06.01.2011 21:49Knapamerkin byrja í næstu vikuÞá fer fjörið að hefjast, strax á mánudag í næstu viku. Búið er að raða niður flestum námskeiðum og er þátttaka mjög góð. Allir eiga að vera búnir að fá póst um hvenær þeirra hópur á að mæta. Ef ekki endilega hafið samband við Selmu í síma 661 9961. Reiðnámskeiðin hjá yngri og eldri krökkum, þ.e. þau sem eru ekki í knapamerkjunum, byrja í lok janúar. Haft verður samband við foreldra og einnig verður það auglýst hér á síðunni. Hér til hliðar er búið að setja inn viðburðadagatal vetrarins og einnig hvenær námskeiðin eru í höllinni, þau eru reyndar ekki öll komin inn en verða sett inn um leið og búið er að tímasetja þau. Ef breytingar verða á námskeiðum eða þau falla niður verður það auglýst á töflunni upp í Reiðhöll. Skrifað af selma 06.01.2011 15:29JárninganámskeiðJárninganámskeiðið byrjar með bóklegum tíma í Reiðhöllinni, kaffistofu, kl. 20.00 föstudagskvöld 7. janúar. Verklegir tímar byrja kl. 8.00 á laugardagsmorgunn og verða þeir í hesthúsinu í Hnjúkahlíð. Skrifað af selma 04.01.2011 21:13Minnum á....Járninganámskeið verður haldið á Blönduósi 7. - 8. janúar nk. Kennt verður á föstudagskvöld bóklegt uþb 2-3 tímar og verklegt á laugardegi uþb 8 tímar. Kennari er Gestur Júlíusson járningameistari. Hámark á námskeið (verklega) er 8 manns og kostar námskeiðið 12.000 kr. á mann miðað við að farið sé bæði í bóklegt og verklegt. Ef einungis bóklegi hlutinn er tekinn kostar það 1.500 kr (ekki hámarksfjöldi þar). Skráning og nánari upplýsingar gefur Hólmar Hákon í sími 6956381. Skrifað af selma 23.12.2010 19:42Gleðileg jólSendum hugheilar jóla- og nýárskveðjur Jólakveðja Skrifað af selma 12.12.2010 08:28JárninganámskeiðJárninganámskeið verður haldið á Blönduósi 7. - 8. janúar nk. Kennt verður á föstudagskvöld bóklegt uþb 2-3 tímar og verklegt á laugardegi uþb 8 tímar. Kennari er Gestur Júlíusson járningameistari. Hámark á námskeið (verklega) er 8 manns og kostar námskeiðið 12.000 kr. á mann miðað við að farið sé bæði í bóklegt og verklegt. Ef einungis bóklegi hlutinn er tekinn kostar það 1.500 kr (ekki hámarksfjöldi þar). Skráning og nánari upplýsingar gefur Hólmar Hákon í sími 6956381. Skrifað af selma 07.12.2010 21:35Meistaradeild Norðurlands 2011
Stjórn Meistaradeildar hefur gert tvær
breytingar á dagskrá. Sú fyrri er, að keppt verður í fimmgangi 2.mars og
tölt færist til 16.mars. Hin breytingin er að síðasta mótið verður
miðvikudaginn 30.mars, en ekki 1.apríl (ekki apríl gabb). Mótadagar verða því svona: 26.jan: Úrtaka fyrir þau 6.sæti sem laus eru. Síðasti skráningardagur 23.janúar 16.feb: Fjórgangur 2.mars: Fimmgangur 16.mars: Tölt 30.mars: Smali og skeið. Loka mót Kaupfélag Skagfirðinga mun eins og áður fyrr, vera styrktaraðili Meistaradeildar Norðurlands.
