SAH – Mótaröðin

Fjórgangsmót í Reiðhöllinni Arnargerði. Föstudagskvöldið 15. febrúar kl. 19:30 verður Fjórgangur og T7 í Reiðhöllinni Arnargerði.
Keppt verður í flokkum 13 ára og yngri, 14 til 17 ára, áhugamannaflokk og opnum flokki.
Áskilinn er réttur til að sameina flokka verði skráning takmörkuð.

Um er að ræða fyrsta mót vetrarins í SAH – mótaröðinni sem styrkt er af SAH afurðum og verða pizzur í boði eftir mót í þeirra boði.

Í fjórgangi er riðinn einn hringur á hægu tölti, einn hringur á greiðara tölti, einn hringur á brokki, einn hringur á stökki og hálfur á feti.
Áður en keppandi hefur keppni má hann ríða hálfan hring þ.e. hefja keppni að sunnanverðu. Keppandi ræður röð gangtegunda en í lok keppni skal hægja niður á fet. Í T7 er riðinn einn hringur á hægu tölti og einn hringur fegurðartölt.

Skráningar berist á netfangið: [email protected] eða í síma 8472045 (Bergrún) fyrir kl. 23:00 fimmtudaginn 14. febrúar.
Skráningargjald í yngri flokkum er kr. 1.500 og kr. 2.000 í öðrum flokkum.
Fram komi nafn á hrossi, aldur og litur. Skráningargjöld má greiða fyrirfram inn á 0307-26-055624 kt. 480269- 7139.

Nefndin

 

Mótaröð Neista veturinn 2019

Fjórgangur 15. febrúar
Tölt 8. mars
Ístölt 22. mars
Fimmgangur 5. apríl


Nánar auglýst síðar
Mótanefnd Neista


 

Reiðnámskeið fyrir börn og unglinga eru að hefjast í reiðhöllinni. Boðið er upp á knapamerki 1, almennt reiðnámskeið og pollanámskeið og eru tæplega 30 krakkar skráðir á námskeiðin. Kennt verður á mánudögum, fimmtudögum og sunnudögum.

Pollanámskeið er kennt á sunnudögum frá 13:00-14:00 (2 hópar)

Almennt reiðnámskeið er kennt á mánudögum frá 17:00-19:00 (2 hópar)

Knapamerki 1 (1 hópur) er kennt á mánudögum og fimmtudögum. Á fimmtudögum eru verklegir tímar frá 17:15-18:00 og á mánudögum eru ýmist bóklegir eða
verklegir tímar frá 19:00-20:30 (sjá nánar á dagatali í reiðhöll).

Sigrún Rós kennir knapamerki 1 og Guðrún Rut kennir pollanámskeið og almennt reiðnámskeið.

Uppskeruhátíð húnvetnskra bænda og hestamanna var haldin 17. nóvember sl. og eins og fyrri ár voru veitt verðlaun fyrir hesta, kýr og kindur. 

Knapi ársins 2018 hjá Hestamannafélaginu Neista er Bergrún Ingólfsdóttir.
 

Bergrún stóð sig vel á liðnu keppnistímabili. Hún tók þátt í vetrarmótum með góðum árangri og á sameiginleigu úrtökumóti Neista, Snarfara og Þyts stóð hún sig vel og reið til úrslita í A- flokki, B-flokki og tölti.Hún er mikil fagmanneskja og til fyrirmyndar þegar kemur að þjálfun og umhirðu hrossa. Bergrún er fyrirmyndar knapi innan vallar sem utan og erum við stolt að veita henni þessa viðurkenningu.

Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin og ræktunarbú ársins.  


