25.05.2011 07:16Frá ÆskulýðsnefndÞað fer að styttast í uppskeruhátíð hjá krökkunum sem voru á námskeiðum hjá Neista í vetur en hugmyndin er að fara í Þingeyrar sunnudaginn 5. júní og vonum við auðvitað að þá verði sól og sumar. Þetta verður allt auglýst betur þegar nær dregur en endilega takið daginn frá, pabbar og mömmur, afar og ömmur, frænkur og frændur og allir aðrir, gerum skemmtilegan dag með krökkunum okkar 5. júní á Þingeyrum því þar eru frábærar útreiðaleiðir og skemmtilegt að vera. Skrifað af selma 23.05.2011 08:29Kynbótasýning á Hvammstanga - HollaröðunHollaröðun á kynbótasýningu á Hvammstanga 24. - 26. maí má sjá á vef Búnaðarsambands Húnaþings og Stranda Skrifað af selma 22.05.2011 21:31Félagsmót Neista og úrtaka fyrir landsmótFyrirhugað er að halda félagsmót Neista ásamt úrtöku fyrir landsmót á Blönduósi 11. júní nk. Nánar auglýst síðar. Skrifað af selma 21.05.2011 16:00Jakkarnir komnirFyrir þá sem pöntuðu jakka þá eru þeir komnir í hús hjá Hólmari gsm 6956381 Hægt er að nálgast þá hjá honum eftir kl. 19.00 í dag og næstu daga. Vinsamlegast takið með ykkur pening, helst rétta upphæð. Skrifað af selma 19.05.2011 10:42Síðasti skiladagur einkunna fyrir LMLandssamband
hestamannafélaga og Landsmót vilja beina þeim skilaboðum til
mótshaldara að sunnudagurinn 19.júní er síðasti dagurinn til
þess að skila inn niðurstöðum allra móta í mótakerfið Sportfeng svo þær
séu gildar fyrir Landsmót. Skrifað af selma 19.05.2011 10:11Reiðmaðurinn
Verkefnisstjóri námsins fyrir hönd Endurmenntunar LbhÍ er Ásdís Helga Bjarnadóttir, að faglegri uppbyggingu námsins koma Reynir Aðalsteinsson, Þorvaldur Kristjánsson, o.fl.. Aðalkennari við verklega kennslu á Hvammstanga verður Þórir Ísólfsson reiðkennari á Lækjamóti og umsjón með bóklegri kennslu verður Gunnar Reynisson. Nánari upplýsingar veitir Ásdís Helga - [email protected] eða í síma 433 5000. Umsóknafrestur er til 4. júní 2011 Skrifað af selma 17.05.2011 21:58Kynbótasýning hrossa á HvammstangaKynbótasýning hrossa hefst á Hvammstanga miðvikudaginn 25. maí 2011. Dómar verða miðvikudag og fimmtudag og yfirlitssýning á föstudegi. Þetta getur þó breyst ef skráningar verða ekki í samræmi við áætlanir. Best er að senda skráningar á tölvupósti - [email protected] - en einnig má hringja í síma 451 -2602. Við skráningu þurfa að koma fram upplýsingar um hrossið,
fullnaðardómur eða bara bygging eða hæfileikar, nafn og kennitala
sýnanda, nafn og kennitala þess sem greiðir reikning og óskir um tíma ef
einhverjar eru. Nánari upplýsingar og tímasetningar á www.rhs.is þegar nær dregur Búnaðarsamband Húnaþings og Stranda Skrifað af selma 16.05.2011 10:02Reiðnámskeið á ÞingeyrumTvö reiðnámskeið fyrir börn og unglinga verða haldin á Þingeyrum í vor. Boðið verður upp á hefðbundna reiðkennslu í reiðhöll auk leikja og útreiðatúra. Nánari upplýsingar um námskeiðin má finna HÉR.Skrifað af selma 11.05.2011 16:41Folalda- og ungfolasýning HvammstangaFolalda- og ungfolasýning var haldin í
Þytsheimum á Hvammstanga 1.maí sl. Fresta þurfti sýningu þessari fyrr í
