Eins og undanfarin ár hafði hestamannafélagið Neisti umsjón með 17. júní hátíðarhöldunum á Blönduósi.

Stjórn Neista þakkar öllum kærlega fyrir hjálpina, án ykkar væri þetta ekki framkvæmanlegt. Einning þökkum við þeim sem styrktu okkur á einn eða annan hátt kærlega fyrir og öllum sem komu á hátíðahöldin og í kaffið kærlega fyrir komuna.       
 

Þjóðhátíðardagurinn verður haldinn hátíðlegur á Blönduósi 17. júní. Að venju verður boðið upp á ýmislegt til skemmtunar og afþreyingar. 

Hestamannafélagið Neisti hefur umsjón með hátíðarhöldunum en félagið hefur haft umsjón með þeim a.m.k. síðan 2008 (eftir því sem myndir í myndaalbúmi segja).

Dagskrá hátíðarhalda á Blönduósi þann 17. júní

Kl.8:00 Fánar dregnir að hún.

Kl.10:00-21:00 Sundlaug Blönduóss opin.

Kl.10:00-11:00 Skotfélagið Markviss verður með kynningu á skotíþróttinni. Börn eldri en 15 ára geta fengið að prófa undir leiðsögn þjálfara.

Kl.10:00-17:00 Heimilisiðnaðarsafnið opið.

Kl.11:00-12:00 Guðsþjónusta í Blönduóskirkju.

Kl.11:00 -12:00 Hestaleigan Galsi býður á hestbak að Arnargerði 33.

Kl.12:30 Kl.13:45 Andlitsmálun fyrir utan SAH Afurðir, helíum blöðrur og sælgæti verður til sölu (ath enginn posi á staðnum).

Kl.13:30 Skrúðganga frá SAH að félagsheimilinu. Hátíðardagskrá; Hugvekja Fjallkonan hátíðarræða, tónlistaratriði, hoppukastali fyrir börn.

Kl.14:30 -16:30 Kaffisala í félagsheimilinu. Og bíó fyrir börnin (ath enginn posi á staðnum).

Kl.15:30 Sápurennibraut í kirkjubrekkunni (ef veður leyfir).

Kl.16:00 Þrautabraut fyrir yngstu börnin í íþróttahúsinu.

Kl.16:00 Rennibrautarkeppni í sundlauginni.

Boðið verður upp á útsýnisflug frá Blönduósflugvelli á 17. júní og einnig veðrur boðið upp á flug á laugardaginn og sunnudaginn eftir þörfum. Allt flug fer þó eftir veðri. Verð fyrir stutt flug er 2.000 krónur pr. sæti. Fyrir heldur lengra flug 3.000 krónur pr. sæti. Æskilegt er að þrír bóki sig saman en ekki skylda. Hægt er að panta lengra flug á laugardag og sunnudag og fer verð eftir lengd flugsins. Pantanir í síma 664 6030.

Sameiginleg úrtaka Skagfirðings,Neista.Glæsis og Þyts fyrir Landsmót 2016 á Hólum 

Tímaseðill

Föstudagur 10.júní
Kl.20:00  250 metra skeið og 150 metra skeið
 

Laugardagur 11.júní
Kl. 8:15 Knapafundur
kl. 9:00 B-flokkur
Kl.12:00 Matur og 100 metra skeið
Kl.12:45 Barnaflokkur
Kl.14:00 Unglingaflokkur
Kl.15:30 Kaffi
Kl.15:45 Ungmennaflokkur
Kl.17:15 A-flokkur  (tuttugu fyrstu hestar)
Kl.19:15 Kvöldmatur
Kl.19:45 A-flokkur (seinna hluti)

Sunnudagur  tímaseðill uppkast nánari kemur á Laugardagskvöld
Kl.8:30 B-flokkur
Barnaflokkur
Unglingaflokkur
Ungmennaflokkur
A-flokkur

Eftir seinni umferð á úrtökunni 
Tölt
seinni sprettir í 250 metra skeiði og 150 metra skeiði

Það bráðvantar fótaskoðunarmann/menn til starfa við mótið á Hólum, hvort sem um væri að ræða heilan eða hálfan dag og/eða annan eða báða dagana.

Endilega setið ykkur í samband við Sigga í síma 8488010 ef einhver getur hjálpað.

Eins og hér hefur komið fram þá fer úrtaka Neista fyrir Landsmót fram á Hólum 11. og 12. júní.

Við skáningu  sem fer fram á http://skraning.sportfengur.com/Skraningkort.aspx?mode=add kemur fram upphæð sem þarf að borga fyrir hverja grein og/eða hverja skráningu, 5.000 í A og B flokk en 3.000 í allar aðrar greinar. Það þarf að vera búið að leggja inn áður en mótið hefst. Skráningu lýkur þriðjudaginn 7. júní kl 23:59.

Þeir sem vilja geyma hesta sína yfir nótt á Hólum þurfa að koma með hey með sér.

Þeir sem ætla að taka þátt þurfa að vera búnir að greiða félagsgjöld Neista,  en greiðsluseðill þar að lútandi var sendur til félagsmanna í maí. Þeir sem ekki eru búnir að greiða félagsgjöldin fá ekki þátttökurétt.