Viðurkenningar 2018:

Ræktunarbú 2018 
Steinnes 

Hryssur 4. vetra
Stikla frá Síðu, a.e. 7.52

Hryssur 5. vetra
Krækja frá Sauðanesi, a.e. 7.89
 

Hryssur 6. vetra
Kúnst frá Steinnesi, a.e. 8.23

Hryssur 7. vetra og eldri
Þyrnirós frá Skagaströnd, a.e. 8.36

Stóðhestar 4. vetra
Korpur frá Steinnesi, a.e. 8.23
Hlaut einnig Blöndalsbikarinn

Stóðhestar 5. vetra
Kleó frá Hofi, a.e. 8.27

Stóðhestar 6. vetra
Mugison frá Hæli, a.e. 8.55
Hlaut einnig Fengsbikarinn fyrir hæst dæmda Kynbótahrossið í A-Hún. 

Stóðhestar 7. vetra og eldri
Vegur frá Kagaðarhóli, a.e. 8.53

14.06.2018 12:28

Uppfærð dagskrá gæðingamóts Neista, Snarfara og Þyts

Hér má sjá dagskrá og ráslista gæðingamóts og úrtöku fyrir landsmóts Neista, Snarfara og Þyts. Mótið verður haldið á laugardaginn nk á Blönduósi.

 

Dagskrá

kl. 09:00 knapafundur

kl. 09:30 forkeppni

B flokkur

Ungmennaflokkur

Barnaflokkur

kl. 13:00 - 15:00 hádegishlé og landsleikur

kl.15:00 Tölt T3

Unglingaflokkur

A flokkur

Skeið

Pollar

Úrslit

Barnaflokkur

B flokkur

Unglingaflokkur

Tölt

Ungmennaflokkur

 

A flokkur 

Ráslistar:

A flokkur 
1 Greta Brimrún Karlsdóttir Kyrrð frá Efri-Fitjum
2 Jóhann Magnússon Mjölnir frá Bessastöðum
3 Hanifé Müller-Schoenau Jasmín frá Hæli
4 Elvar Logi Friðriksson Eva frá Grafarkoti
5 Hörður Óli Sæmundarson Sálmur frá Gauksmýri
6 Sigurður Sigurðarson Karri frá Gauksmýri
7 Lara Margrét Jónsdóttir Klaufi frá Hofi
8 Valur Valsson Birta frá Flögu
9 Bergrún Ingólfsdóttir Mirra frá Ytri-Löngumýri
10 Hallfríður Sigurbjörg Óladóttir Kvistur frá Reykjavöllum
11 Sigurður Vignir Matthíasson Konungur frá Hofi
12 Jóhann Albertsson Sigurrós frá Gauksmýri
13 Halldór P. Sigurðsson Sía frá Hvammstanga
14 Veronika Macher Rós frá Sveinsstöðum
15 Jóhann Magnússon Atgeir frá Bessastöðum
16 Hörður Óli Sæmundarson Garri frá Gröf
17 Kristín Jósteinsdóttir Abel frá Sveinsstöðum
18 Þorgeir Jóhannesson Draumur frá Áslandi
19 Guðmar Freyr Magnússon Kostur frá Stekkjardal

