Næsta mót Mótaraðar Neista er 4. mars kl. 19:00  

Jæja !!  Þá er komið að næsta móti í Mótaröð Neista, sem er fjórgangur. Mótið verður haldið n.k. miðvikudag,  4 mars nk. kl.19.00 í reiðhöllinni Arnargerði.

Skráning er á netfang Neista [email protected] fyrir kl. 22:00 þriðjudagskvöldið 3. mars. Fram þarf að koma nafn og kennitala knapa, flokkur, hestur og IS númer og í hvaða flokki knapi ætlar að keppa.

Keppt er í 3 flokkum.

• Flokkur 17 ára og yngri
• Áhugamannaflokkur
• Opinn flokkur

Skráningargjöld eru 1.500 kr. þ.e.a.s. fyrir fyrsta hest en 1.000 krónur eftir það.

Skráningargjöld má greiða áður en mót hefst inná inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

Prógrammið er eftirfarandi:

1 knapi er inni á vellinum í einu og stýrir hann sjálfur prógraminu.  Mega knapar sýna gangtegundirnar í hvaða röð sem er og eru knapar minntir á að hneigja sig.
 

Knapi má velja upp á hvora hönd hann ríður forkeppni og eftirfarandi eru gangtegundirnar sem knapi sýnir.
 

Forkeppni:
Hægt tölt
Brokk
Fet
Stökk
Fegurðartölt
 

Keppni í úrslitum er stýrt af þul. Sömu gangtegundir.

Mótið er öllum opið til þátttöku og við hvetjum sem flesta til að skrá sig og keppa. Aðgangur áhorfenda er ókeypis og eru allir hvattir til að mæta

Mótaröð Neista er stigakeppni fyrir Neistafélaga, þar sem 3 stigahæstu keppendur í hverjum flokki fyrir sig hljóta verðlaun fyrir samanlagðan árangur á mótum vetrarins.

Mótanefnd

Smali 8-10 bekk

Smali 4-7 bekk

Skeið

Þrautabraut 1-3. Bekk

Stig eftir mótið:

1. Neisti með 31 stig

2. Þytur með 12 stig

Þrautabraut, smali og skeið  í Reiðhöllinni Arnargerði á Blönduósi 15. febrúar kl. 14.00

Dagskrá mótsins:
Smali 8. - 10. Bekkur. Úrslit eru riðin strax á eftir
Smali 4. - 7. Bekkur. Úrslit eru riðin strax á eftir
hlé
Þrautabraut
Skeið

Ráslistar: 

Smali 8. - 10. Bekkur

Smali 4. - 7. Bekkur

Þrautabraut

Skeið

Þrautabrautin fyrir þau yngstu er aðeins auðveldari, það þarf t.d. ekki að fara yfir pallinn, nánar útskýrt fyrir keppni.
 

Vegna lélegrar þátttöku er Ísmótinu sem vera átti á morgun 14. feb. aflýst.

Þökkum þeim sem skráðu þátttöku og vonum að þeir og miklu fleiri skrái sig þegar næsta mót verður auglýst!

Mótanefnd

Af gefnu tilefni til þeirra sem nota reiðhöllina!

Vinsamlegast þrífið skítinn upp eftir hestana ykkar, þetta á við um ALLA sem fara í reiðhöllina, jafnt einstaklinga sem hópa á reiðnámskeiðum.

Göngum vel um!

Annað mót vetrarins í Mótaröð Neista, Ísmótið, er fyrirhugað að halda nk. laugardag, 14. febrúar kl.13.00.

Hvar það verður haldið er ekki ljóst þar sem það er háð veðri og ís. Til tals hefur komið Flóðið, Vatnsdalsá við Sveinsstaði, Hnjúkatjörn og Svínavatn.

Ákvörðun um það verður tekin þegar nær líður móti  og veður það auglýst "á síðustu stundu".

Keppt verður í 3 flokkum í tölti eins og verið hefur.

• Flokkur 16 ára og yngri
• Áhugamannaflokkur
• Opinn flokkur

Einnig verður bæjarkeppni með firmakeppnisfyrirkomulagi, þ.e. riðnar 4 ferðir með frálsri aðferð. Engin skráningargjöld.

Skráningargjald fyrir tölt er kr. 1.500 fyrir hverja skráningu.

Skráning sendist á email [email protected] fyrir kl. 12.00 föstudaginn 13. febrúar.

Fram þarf að koma knapi og hestur, og í hvaða flokki er keppt.

Muna að taka fram IS númer hests og kennitölu knapa.