Karlareið Hestmannafélagsins Neista verður farin laugardaginn 4.júní nk.  Mæting er í Arnargerði við Reiðhöllina, en lagt verður af stað kl.16.00.  Riðinn verður hringur frá Arnargerði, upp Svínvetningabraut að Köldukinn og þaðan með Blöndubökkum heim.  Að lokinni ferð verður grill og fjör í reiðhöllinni.  Skráningar eru hjá Magnúsi Ólafssyni í síma 898-5695 og eða í netfangið [email protected].

Nefndin.

Sólon frá Skáney verður til afnota í löngu gangmáli á Þingeyrum á vegum Hrossaræktarsamtaka Vestur-Hún og Austur-Hún.

Tollurinn kostar 115.000  m/VSK fyrir félagsmenn og 125.000 m/VSK fyrir utanfélagsmenn. Innifalið í verðinu er hagagjald og ein sónarskoðun.

Sólon kemur í kringum 20.júní. Nánari upplýsingar hjá Magnúsi í Steinnesi í síma: 897 3486.

Sólon á 16 afkvæmi í 1.verðlaunum og hæst dæmda afkvæmi hans er Skýr frá Skálakoti en hann hefur hlotið 8,48 fyrir sköpulag, 8,85 fyrir kosti og aðaleinkunn 8,70. Sólon er undan Spegli frá Sauðárkróki og Nútíð frá Skáney, hann er með 119 í kynbótamati

Dómsorð:
Sólon gefur vel stór hross. Höfuð er svipgott með beina neflínu. Hálsinn er reistur, vel settur og mjúkur en nokkuð sver. Yfirlínan er úrvals góð, bakið breitt og vöðvað og lendin jöfn og öflug. Afkvæmin eru hlutfallarétt og fótahá en ekki létt á bolinn. Fætur eru prúðir og sterklegir en nágengni alltíð að aftan. Hófar eru efnisþykkir en nokkuð hælalágir. Prúðleiki er afbrags góður. Sólon gefur rúmt og taktgott tölt með góðri fótlyftu, brokkið er síðra heldur ferðlítið og ójafnt. Flest afkvæmin eru alhliðageng og er skeiðgeta efnileg. Afkvæmin hafa þjálan reiðvilja, góðan höfuðburð og prýðilegan fótaburð. Sólon gefur stór og myndarleg hross með úrvals bak og lend. Gangur er alhliða, töltið best með ágætum fótaburði. Sólon hlýtur fyrstuverðlaun fyrir afkvæmi og sjöunda sætið.

Karlareið Hestamannafélagsins Neista verður farin laugardaginn 4.júní nk. Nánar auglýst síðar !!! Karlar takið daginn frá !!

Skotfélagið Markviss verður með hreindýraskotpróf á skeiðvellinum í Kúagirðingunni dagana 22. maí og 12. júní, frá kl. 10:00 báða dagana.
 

Samkvæmt lögum um vernd, friðun og veiðar á villtum fuglum og spendýrum er veiðimönnum hreindýra og leiðsögumönnum þeirra skylt að standast verklegt skotpróf áður en haldið er til hreindýraveiða. Taka þarf prófið fyrir 1. júlí. Skotfélagið Markviss verður með verkleg skotpróf dagana: 

22. maí frá kl. 10:00
12. júní frá kl. 10:00

Prófstaður er „skeiðvöllurinn í Kúagirðingunni“ í landi Blönduóss.

Almennur félagsfundur verður haldinn í Reiðhöllinni 10. maí kl. 20.30.

Vegna fyrirhugaðra breytinga á deiliskipulagi er varðar Skotfélagið mætir Valgarður Hilmarsson og kynnir breytingarnar og svarar spurningum félagsmanna.

Stjórnin

Hnakkakynning verður haldið í anddyri reiðhallarinnar á Blönduósi föstudaginn 6. maí kl.16-18. 

Kynntar verða allar helstu týpur Benni´s Harmony og nýji PORTOS FREEDOM tvískipti hnakkurinn.
Tilvalið að nota tækifærið ef þú ert í hnakkakaupahugleiðingum og koma með eigin hest og prófa á honum eða bara kynna þér það besta á markaði í hnökkum.

Úrtaka fyrir landsmót verður á Hólum 11.-12. júní.

Hún verður haldin í samstarfi með Þyt og Skagfirðingi.

Nánar auglýst þegar nær dregur.

Mótanefnd

Miðvikudaginn 27. apríl var uppskeruhátíð hjá krökkunum úr barna-og unglingastarfi vetrarins.
Markmið vetrarstarfsins var að hafa gaman saman, virkja krakkana í hestamennskunni og reyna að vekja áhuga á hestamennsku hjá fleiri börnum.
Dagurinn var skemmtilegur, krakkarnir hafa tekið miklum framförum og höfðu virkilega gaman saman.
Eftir sýninguna var boðið uppá grillaðar pylsur og ís og öllum veitt viðurkenningar og gjafir.
Kristín Jósteinsdóttir sá um alla krakkana og þökkum við  henni fyrir frábært starf.
Myndirnar tók Magnús Ólafsson.

Æskulýðsnefnd.