B flokkur 
1 Guðrún Rut Hreiðarsdóttir Gloría frá Krossum 1
2 Hörður Óli Sæmundarson Gyðja frá Gröf
3 Eline Schriver Birta frá Kaldbak
4 Ásdís Brynja Jónsdóttir Þjónn frá Hofi
5 Birna Olivia Ödqvist Ármey frá Selfossi
6 Fanney Dögg Indriðadóttir Ísó frá Grafarkoti
7 Bergrún Ingólfsdóttir Gustur frá Kálfholti
8 Sarah Lefebvre Vænting frá Lyngholti
9 Ísólfur Líndal Þórisson Skutla frá Höfðabakka
10 Finnbogi Bjarnason Hera frá Árholti
11 Jóhann Magnússon Brana frá Þóreyjarnúpi
12 Guðrún Rut Hreiðarsdóttir Sinfónía frá Krossum 1
13 Pálmi Geir Ríkharðsson Herjann frá Syðri-Völlum
14 Elvar Logi Friðriksson Glitri frá Grafarkoti
15 Þórður Pálsson Slaufa frá Sauðanesi
16 Bergrún Ingólfsdóttir Gjóska frá Lyngholti
17 Hörður Óli Sæmundarson Eldur frá Bjarghúsum
18 Hörður Ríkharðsson Djarfur frá Helguhvammi II
19 Þorgeir Jóhannesson Nína frá Áslandi
20 Greta Brimrún Karlsdóttir Sena frá Efri-Fitjum
21 Halldór P. Sigurðsson Garpur frá Efri-Þverá
22 Hallfríður Sigurbjörg Óladóttir Uni frá Neðri-Hrepp
23 Guðrún Rut Hreiðarsdóttir Skíma frá Krossum 1
24 Elvar Logi Friðriksson Sjöfn frá Skefilsstöðum
25 Guðjón Gunnarsson Smiður frá Ólafsbergi
26 Þorgeir Jóhannesson Birta frá Áslandi
27 Kristín Jósteinsdóttir Garri frá Sveinsstöðum

Ungmennaflokkur 
1 Sólrún Tinna Grímsdóttir Grýla frá Reykjum
2 Eva Dögg Pálsdóttir Stuðull frá Grafarkoti
3 Marie Holzemer Jafet frá Lækjamóti
4 Ásdís Brynja Jónsdóttir Keisari frá Hofi
5 Magnea Rut Gunnarsdóttir Sigurvon frá Íbishóli
6 Sólrún Tinna Grímsdóttir Freyja frá Torfastöðum
7 Eva Dögg Pálsdóttir Grámann frá Grafarkoti
8 Marie Holzemer Kvaran frá Lækjamóti

Unglingaflokkur 
1 Lara Margrét Jónsdóttir Burkni frá Enni
2 Rakel Gígja Ragnarsdóttir Griffla frá Grafarkoti
3 Margrét Jóna Þrastardóttir Smári frá Forsæti
4 Bryndís Jóhanna Kristinsdóttir Kjarval frá Hjaltastaðahvammi
5 Eysteinn Tjörvi K. Kristinsson Þokki frá Litla-Moshvoli
6 Ásdís Freyja Grímsdóttir Pipar frá Reykjum
7 Lara Margrét Jónsdóttir Klaufi frá Hofi
8 Rakel Gígja Ragnarsdóttir Vídalín frá Grafarkoti
9 Margrét Jóna Þrastardóttir Gáski frá Hafnarfirði

Barnaflokkur 
1 Guðmar Hólm Ísólfsson Líndal Daníel frá Vatnsleysu
2 Dagbjört Jóna Tryggvadóttir Freyja frá Brú
3 Inga Rós Suska Hauksdóttir Feykir frá Stekkjardal
4 Guðmar Hólm Ísólfsson Líndal Nútíð frá Leysingjastöðum II
5 Dagbjört Jóna Tryggvadóttir Dropi frá Hvoli

Flugskeið 100m P2 
1 Halldór P. Sigurðsson Sía frá Hvammstanga
2 Bergrún Ingólfsdóttir Fróði frá Ysta-Mó
3 Eysteinn Tjörvi K. Kristinsson Viljar frá Skjólbrekku
4 Guðrún Rut Hreiðarsdóttir Fura frá Dæli
5 Davíð Jónsson Gosi frá Álftagerði IV
6 Kristín Jósteinsdóttir Abel frá Sveinsstöðum
7 Jóhann Albertsson Sigurrós frá Gauksmýri

Tölt T3 Opinn flokkur 

Tölt T3 Opinn flokkur 
1 Hörður Óli Sæmundarson Gyðja frá Gröf
1 Guðjón Gunnarsson Stjörnugnýr frá Litla-Laxholti
2 Jessie Huijbers Ásta frá Hellnafelli
2 Bergrún Ingólfsdóttir Bikar frá Feti
3 Hörður Ríkharðsson Djarfur frá Helguhvammi II