Skráningargjöld má greiðaa inná reikning Neista 0307-26-055624 kt. 4802697139 áður en mót hefst en það má líka greiða á staðnum, ekki tekið við greiðslukortum.

Mótið hét áður fyrr "Grunnskólamót hestamannafélaga á Norðurlandi vestra". En er um liðakeppni að ræða. Í ár verður keppt á milli hestamannafélaga en ekki grunnskóla.
 

Vinamót hestamannafélaga á Norðurlandi vestra verða:

15.febrúar á Blönduós - þrautabraut, smali og skeið

15.mars á Sauðárkróki - fegurðarreið, tvígangur, þrígangur, fjórgangur og skeið

 12. apríl á Hvammstanga - fegurðarreið, tölt og skeið

 

Þrautabraut, smali og skeið verða í Reiðhöllinni Arnargerði á Blönduósi 15. febrúar kl. 14.00

Keppnisgreinar eru:

1. - 3. bekkur þrautabraut

4. - 7. bekkur smali

8. - 10. bekkur smali

8. - 10. bekkur skeið

Skáningar þurfa að hafa borist fyrir miðnætti miðvikudaginn 11.02. á netfangið:[email protected]

 Fram þarf að koma: nafn, bekkur og hestamannafélag knapa, nafns hests og uppruni, aldur, litur og keppnisgrein.

Skráningargjald er 1000 kr. fyrir fyrstu skráningu, 500 kr fyrir næstu skráningar og skal greiða á staðnum áður en mót hefst  (ekki tekið við greiðslukortum).

 

Reglur:

Þrautabraut   1. - 3. Bekkur

Áseta, stjórnun og færni  dæmd.  Engin tímataka. Hringurinn 3 metrar í ummál, þar skal stöðva hestinn og halda svo áfram.

Smali   4. - 7. og 8 .- 10. Bekkur

Smalabrautin skal vera skýr og hættulaus og forðast skal allan óþarfa glannaskap. Keppt skal eftir tíma og skal bæta 4 sekúndum við tíma fyrir hverja keilu sem felld er eða sleppt. Ef sleppt er hliði bætast  2x4  sekúndur við. Ef tunna dettur er bætt við 4 sekúndum og ef tunnu er sleppt bætast við 4x4 sekúndur. Gult spjald er jafnt og 10 sekúndur og má sýna ef knapi sýnir grófa reiðmennsku og jafnvel víkja keppanda úr sýningu. Bannað er að fara á stökki yfir pallinn. Ef hleypt er yfir pallinn bætast við 4x4 sekúndur.

Skeið  8. - 10. bekkur

mega keppa í skeiði og skal tímataka vera samkvæmt venju á hverjum stað.  Fara skal 2 spretti og betri tíminn gildir.  Gult spjald má sýna ef knapi sýnir grófa reiðmennsku og jafnvel víkja keppanda úr sýningu.

Ísmótið Svínavatn 2015 verður haldið laugardaginn 28. febrúar næstkomandi á Svínavatni í Austur-Húnavatnssýslu. Keppt verður í A og B flokki gæðinga og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og á heimasíðu mótsins.

Vegleg peningaverðlaun verða veitt fyrir þrjú efstu sæti í hverjum flokki, fyrir tilstuðlan helstu styrktar aðila mótsins sem eru; Hrossaræktarbúið Geitaskarði, G. Hjálmarsson, Margrétarhof og KS. Eins og venjulega verður gott hljóðkerfi á staðnum og dagskránni útvarpað.

Í kvöld  var fyrsta mótið í mótaröð Neista haldið í reiðhöllinni á Blönduósi.  Keppt var í tölti T7 og voru úrslit eftirfarandi:

Unglingaflokkur, 16 ára og yngri:

1. Aron Freyr Sigurðsson / Hlynur frá Haukatungu Syðri 1   7,50
2. Ásdís Brynja Jónsdóttir / Keisari frá Hofi   6,15
3. Guðrún Tinna Rúnarsdóttir / Kasper frá Blönduósi   6,00
4. Lara Margrét Jónsdóttir / Króna frá Hofi    5,65
5. Ásdís Freyja Grímsdóttir / Loki frá Barkarstöðum  5,40

Áhugamannaflokkur:

1. Magnús Ólafsson / Píla frá Sveinsstöðum   6,40
2. Höskuldur B Erlingsson / Börkur frá Akurgerði  6,25
3. Lisa Inga Haelterlein / Metalía frá Áslandi  6,10
4. Júlía / Glanni   4,85
5. Selma Svavarsdóttir / Háfeti frá Blönduósi 3,75
6. Skafti Vignisson / Penni frá Sólheimum  3,20

Opinn flokkur:

1. Finnur Bessi Svavarsson / Glaumur frá Hafnarfirði  7,20
2. Anna Funni Jonasson / Tyrfingur  6,65
3. Jón Kristófer Sigmarsson / Óðinn frá Enni  6,50

Miðvikudaginn 4. febrúar kl. 19:00 verður haldið töltmót í Reiðhöllinni Arnargerði og er það hluti af mótaröð Neista. 

