Stjórn Neista hefur ákveðið að bjóða aftur uppá félagshesthús í vetur ef næg þátttaka er fyrir hendi.

Skráningarfrestur er til 23:59, sunnudaginn 1. desember

Fyrirkomulagið verður með svipuðum hætti og í fyrra, hægt verður að leigja hesta og eins hesta stíur. Við stefnum að því að vera með umsjónarmann yfir hesthúsinu sem sér um morgungjafir og umhirðu að hluta. Foreldrar sjá um kvöldgjafir og umhirðu um helgar, en því yrði skipt niður og sér stjórnin um að halda utan um það skipulag.

Til að það gangi að halda úti svona hesthúsi verða foreldrar að taka virkan þátt í gjöfum og umhirðu hestanna því það er jú partur af þessu sporti.

Í boð er:

• Að leigja stíu þar sem þú kemur með þinn eigin hest. Innifalið er hey, undirburður og morgungjafir.

• Að leigja hest. Þú færð skaffaðan hest til að vera á reiðnámskeiðinu en einnig getur þú komið og farið á bak þegar þú vilt. Innifalið er hestur, hey, undirburður, morgungjafir og járning.

• Að leigja hest í stakt skipti. Hentar vel fyrir þá sem ætla ekki á hestbak nema bara á reiðnámskeið eða í einn og einn útreiðartúr.

Verðskrá:

Leigja hest: 35.000kr
Leigja stíu: 30.000kr
Leigja hest í stakt skipti: 3.500kr

Fyrir frekari upplýsingar og skráningu sendið tölvupóst á [email protected]

Líkar þetta

Skrifa ummæli

Senda

Reiðtímar á kennsluhestum

Á námskeiðinu fá nemendur vel þjálfaða kennsluhesta sem að reiðkennarinn úthlutar.
Reiðkennsla á reynslumeiri hesti gefur nemandanum aukið færi á að þjálfa nákvæmar ábendingar,
grunnþjálfun í fimiæfingum og fá tilfinningu fyrir góðri líkamsbeitingu hestsins á hreinum gangtegundum.
Þennan skilning og tilfinningu getur nemandinn svo nýtt sér við þjálfun á eigin hesti

Um námskeiðið:

Hestamannafélagið Neisti ætlar í samstarfi við Sigríði Vöku að bjóða uppá námskeið á kennsluhestum
sem byggist upp á einni sýnikennslu og fjórum einkatímum (30.mín).

Námskeiðið er dagana 21. október (sýnikennsla), 22. október,
25, október, 29. október og 1. nóvember

Námskeiðið er eingöngu hugsað fyrir lengra komna unglinga.
Þetta er einstakt tækifæri fyrir þau sem langar að ná ennþá lengra!

Hægt er að senda tölvupóst á [email protected] til að skrá sig á námskeiðið og einnig 
ef einhverjar spurningar vakna. Aðeins eru takmörkuð pláss í boði á námskeiðinu.

Reiðkennari er Sigríður Vaka
Verð 40.000 kr. fyrir félagsmenn
Verð 45.000 kr fyrir utanfélagsmenn
Félagsmenn Neista ganga fyrir 

Æskulýðsnefnd Neista boðar börn, foreldra og alla þá sem hafa áhuga á barnastarfi hjá hestamannafélaginu á pizzufund kl 18:00 mánudaginn 28. Oktober í reiðhöllinni þar sem verður farið yfir vetrastarfið og öllum gefinn kostur á að koma sínum hugmyndum á framfæri. Þarna verða ýmis mál tekin fyrir eins og kaffisala á mótum, starfsemi félagshesthússins og þátttaka á sýningunni „æskan og hesturinn“. Við ætlum að bjóða uppá pizzu og djús og því viljum við biðja fólk um að skrá sig (bæði börn og fullorðnir) í ummælum á facebook síðu félagsins eða í facebookhópnum "Félagsmenn Neista"

Hlökkum til að sjá ykkur og skipuleggja vetrarstarfið með ykkur.

Æskulýðsnefnd Neista Heiða, Kristín Birna, Guðný Ósk, Kristín J og Auður

Ásetuæfingar:

Áseta knapa og virkni hans í hnakknum hefur mikil áhrif á jafnvægi, líkamsbeitingu 
og hreyfingar hestsins.

Í ásetuæfingum er það reiðkennarinn sem stjórnar hestinum í hringtaum
en knapinn getur einbeitt sér alfarið að sinni ásetu og unnið í því að 
bæta jafnvægi sitt, líkamsstöðu og tilfinningu.

Um námskeiðið:

Hestamannafélagið Neisti býður uppá tvö, 2ja daga námskeið fyrir
börn, unglinga og ungmenni. Það eina sem nemendurnir þurfa að mæta með er hjálmur.
Hestar og búnaður fyrir þau er á staðnum en þó mega nemendur mæta með sinn hnakk.

