöðum og Ísólfur Líndal Þórisson urðu efstir eftir forkeppnina með einkunina 8,61 og þar með farmiða á Landsmót en kepptu ekki í úrslitum.

A flokkur:

1. Vökull frá Sæfelli og Ísólfur Líndal Þórisson 8,33 / 8,30
2. Eyvör frá Eyri og Eline Schriver 8,03 / 8,23
3. Snerpa frá Eyri og Jón Gíslason 8,17 / 8,03
4. Von frá Kópavogi og Hlega Thoroddsen 8,11 / 8,01
5. Þokki frá Blönduósi og Þórólfur Óli Aadnegard 7,74 / 7,68

Tölt:

1. Tryggvi Björnsson og Hátíð frá Blönduósi 6,30 / 7,17
2. Ægir Sigurgeirsson og Gítar frá Grænuhlíð 6,63 / 6,67
3. Ásdís Brynja Jónsdóttir og Prímus frá Brekkukoti 4,83 / 6,28
4. Cristine Mai og ölur frá Þingeyrum 5,67 / 6,00
5. Þórólfur Óli Aadnegard og Þokki frá Blönduósi 5,43 / 4,94

Skeið (100 m flugskeið):

1. Jóhann Magnússon og Hvirfill frá Bessastöðum tími: 8,50
2. Ragnhildur Haraldsdóttir og Steina frá Nykhól tími: 9,40
3. Haukur Marian Suska og Tinna frá Hvammi tími: 11,25

Par mótsins voru, valin af dómurum, Ásdís Brynja Jónsdóttir og Prímus frá Brekkukoti emoticon

Skrifað af Áslaug Inga

18.06.2012 13:16

Nýjar myndir

Myndir eru komnar undir mynda-albúm af félagsmótinu 16. júní 2012.

Skrifað af Hjálmar Kárdal

16.06.2012 22:25

17. júní hátíðarhöld á Blönduósi

17. júní hátíðarhöld á Blönduósi

Kl. 8:00 Fánar dregnir að hún.

Kl. 10:00-11:00 Börnum boðið á hestbak í Reiðhöllinni Arnargerði.

Kl. 11:00 Guðsþjónusta í Blönduósskirkju.

Kl. 11:00-12:00 Dorgveiðikeppni á bryggjunni (þátttakendur eru á eigin ábyrgð og eiga að vera í björgunarvestum).

Kl. 12:30-13:30 Andlitsmálun fyrir utan SAH afurðir helíumblöðrur og annað sem tilheyrir verður til sölu (ekki tekið við greiðslukortum).

Kl. 13:30 Skrúðganga frá SAH afurðum á Bæjartorg.
Á Bæjartorgi verður hátíðardagskrá;
                                           Hugvekja
                                           Fjallkonan
                                           Hátíðarræða
                                           Tónlist
                                           Leikir fyrir börn á þríhyrnutúni

Kl. 14:30-16:00 Kaffisala í Félagsheimilinu, vöfflukaffi (ekki tekið við greiðslukortum).

Útsýnisflug frá Blönduósflugvelli, að hætti Magnúsar Ólafssonar, ef veður leyfir. Laugardaginn 16. júní frá kl. 10:00 og eitthvað fram á daginn. Sunnudaginn 17. júní frá kl. 16.00.
Gjald kr. 1.500 fyrir stutt flug, en 2.000 kr. fyrir lengra flug (ekki tekið við greiðslukortum).
Skráning í flugskýlinu eða í síma 898 5695.

Sundlaugin verður opin frá 10:00 - 16:00

Umsjón með hátíðarhöldunum hefur Hestamannafélagið Neisti.

Skrifað af Áslaug Inga

15.06.2012 15:54

Félagsmót

Dagskrá félagsmóts neista

Mótið hefst klukkan 10:00

Ungmennaflokkur

B-flokkur

barnaflokkur

unglingaflokkur

pollar

hádegishlé í ca klukkutíma

Tölt

A flokkur
Úrslit verða svo riðin í sömu röð

Skeið

Vegna tæknilegra örðuleika verður ráslistinn hendur upp í reiðhöllinni í fyrramálið
Í hádeginu verður boðið upp á súpu og brauð í reiðhöllinni 1000 kr fullorðinir og 500 krónur börn

Skrifað af Óli