vetur og sökum þéttrar dagskrár hestamanna í Húnavatnssýslum var ekki
hægt að halda hana fyrr. Þátttaka var því ekki eins góð og mörg
undanfarin ár þar sem sauðburður var byrjaður hjá mörgum bændum. Engu að
síður komu fram mörg álitleg tryppi og álitleg stóðhestefni. Dómari var Eyþór Einarsson og gaf hann tryppunum stig bæði fyrir byggingu og hæfileika. Úrslit urðu eftirfarandi: Folöld ( veturgömul ) Hryssur: 1. Salka frá Hólabaki , rauð. Faðir Seifur frá Hólabaki . Móðir Elding frá Hólabaki. Eigandi Björn Magnússon. Bygging: 70 hæfileikar 76 Aðaleinkun 74 stig. 2. Snilld
frá Syðri-Völlum, jörp. Faðir Kraftur frá Efri-Þverá. Móðir Rakel frá
Sigmundarstöðum. Eigandi Ingunn Reynisdóttir. Bygging: 73 hæfileikar 71
Aðaleinkun 72 stig. 3. Arabella
frá Skagaströnd, rauðblesótt. Faðir Hnolli frá Fellskot. i Móðir Sól
frá L-Kambi. Eigandi Þorlákur Sveinsson. Bygging: 75 hæfileikar 69
Aðaleinkun 71 stig. Hestar: 1. Hávarður
frá Syðri-Völlum, brúnn. Faðir Dofri frá Steinnesi Móðir Hending frá
Sigmundarstöðum. Eigandi Gunnar Reynisson. Bygging: 76 hæfileikar 78
Aðaleinkun 77 stig. 2. Henrý fra Kjalarlandi, rauðskjóttur. Álfur frá Selfossi Móðir Regína frá Flugumýri. Eigandi Hall og Vilhjálmur. Bygging: 67 hæfileikar 84 Aðaleinkun 77 stig. 3. Herjan frá Syðri-Völlum, jörp. Dofri frá Steinnesi Móðir Venus frá Sigmundarstöðum. Eigandi Ingunn Reynisdóttir. Bygging: 68 hæfileikar 80 Aðaleinkun 75 stig. 2ja vetra stóðhestar: 1. Davíð
frá Hólabaki, brúnn. Faðir Auður frá Lundum Móðir Dreyra Hólabaki.
Eigandi Björn Magnússon. Bygging: 79 hæfileikar 86 Aðaleinkun 83 stig. 2. Hástígur frá tóru-Ásgeirsá, bleikálóttur. Faðir Meyvant frá Feti Móðir Píla frá Stóru-Ásgeirsá. Eigandi Elías Guðmundsson. Bygging: 71 hæfileikar 80 Aðaleinkun 76 stig. 3j vetra stóðhestur. 1. Kjalar
frá Hólabaki, rauður. Faðir Kaspar frá Kommu Móðir Sandra frá
Hólabaki. Eigandi Björn Magnússon. Bygging: 76 hæfileikar808 Aðaleinkun
78 stig. Skrifað af selma 07.05.2011 22:42Æskan og hesturinnFrábær dagur á Sauðárkróki að baki þar sem Æskan og hesturinn fór fram á tveim sýningum í dag 7. maí. Mætt var á æfingu stundvíslega kl. 10 í morgun en það þurfti aðeins að pússa saman atriðin fyrir svolítið stærri reiðhöll en við höfum hér og erum vön. Það var ekki lengi gert, ótrúlega flott og fljót að ná þessu krakkarnir en þau voru með sömu atiðin og þau voru með á Æskulýðssýningunni sl. helgi. Krakkar úr 8 hesta hestamannafélögum tóku þátt í þessari sýningu og það er alveg ótrúlegt hvað fólk hefur endalausar hugmyndir í gerð atriða. Virkilega skemmtileg sýning í alla staði og heppnaðist mjög vel. Sýningin hjá krökkunum okkar tókst frábærlega vel og stóðu þau sig með stakri prýði og megum við öll vera stolt og glöð með að eiga svona flotta krakka. Takk takk fyrir frábæra sýningu og frábæran dag Þau Hrafnhildur, Sigurgeir og Hákon voru í fánareið og tóku sig vel út í góða veðrinu. Sniðug þau Rúnar og Ranna að taka bara fellihýsið með þar sem þau komu hestunum á Óla A sem var hvort eð er að fara með kerru. Þarna var gott að setjast niður og fá sér kaffi og sóla sig. Það voru veittar viðurkenningar fyrir stigahæstu knapana úr grunnskólamótunum en í 4.