3 Sarah Lefebvre Vænting frá Lyngholti
4 Sólrún Tinna Grímsdóttir Freyja frá Torfastöðum
5 Eline Schriver Birta frá Kaldbak
5 Ægir Sigurgeirsson Gítar frá Stekkjardal

6 Pálmi Geir Ríkharðsson Sigurrós frá Syðri-Völlum
6 Ásdís Freyja Grímsdóttir Pipar frá Reykjum

7 Elvar Logi Friðriksson Sjöfn frá Skefilsstöðum
7 Guðrún Rut Hreiðarsdóttir Gloría frá Krossum 1

Pollagæðingakeppni 
1 Þórdís Katla Atladóttir Toni frá Dýrfinnustöðum
2 Íris Björg Atladóttir Vaka frá Núpi 2

Stórmót Húnvetnskra hestamanna – Sameiginlegt gæðingamót og úrtaka Neista, Þyts og Snarfara fyir LM 2018

Gæðingamót og úrtaka fyrir LM 2018, verður haldið á Blönduósi 16 Júni.

Boðið verður upp á eftirfarandi flokka:

•  A-flokk gæðinga
•  B-flokk gæðinga
• C- flokk gæðinga (bls 45 í reglunum og í Sportfeng er það undir annað, minna vanir)
•  Ungmenni (18-21 árs á keppnisárinu)
•  Unglingar (14-17 ára á keppnisárinu)
•  Börn (10-13 ára á keppnisárinu)
•  Skeið 100m
• Tölt (árangur fæst ekki skráður)
•  Pollar (9 ára og yngri á árinu)

Skráningar skuli berast fyrir miðnætti miðvikudaginn 13. júní inn á skráningakerfi Sportfengs http://skraning.sportfengur.com/

Þytur er skráð sem hestamannafélagið sem heldur mótið í sportfeng.  Mótanefnd áskilar sér rétt til að fella niður flokka ef ekki næst næg þáttaka. Skráningargjöld í fullorðinsflokka og ungmennaflokk eru 3.500 kr. Fyrir börn og unglinga 2000 kr. Í skeiði er skráningargjaldið 1500 kr á hest. Þeir sem eru með farandbikara mega koma þeim til mótanefndar áður en mótið hefst. Ef einhver skráir sig eftir að skráningu er lokið hækkar skráningargjaldið um 1000 kr.

Skráningargjad skal vera greiða um leið og skráð er og senda kvittun fyrir greiðslu skráningargjalds á netfangið [email protected].

Kt: 550180-0499

Rnr: 0159 – 15 – 200343

Vinsamlegast veitið því athygli að í gæðingakeppni þarf hesturinn að vera í eigu Neista-, Snarfara-, og/eða Þytsfélaga. Varðandi úrtökumót verður eigandi hests að vera skuldlaus við félagið. Sá sem skuldar árgjald frá fyrra ári hefur ekki keppnisrétt á mótum sem félagið er aðili að. Keppendur eru beðnir að skoða vel reglur LH sem gilda um þátttöku í gæðingakeppni, http://www.lhhestar.is/././lh_logogreglur_28032017_prent.pdf

Hlökkum til að sjá sem flesta, nánar auglýst þegar nær dregur.

Mótanefnd

Sameiginleg úrtaka hestamannafélaganna Neista og Þyts fyrir Landsmót í Reykjavík verður haldin á Blönduósi laugardaginn 16. júní. Félagsmót verður samhliða úrtökunni.

Nánar auglýst síðar.

Föstudagskvöldið 13. apríl fór fram síðasta mót vetrarins í SAH mótaröðinni. Keppt var í fimmgangi í fullorðinsflokkum og T7 í öllum flokkum.
Ágæt þátttaka var á mótinu og voru skráningar rúmlega 30. Að forkeppni lokinni bauð Neisti félagsmönnum sínum í pítsuveislu sem tókst vel.