Námskeið 1: Dagana 7. og 10 október

Námskeið 2: Dagana 14. og 17. október

Kennslufyrirkomulagið verða einkatímar, 20 mín hver tími.
Það eru takmörkuð pláss í boði á námskeiðin. Hægt er að senda
tölvupóst á [email protected] til að skrá sig á námskeiðið.

Reiðkennari er Sigríður Vaka

Verð 10.000 kr fyrir félagsmenn
Verð 12.000 kr fyrir utanfélagsmenn
Félagsmenn Neista ganga fyrir

Haustfundur Hestamannafélagsins Neista verður haldinn

Fimmtudaginn 26. september kl 20:00 í reiðhöllinni Arnargerði

Hvetjum alla félagsmenn til að mæta

Stjórnin

 Torfæra í Kleifarhorni 

Laugardaginn 20. júlí klukkan 11:00 - 17:00 fer fram torfæra í Námunni við keppnisvöllinn okkar.

Ekki má ríða á keppnisvellinum á meðan.

Pössum uppá öryggið!

Þá er landsmóti hestamanna í Reykjavík lokið að þessu sinni. Við hjá hestamannafélaginu Neista áttum flotta fulltrúa á mótinu og erum við virkilega stolt af þeim! Í öllum flokkum voru virkilega sterkir hestar sem gerðu mótið spennandi og skemmtilegt

Í A flokki áttum við tvo fulltrúa, Viðar frá Hvammi og Hátíð frá Söðulsholti. Lilja Maria Suska keppti á Viðari og hlutu þau 8.35 í einunn. Ásdís Brynja Jónsdóttir keppti á Hátíð og hlutu þær 8.26 í einkunn.

Í B flokki áttum við líka tvo fulltrúa, Húnu frá Kagaðarhóli og Mídas frá Köldukinn 2. Glódís Rún Sigurðardóttir keppti á Húnu og hlutu þær 8.51 í einkunn. Egill Þórir Bjarnason keppti á Mídasi og hlutu þeir 8.26 í einkunn.

Fyrir okkar hönd fór eitt ungmenni á mótið, hún Inga Rós Suska Hauksdóttir. Hún keppti á merinni Freistingu frá Miðsitju og hlutu þær 8.04 í einkunn.

Systurnar Sunna Margrét og Salka Kristín Ólafsdætur kepptu í unglingaflokk. Sunna keppti á Topp frá Litlu-Reykjum og hlutu þau 8.27 í einkunn. Salka keppti á Gleði frá Skagaströnd og hlutu þær 8.21 í einkunn

Meðfylgjandi eru myndir af þessum flottu fulltrúum okkar, í sömu röð og þau eru talin upp hér að ofan.

Dagskrá á frjálslegu gæðingamóti Sunnudaginn23. Júní

Kl. 13:00 stundvíslega hefst keppni

- B-flokkur gæðinga - forkeppni.

- Barnaflokkur og Polli – forkeppni

- A-flokkur úrslitakeppni

- Gæðingatölt 4 holl í forkeppni og úrslitakeppnií beinu framhaldi.

- Börn og Polli, úrslitakeppni

- Hlé, grillaðar pylsur og drykkur.  ( um kl. 15:30).

- B-flokkur úrslitakeppni

Mótsslit og almennur fögnuður.

Ráslistar.

Athugasemdir og fyrirspurnir berist Sigga eðaHödda.

 Gæðingamót 

Sunnudaginn 23. júní verður haldin gæðingakeppni með frjálslegu sniði á skeiðvellinum í Kleifarhornsnámu.

Keppt verður í :

- Barnaflokki

- Unglingaflokki

- B - flokki gæðinga

- A - flokki gæðinga

- Gæðingatölti.

Skráningargjald er 2.000 kr. fyrir börn og unglinga en 2.500 kr. fyrir fullorðna.

Skráningarfrestur er til miðnættis föstudaginn 21. júní og berist skráningar á netfangið [email protected] en greiðslur inn á reikning 0307 - 26 - 055624. Mótið verður ekki á Horseday appinu og árangur ekki skráður á hross.

Mótið hefst kl. 13:00 en ráslistar og dagskrá birtist á laugardaginn 22. júní.

Stefni í líflegt mót og gott veður verða mögulega grillaðar pylsur í boði.

Hafi fólk ábendingar eða skorti upplýsingar má hafa samband við Sigga í síma 8882050 eða Hödda í síma 8940081.

Úrtaka og félagsmót hestamannafélaganna Þyts, Neista og Snarfara fer fram dagana 8 - 9 júní.

Mótið verður haldið á vellinum á Hvammstanga.

Skráningar skuli berast fyrir miðnætti þriðjudaginn 4. júní inn á skráningakerfi Sportfengs 

Mótanefnd áskilur sér rétt til að fella niður eða sameina flokka ef ekki næst næg þátttaka.

Skráningargjöld í fullorðinsflokka og ungmennaflokk eru 4.500 kr. og fyrir börn og unglinga 3.500 kr. Í skeiði er skráningargjaldið 3.500 kr á hest.

Þeir sem eru með farandbikara mega koma þeim til mótanefndar áður en mótið hefst.