Skrifað af selma 29.11.2010 11:58UppskeruhátíðinUppskeruhátíð húnvetnskra bænda og hestamanna var sl. laugardaskvöld og tókst í alla staði vel. Eins og fyrri ár voru veitt verðlaun fyrir hesta, kýr og kindur..... Knapi ársins 2010 hjá Hestamannafélaginu Neista er Ólafur Magnússon. Hann gerði það mjög gott í KS-deildinni, var þar í úrslitum í flestum greinum og 3. sæti í samanlagðri stigasöfnun knapa. Hann mætti á Ís-landsmót, Húnvetnsku liðakeppnina og Fákaflug og var í úrslitum á þessum mótum  Óli og Gáski á Ís-landsmóti 2009 Óli og Ódeseifur á Ís-landsmóti 2010 Óli stendur ekki einn í þessu því konan hans Inga Sóley á stóran þátt í góðu gengi hans þar sem hún stendur þétt við bakið á honum, heima og heiman. Hér er Hjörtur formaður að færa henni þakklætisvott frá Hestamannafélaginu Neista fyrir að fá Óla svona oft lánaðan til að fara á keppnisvöllinn.Takk Inga Sóley  Innilega til hamingju með árangurinn Óli, hlökkum til að fylgjast með þér næstu árin  Óli og Inga Sóley að taka við viðurkenningum sínum Verðlaunagripurinn sem Óli fékk sem knapi árins. Viðurkenningar kynbótahrossa: Hryssur 4 vetra 5 vetra Framtíð frá Leysingjastöðum F. Orri frá Þúfu. M. Gæska Frá Leysingjastöðum B: 8,44 H: 7,89 A: 8,17 Ræktandi og eigandi: Hreinn Magnússon Sýnandi: Ísólfur Líndal Þórisson 6
vetra 7 vetra og eldri
Stóðhestar
5 vetra 6 vetra
7 vetra og eldri
Sölufélagsbikarinn
fær hæst dæmda hryssa á héraðsýningu Búnaðarbankabikarinn fær hæst
dæmdi stóðhestur á héraðssýningu Fengsbikarinn - bikar sem gefinn var til minningar um Guðmund Sigfússon frá Eiríksstöðum og veittur er hæst dæmda kynbótahrossi í eigu heimamanns. Kiljan frá Steinnesi Bikar til minningar um Magnús Blöndal frá Skagaströnd Gefinn af Sveini Inga Grímssyni og fjölskyldu til minningar um Magnús Blöndal. Er hann veittur hæst dæmda 4 vetra stóðhesti í Austur-Húnavatnssýslu. Magni frá Sauðanesi
Ræktunarbú 2010 : Steinnes í Húnavatnshreppi Á árinu 2010 voru sýnd 12 hross frá Steinnesi á kynbótasýningum - Meðaleinkunin á þessum 12 hrossum er 7.91 þar af fengu 5 8,00 eða meira í aðaleinkunn. Skrifað af selma 27.11.2010 10:11Reiðnámskeið fyrir börn og fullorðnaEins og undanfarin ár verður boðið uppá reiðnámskeið fyrir börn, bæði byrjendur og lengra komna, eftir áramót. Þeir sem hafa hug á slíkum námskeiðum vinsamlegast skráið ykkur á netfang Neista sem fyrst svo hægt sé að skipuleggja dagskrá vetrarins. Einnig er fyrirhugað að halda almennt reiðnámskeið fyrir fullorðna. Þeir sem hafa áhuga á því vinsamlegast hafið samband á áðurnefnt netfang sem fyrst. Þeir sem eru í bóklegum tímum í knapamerkjunum og þeir sem þegar hafa skráð sig á reiðnámskeið fyrir börn og fullorðna þurfa ekki að skrá sig aftur. Skrifað af selma 27.11.2010 10:02ReiðhöllinÞann 1. nóvember hófst nýtt tímabil hjá notendum reiðhallarinar og eru allir hvattir til að nýta sér höllina eins og kostur er. Raggi og Sandra eru áfram leigjendur í höllinni og er fyrirkomulagið með svipuðu sniði og verið hefur þ.e. þau hafa höllina alveg út af fyrir sig til kl. 13:00 en þá hefst almennur tími fyrir þá sem eru í Vilja. Þeim Ragga og Söndru er þó