Úrslit - Börn T7 
1. Inga Rós - Feykir frá Stekkjardal
2. Kristín Erla - Fengur frá Höfnum 
3. Tanja Birna - Glæsir frá Steinnesi 
4. Þórey Helga - Kjarkur frá Búlandi 
5. Elísabet - Hnoss frá Hvammi 
6. Amanda - Sóti frá Bólstaðarhlíð

Barnaflokkur

Úrslit - Áhugamannaflokkur T7 
1. Karen Ósk - Stika frá Blönduósi                6,8
2. Harpa - Drottning frá Blönduósi               6,5
3. Jóhanna Stella - Freyja frá Tprfastöðum  6,3
4. Berglind - Dís frá Steinnesi                         6,0
5. Sólrún Tinna - Pipar frá Reykjum              5,8

Áhugamannaflokkur

Úrslit - Unglingar T7
1. Ásdís Freyja - Þruma frá Þingeyrum 5,0

Úrslit - Opinn flokkur T7
1.Guðjón - Bassi frá Laxholti 7,3
2. Ásdís - Þjónn frá Hofi         6,0               
3. Eline - Vaki frá Hofi             5,0
4. Hanna - Léttir frá Hæli       4,5

Opinn flokkur og Ásdís Freyja unglingur

Úrslit - Opinn flokkur fimmgangur 
1. Hallfríður -  5,6
2. Jón Kristófer - Lyfting frá Hæli       5,6
3. Veronika - Rós frá Sveinsstöðum  5,2
4. Hanifé - Jasmín frá Hæli                  4,9

Opinn flokkur

Stigahæstu knapar SAH mótaraðarinnar
Opinn flokkur - Guðjón Gunnarsson 
Áhugamannaflokkur - Karen Ósk Guðmundsdóttir 
Unglinaflokkur - Ásdís Freyja Grímsdóttir 
Barnaflokkur - Inga Rós Suska Hauksdóttir

Neisti þakkar SAH afurðum fyrir stuðninginn í vetur og þátttakendum og áhorfendum fyrir skemmtileg mót.

Fimmgangur og T 7 í Reiðhöllinni föstudaginn 13. apríl kl. 19:00.

Keppt verður í barnaflokki, unglingaflokki, áhugamannaflokki og opnum flokki í T 7.  Keppt verður í áhugamannaflokki og opnum flokki í fimmgangi. Í T 7 er riðinn einn og hálfur hringur á hægu tölti, snúið við og einn og hálfur á frjálsri ferð. Í fimmgangi er riðinn einn hringur á tölti,  einn á brokki og einn á stökki, hálfur á feti og svo lagt í gegn.

Í hléinu verða snæddar pizzur í boði félagsins.

Skráningu skal lokið kl. 20:00 fimmtudaginn 12. apríl [email protected] og greiðslu skráningargjalda má endilega vera lokið áður en keppni hefst inn á reikning félagsins: 0307-26-055624 kt. 480269- 7139.

Skráningargjald er 2.000 kr. í fullorðinsflokkum og 1.500 í yngri flokkum.

Nefndin.

Breytingar – Fimmgangur og T 7 föstudaginn 13. apríl

Vegna ýmissa óviðráðanlegra aðstæðna verður enn að gera breytingar á auglýstu mótahaldi. Mótið sem auglýst hefur verið á fimmtudaginn kemur verður ekki.  Nú hefur verið horfið til þess að sameina fimmgangsmótið og lokamótið og verður nú eitt mót föstudagskvöldið 13. apríl.  Þess ber að geta að áður auglýst mót í Skagafirði 14. apríl, þar sem allir sigurvegarar af Norðurlandi áttu að leiða saman hesta sín, því hefur verið aflýst.

Nánar auglýst á sunnudaginn kemur.

Nefndin og stjórn Neista.