-7 bekk var Sigurður Bjarni Aadnegard, Blönduskóla stigahæstur ásamt Ásdísi Ósk Varmahlíðarskóla og Haukur Suska, Húnavallaskóla í 8.-10. bekk. Til hamingju með það. Hér eru stigahæstu knapar en á myndina vantar Hauk. Hér er þessi flotti hópur sem átti frábæran dag saman. á myndina vantar Hörpu Hrönn Myndir eru komnar í myndaalbúm. Skrifað af selma 06.05.2011 12:06Æskan og hesturinnReiðhöllin Svaðastaðir, Sauðárkróki laugardaginn 7. maí 2011 kl.13:00 og 16:00 Fjölskylduskemmtun Æskan og hesturinn - Stórsýning barna úr hestamannafélögunum á Norðurlandi Aðgangur ókeypis Allir velkomnir Veitingar seldar í anddyri reiðhallarinnar Sérstakur gestur sýningarinnar verður Þórarinn Eymundsson og Ingunn Kristjánsdóttir Skrifað af selma 05.05.2011 08:14Námskeiðahaldi vetrarins lokiðÞá er námskeiðahaldi vetrarins lokið en í gær mætti Arndís Brynjólfsdóttir og tók út 17 nemendur í knapamerkjum 1, 2 og 3. Auðvitað var fólk misstressað þegar í próf var komið en allt gekk þetta vel og stóðust allir prófin. Innilega til hamingju með það. Í vetur voru 23 fullorðnir sem luku prófum í knapamerki 1 og 2 og 14 krakkar sem luku prófum í 1, 2 og 3. Knapamerki 3 er kennt á 2 vetrum og byrjuðu þrjú í vetur en þau taka þá ekki próf fyrr en næsta vor. Á almennum námskeiðum voru 16 börn á aldrinum 4-11 ára en aldurstakmark í knapamerkin er 12 ára svo þessi hópur mun halda áfram á skemmtilegum námskeiðum fram að þeim aldri. Kennarar í vetur voru Petronella Hannula, Barbara Dittmar, Sigurbjörg Sigurbjörnsdóttir og Hafdís Arnardóttir. Þökkum við þeim kærlega fyrir frábært og skemmtilegt starf í vetur. Þá er bara að fara að huga að Æskan og hesturinn sem verður á Sauðárkróki laugardaginn 7. maí og síðan verða uppskeruhátíðir fyrir námskeiðshópa í lok maí - byrjun júní. Skrifað af selma 30.04.2011 23:47Það er svo gaman samanÆskulýðssýning Neista var í dag og tóku um 30 börn, á öllum aldri, þátt í henni. Fyrst var örðuvísi þrautabraut þar sem "mið"krakkarnir gerðu ýmsar þrautir og fórst það vel úr hendi. Í þessum hópi voru krakkar sem hafa verið í knapamerki 1 í vetur og þau sem hafa verið lengi á námskeiðum en hafa ekki aldur til að vera í knapamerki 1. Kennarar í vetur eru þær Barbara Dittmar, Sigurbjörg Sigurbjörnsdóttir, Petronella Hannula og Hafdís Arnardóttir. Gaman var að sjá hve liðlega þau gerðu þrautirnar en mínusstig voru gefin fyrir ef eitthvað mistókst og það fór nú allavega. Ekki kannski alveg farið eftir því sem þau hafa lært í knapamerki 1, t.d. við að fara af og á baki, en alltaf gaman að sjá eitthvað nýtt. Prinsessurnar 2 voru svoooo sætar og duglegar og hlupu mömmurnar nokkra hringi með þær í höllinni á meðan prinsessurnar gerðu ýmsar jafnvægisæfingar. Petronella Hannula hefur kennt þeim í vetur og það hefur alltaf verið rosalega mikið gaman hjá þeim. Síðan komu "yngri" krakkarnir en það eru þau sem hafa