Keppt verður í T7, 1 hringur hægt tölt og 1 hringur frjáls ferð.

Keppt er í unglingaflokki þ.e. 16 ára  og yngri, áhugamannaflokki og opnum flokki.

Skráning er á netfang Neista [email protected] fyrir kl. 22:00 þriðjudagskvöldið 3. febrúar.
Við skráningu þarf að koma fram; knapi og hestur, flokkur og uppá hvaða hönd er riðið.

Skráningargjald er 1.500 kr fyrir hverja skráningu.
Skráningargjöld má greiða áður en mót hefst inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

Aðgangur er ókeypis fyrir 100 ár og yngri, eða með öðrum orðum, frítt er inn á mótið og eru allir hvattir til að mæta.

Mótaröð Neista er stigakeppni fyrir Neistafélaga, þar sem 3 stigahæstu keppendur í hverjum flokki fyrir sig hljóta verðlaun fyrir samanlagðan árangur á mótum vetrarins.

Mótanefnd

4. febrúar kl. 19:00  - T7 tölt í Reiðhöllinni

14. febrúar  kl. 13:00 - Ísmót á  Hnjúkatjörn
      Það mót, er þó öðrum mótum fremur háð veðri og verður fært til ef veður,
        ísleysi eða annað hamlar þennan dag.

4. mars kl. 19:00 -  Fjórgangur í Reiðhöllinni

18. mars kl. 19:00  -  Smalinn í Reiðhöllinni

8. apríl  -  Fimmgangur og tölt T1 í Reiðhöllinni

Almennt gilda reglur LH. á mótum Neista og verður tilkynnt sérstaklega ef út af því verður brugðið.

Aðeins einn keppandi verði í braut í einu á mótunum nema á ísmótinu. Heimilt er að breyta þessu fyrirkomulagi á öðrum mótum ef skráningar eru margar.

Ekki verður selt inn á mót vetrarins, en skráningagjald verður kr. 1.500 á hvern hest.

Stigaútreikningur verður með hefðbundnum hætti, fyrsta sæti gefur 10 stig, annað sæti 8 stig, þriðja sæti 6 stig og síðan 5,4,3,2 og 1 stig fyrir sætin þar á eftir.

Mótanefnd

Skipulag námskeiða á vorönn 2015 liggur fyrir. Kennarar verða Heiðrún Eymundsdóttir og Pétur Örn Sveinsson. Þau kenndu einnig s.l. vor við góðan orðstýr. 

Kennsla verklegra tíma Knapamerkja hefst mánudaginn 12. janúar, bóklegir tímar Knapamerkja 19. janúar og reiðnámskeið barna 26. janúar.

Uppskeruhátið verður haldin 26. apríl. 

Allir þátttakendur eiga að hafa fengið tímaskipulagið sent í tölvupósti. Ef einhver misbrestur er þar á er gott að senda tölvupóst á [email protected] og athuga á hverju strandar.

FRAMLENGDUR SKRÁNINGARFRESTUR
Í janúar mun Hestamannafélagið Neisti fara af stað með námskeið í Knapamerkjunum og reiðnámskeið fyrir byrjendur jafnt sem lengra komna. Reiðkennarar verða Heiðrún Ósk Eymundsdóttir og Pétur Örn Sveinsson. Það fer eftir þátttöku hvaða knapamerki verða kennd. Aldurstakmark er 12 ára í Knapamerki 1 (börn fædd 2003).

Skráning með tölvupósti á netfangið [email protected] þar sem fram þarf að koma fullt nafn og aldur þátttakenda, getustig eða tiltekið Knapamerkjanámskeið ásamt upplýsingum um greiðanda.

Skráningu lýkur 12. des.
 

Reiðnámskeið, 10.000 kr.
Knapamerki 1, 25.000 kr.
Knapamerki 2, 30.000 kr.
Knapamerki 3, 38.000 kr.
Knapamerki 4, 50.000 kr.
Knapamerki 5, 70.000 kr.