Í Gæðingatölti verður opinn flokkur

Skráningargjad skal greiða um leið og skráð er og senda kvittun fyrir greiðslu skráningargjalds á netfangið 

[email protected].

Kt: 550180-0499

Rnr: 0159 - 15 - 200343

Þann 29. Mars ætlum við að halda smalamót.
Keppt verður í barnaflokk, unglingaflokk og fullorðinsflokk. Einnig fá pollar að vera með.
Mótið hefst klukkan 16:00.
Skráningu skal senda á messenger á Guðrúnu Tinnu eða á netfangið [email protected] 
Skráningargjald er 1500 kr í alla flokka og skráning er ekki gild fyrr en búið er að greiða það. 
Kt. 480269-7139.      Rn. 0307-26-055624
Skráningar frestur rennur út Þriðjudaginn 26. Mars.

Árangurinn ræðst af brautartíma og felldum keilum.
Stigin telja þannig að knapar raðast í sæti eftir besta tímanum, sá sem er fyrstur fær 300 stig, sá næsti 280 stig, 270 og svo framvegis. Við hverja fellda keilu dragast frá 14 stig. Fyrir sleppt hlið eru 28 refsistig. Yfir brúna er ekki leyft að fara á stökki þ.e.a.s. Allur annar gangur er í lagi. Ef brúnni er sleppt þá er það 4x28 refsistig.
Gult spjald= gróf reiðmennska 30 refsistig. 
Rautt spjald= MJÖG gróf reiðmennska, úr leik.

Fræðslukvöld með Vali Valssyni

Þriðjudaginn 19. Mars kl 20:00 býður Neisti félagsmönnum sínum á fyrirlestur með Vali gæðingadómara í reiðhöllinni Arnargerði.

Valur verður með almenna kynningu á reglum gæðingakeppninnar og keppnisformi.

Hvort sem þú stefnir á að keppa eða hefur áhuga á gæðingakeppni almennt hvetjum við alla til að mæta og fræðast um hvað það er sem dómarar eru að skoða þegar hestur er í keppnisbraut.

Frítt fyrir félagsmenn, 500 kr fyrir aðra.

Hlökkum til að sjá ykkur sem flest

Stjórn Neista

Pollaflokkur Ágúst Ingi - Hryða Sveinbjörn Óskar - Tangó  Helena Kristín - Sóldögg Camilla Líndal - Hrifla   Barnaflokkur  1. Halldóra Líndal Magnúsdóttir- Regína frá Kjalarlandi- 6.00 2. Thelma Rún Sigurbjörnsdóttir- Eldur frá Hnausum ll- 5.83 3-4. Sveinn Óli Þorgilsson- Sædís frá Sveinsstöðum- 5.50 3-4. Katrín Sara Reynisdóttir- Kólfur frá Reykjum- 5.50 5. Rakel Ósk Kristófersdóttir- Órator frá Blönduósi- 4.83

Unglingaflokkur
1. Salka Kristín Ólafsdóttir- Gleði frá Skagaströnd- 5.63
2-3. Kristín Erla Sævarsdóttir- Lukt frá Kagaðarhóli- 5.13
2-3. Hera Rakel Blönduósi- Ljósfari frá Grænuhlíð- 5.13
4. Þórey Helga Sigurbjörnsdóttir- Prinsessa frá Sveinsstöðum- 5.00

2. Flokkur 
1. Katharina Sophia Dietz- Dadda frá Leysingjastöðum ll- 6.20
2-3. Hafrún Ýr Halldórsdóttir- Gjöf frá Steinnesi- 6.10
2-3. Hrafnhildur Björnsdóttir- Fákur frá Árholti- 6.10 
4. Patrik Snær Bjarnason- Hvöt frá Árholti- 6.00
5. Halldór Þorvaldsson- Aragon frá Fremri-Gufudal- 5.90

1. Flokkur 
1. Guðrún Rut Hreiðarsdóttir- Rebekka frá Skagaströnd- 6.20
2. Sigríður Vaka Víkingsdóttir- Áttaviti frá Kagaðarhóli- 5.90
3. Hjördís Jónsdóttir- Tristan frá Leysingjastöðum ll- 5.60
4. Kristín Björk Jónsdóttir- Aría frá Leysingjastöðum- 5.20
5. Frosti Richardsson- Aðalsteinn frá Geitaskarði- 4.40

Þann 7. Mars kl. 18:00 verður haldið annað mót vetrarins.

Keppt verður í V1 í 1. og 2. flokk, og V5 í unglingaflokk.

Barnaflokkur keppir í tvígang (skráð sem þrígangur á sportfeng).
Einnig verður pollaflokkur.
skráningargjöld eru 3000 kr fyrir fullorðna og 1500 kr fyrir börn.

Ef skráð er eftir að skráningafresti lýkur er gjaldið 4000 kr.

Skráningargjald verður að greiða svo skráning sé gild, og þarf að senda kvittun á [email protected]

skráningarfresti lýkur 4.Mars kl. 23:59

skráning fer í gegnum sportfengur.com