verið 1-3 vetur á reiðnámskeiðum og gaman að sjá hvað þeim hefur farið fram í vetur. Þau fóru þrautabraut þar sem þarf að sýna mjúkan leiðandi taum og stoppa og fara yfir smá hindrun. Aldeilis flott hjá þeim og hún Petronella hefur gert mjög gott starf þar í vetur. Elstu krakkarnir, úr knapamerki 2 og 3 voru svo með flotta mynsturreið sem tókst frábærlega vel, rosafottir krakkar. Kennarar í vetur eru Sigurbjörg Sigurbjörnsdóttir, Barbara Dittmar og Hafdís Arnardóttir. Í lokin fóru þeir sem vildu hindrunarstökk, alltaf gaman að sjá hve dugleg þau eru í öllu sem þau taka sér fyrir hendur. Það er virkilega gaman að sjá hvað krökkunum fer fram á hverjum vetri og verða betri og betri reiðmenn. Við megum vera stolt af þessum krökkum og hversu mikið og gott starf er unnið á hverjum vetri í æskulýðsstarfi hjá hestamannafélaginu og hvað við höfum verið heppin með frábæra kennara. Takk takk fyrir frábært starf. Eftir sýninguna var kaffi og "með því" og var fjölmenni, gott og gaman að geta átt notalega stund saman eftir svona skemmtilega sýningu. Æskulýðsnefndin þakkar öllum þeim sem að þessari sýningu kom á einn eða annan hátt fyrir, án ykkar hefði þessi sýning ekki orðið að veruleika. Gaman að geta átt frábæran og eftirminnilegan dag og fengið að njóta þess að horfa á frábæra krakka á frábærri sýningu. Takk fyrir öll. Myndir eru komnar inn í myndaalbúm. Skrifað af selma 29.04.2011 08:14Úrslit úr töltmótiLítið en skemmtilegt töltmót var í reiðhöllinni í gær og urðu úrslit þessi: Áhugamannaflokkur: (á myndina vantar Magnús og Gleði) 1. Rúnar Örn Guðmundsson og Kasper frá Blönduósi 2. Selma Svavarsdóttir og Hátíð frá Blönduósi 3. Sigurður Bjarni Aadnegard og Þokki frá Blönduósi 4. Edda Sigurðardóttir og Flosi frá Skefilsstöðum 5. Magnús Ólafsson og Gleði frá Sveinsstöðum Opinn flokkur: 1. Guðmundur Þór elíasson og Fáni frá Lækjardal 2. Halldór P. Sigurðsson og 3. Paula Tillonen og Stimpill frá Vatni 4. Hörður Ríkharðsson og Móheiður frá Helguhvammi 5. Jóhanna Heiða Friðriksdóttir og Alki frá Stóru-Ásgeirsá Skrifað af selma 28.04.2011 14:35Æskulýðssýning Hestamannafélagsins NeistaLaugardaginn 30. apríl kl. 14:00 verður sýning á vegum Æskulýðsnefndar Neista í reiðhöllinni Arnargerði. Fram koma um 30 krakkar á öllum aldri sem hafa verið dugleg á námskeiðum í vetur. Hvetjum alla til að koma og sjá þessa fræbæru krakka. Aðgangseyrir 600 kr. (ekki tekið við kortum) fyrir 12 ára og eldri. Innifalið í aðgangseyri er kaffi og með því. Hlökkum til að sjá ykkur. kveðja, Æskulýðsnefnd Neista Skrifað af selma Flettingar í dag: 523 Gestir í dag: 55 Flettingar í gær: 1125 Gestir í gær: 95 Samtals flettingar: 434501 Samtals gestir: 51289 Tölur uppfærðar: 27.4.2024 14:22:43 |
Vafraðu umEldra efni
Um hestamannafélagið Neista Nafn: Hestamannafélagið NeistiTölvupóstfang: [email protected]Afmælisdagur: 1943Heimilisfang: 540 BlönduósStaðsetning: BlönduósUm: Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.Tenglarclockhere
|
© 2024 123.is | Nýskrá 123.is síðu | Stjórnkerfi 123.is