heimil notkun eftir hádegi ef fátt er í höllinni og að höfðu góðu samráði við aðra. Við ætlum að muna að hirða upp skítinn eftir hestana okkar og hafa hurðir lokaðar svo við missum ekki þann lága hita sem í höllinni er út í buskann. Við sýnum hvert öðru tillitsemi og slökkvum ljósið ef við teljum að við séum síðust út úr höllinni. Ef eitthvað er sem þarf að ræða eða benda á sem betur má fara skal tala um það við Rúnar (6953363) eða Þórð (8983243) sem hafa umsjón með höllinni. Einnig þarf að hafa samband við þá ef áhugi er að leiga aðstöðina í höllinni, reiðsal eða kaffistofu. Í stjórn Reiðhallarinnar Arnargerðis ehf. eru þeir Guðmundur Sigfússon, Jón Gíslason og Magnús Jósefsson og má einnig snúa sér til þeirra. Þeir sem eiga eftir að greiða árgjald í Vilja vinsamlegast greiðið það sem fyrst en reikningurinn er 307-26-106506, kt. 650699-2979. Gjaldið er 14.000 kr. Skrifað af selma 21.11.2010 19:48Kiljan frá Steinnesi hæst dæmda kynbótahrossið
Á hrossaræktarráðstefnu
fagráðs í gær voru veitt ný verðlaun fyrir hæst dæmda kynbótahross
ársins, leiðrétt fyrir aldri. Verðlaunin komu að þessu sinni í hlut
stóðhestsins Kiljans frá Steinnesi sem hlaut í aðaleinkunn 8.71 eða 8.78
aldursleiðrétt, en Kiljan er sex vetra gamall.
Kiljan er undan Kletti frá Hvammi og Kylju frá
Steinnesi, Kolfinnsdóttur frá Kjarnholtum. Ræktandi Kiljans er Magnús
Jósefsson í Steinnesi, en eigendur eru Halldór Þorvaldsson, Elías
Árnason og Ingolf Nordal. Félag hrossabænda óskar ræktanda og eigendum
til hamingju með þennan frábæra árangur. Meðfylgjandi
mynd var tekin við afhendinguna en þar standa Kristinn Guðnason
formaður Félags hrossabænda sem gefur verðlaunin, Halldór Þorvaldsson
einn af eigendum Kiljans og Magnús Einarsson hrossaræktandi í
Kjarnholtum sem afhenti verðlaunin í ár. Skrifað af selma 17.11.2010 16:35Uppskeruhátíð húnvetnskra bænda og hestamannaUppskeruhátíð húnvetnskra bænda og hestamanna verður haldin í Félagsheimilinu á Blönduósi, laugardaginn 27. nóvember nk. Hátíðin hefst kl. 20:00 með fordrykk í boði SAH Afurða. Matseðill Forréttir: Rækjusalat að indverskum hætti Fiskur í Amritsari (djúpsteiktur fiskur með indverskum kryddum) Chicken 65 (kjúklingur í jógurt, maismjöli og fersku koriander) Aðalréttur: Tandoori kryddaður lambavöðvi Murg Afghani (kjúklingabringa) Roast nautalund með lauk, tómötum og rauðvíni Meðlæti: Navarathan khurma (grænmetisblanda með ávöxtum, rúsínum og kasinhnetum) Aloo jeera (kartöflur, tómatar og kúmen) Yellow dal (gular baunir, hvítlaukur og indverskt krydd) Kaffi / te og konfekt Veislustjórn og skemmtiatriði verða í góðum höndum. Verðlaun og viðurkenningar veittar fyrir góðan árangur. Stulli og Dúi leika fyrir dansi. Verð kr. 4.800 Tryggið ykkur miða og pantið hjá eftirtöldum aðilum eigi síðar en þriðjudaginn 23. nóvember nk. Eline og Jón sími 452 4077 Elín og Höskuldur sími 894 8710 Heiða og Björn sími 895 4473 Herdís og Óskar sími 452 7161 Sérstakar þakkir fá: Bændaþjónustan (Eymundur), Blönduvirkjun, Sturlaugur Jónsson og c/o, Vörumiðlun, Búvís, MS, Samkaup, SAH Afurðir, SS, VB landbúnaður, Kraftvélar, Ferðaþjónusta bænda (sveit.is), Kjalfell, Léttitækni, Vélsmiðja Alla, Arion banki, Sorph. VH, Ístex, N1 píparinn, Landsbankinn, Stígandi og Potturinn og Pannan. Skrifað af selma 15.11.2010 18:02Ráðstefnan Hrossarækt 2010Ráðstefnan Hrossarækt 2010 verður haldin á Hótel Sögu, laugardaginn 20. nóvember og hefst kl. 13:00. Ráðstefnan er öllum opin sem láta sig íslenska hrossarækt varða jafnt fagfólki sem áhugamönnum. Ráðstefnustjóri: Víkingur Gunnarsson. Dagskrá: 13:00 Setning - Kristinn Guðnason formaður Fagráðs í hrossarækt 13:05 Hrossaræktarárið 2010 - Niðurstöður kynbótamats - Guðlaugur V. Antonsson, hrossaræktarráðunautur BÍ 13:30 Heiðursverðlaunahryssur 2010 13:45 Verðlaun, hæsta aðaleinkunn ársins (aldursleiðrétt) 13:55 Verðlaun, knapi með hæstu hæfileikaeinkunn ársins 14:05 Erindi: - Hreyfigreiningar á feti og tölti, - Fóðurnýting og fóðurþarfir - er íslenski hesturinn einstakur? - Áhrif mismunandi gleiddar höfuðjárns á þyngdardreifingu hnakks, 15:10 Tilnefningar og verðlaun fyrir ræktunarmann/menn ársins 2010 15:30 Kaffihlé 16:00 Kynning á nýjum verðlaunagrip sem veittur verður á landsmótum til minningar um Þorkel Bjarnason, Sveinn Steinarsson, formaður Hrossaræktarsamtaka Suðurlands 16:05 Umræður um erindin og ræktunarmál almennt 17:00 Ráðstefnuslit Skrifað af selma 11.11.2010 22:28Dagsetningar Íslandsmóta
Dagsetningar hafa verið ákveðnar fyrir Íslandsmót í hestaíþróttum: Íslandsmót fullorðinna verður haldið á Selfossi, af hestamannafélaginu Sleipni, dagana 14. - 16. júlí 2011. Landssamband hestamanna Skrifað af selma 01.11.2010 11:00Stöðupróf í knapamerki 1 og 2(fyrir fullorðna). Áhugasamir hafi samband við Selmu í síma 661 9961 fyrir 8. nóv nk. Skrifað af selma 28.10.2010 13:50Knapamerki bóklegtKnapamerkjanámskeið 2011 hjá Neista hefjast með bóklegri kennslu 9. nóvember 2010. Kenndar verða 2 kennslustundir í einu og áætlað er að klára bóklega hlutann fyrir jól. Engin bókleg kennsla verður eftir áramót. Þriðjudagur 9. nóvember kl. 16.15 - 17.45 knapamerki 1 (verða á þriðjudögum) kl. 18.00 - 19.30 knapamerki 2 börn og unglingar (verða á þriðjudögum) Fimmtudagur 11. nóvember kl. 16.15 - 17.45 knapamerki 3 unglingar (verða á fimmtudögum) kl. 18.00 - 19.30 knapamerki 2 fullorðnir (verða á fimmtudögum) Verkleg kennsla hefst strax eftir áramótin. Þeir sem ætla í knapamerkin í vetur vinsamlegast skráið ykkur á netfang Neista. Fram þarf að koma nafn og hvaða knapamerki er fyrirhugað að fara í. Aldurstakmark í knapamerki 1 er 12 ára (fædd 1999). Þeir sem áhuga hafa á að fara á reiðnámskeið, börn eða fullurðnir mættu líka skrá sig á áðurnefnt netfang. Æskulýðsnefnd Skrifað af selma Flettingar í dag: 473 Gestir í dag: 54 Flettingar í gær: 1125 Gestir í gær: 95 Samtals flettingar: 434451 Samtals gestir: 51288 Tölur uppfærðar: 27.4.2024 13:40:16 |
Vafraðu umEldra efni
Um hestamannafélagið Neista Nafn: Hestamannafélagið NeistiTölvupóstfang: [email protected]Afmælisdagur: 1943Heimilisfang: 540 BlönduósStaðsetning: BlönduósUm: Hestamannafélagið Neisti hefur sitt aðsetur á Blönduósi, en er félag hestamanna í Austur-Húnavatnssýslu.Tenglarclockhere  |
|||||||||||||||||||
