Karlareið Hestamannafélagsins Neista verður farin laugardaginn 4.júní nk. Nánar auglýst síðar !!! Karlar takið daginn frá !!

Skotfélagið Markviss verður með hreindýraskotpróf á skeiðvellinum í Kúagirðingunni dagana 22. maí og 12. júní, frá kl. 10:00 báða dagana.
 

Samkvæmt lögum um vernd, friðun og veiðar á villtum fuglum og spendýrum er veiðimönnum hreindýra og leiðsögumönnum þeirra skylt að standast verklegt skotpróf áður en haldið er til hreindýraveiða. Taka þarf prófið fyrir 1. júlí. Skotfélagið Markviss verður með verkleg skotpróf dagana: 

22. maí frá kl. 10:00
12. júní frá kl. 10:00

Prófstaður er „skeiðvöllurinn í Kúagirðingunni“ í landi Blönduóss.

Almennur félagsfundur verður haldinn í Reiðhöllinni 10. maí kl. 20.30.

Vegna fyrirhugaðra breytinga á deiliskipulagi er varðar Skotfélagið mætir Valgarður Hilmarsson og kynnir breytingarnar og svarar spurningum félagsmanna.

Stjórnin

Hnakkakynning verður haldið í anddyri reiðhallarinnar á Blönduósi föstudaginn 6. maí kl.16-18. 

Kynntar verða allar helstu týpur Benni´s Harmony og nýji PORTOS FREEDOM tvískipti hnakkurinn.
Tilvalið að nota tækifærið ef þú ert í hnakkakaupahugleiðingum og koma með eigin hest og prófa á honum eða bara kynna þér það besta á markaði í hnökkum.

Úrtaka fyrir landsmót verður á Hólum 11.-12. júní.

Hún verður haldin í samstarfi með Þyt og Skagfirðingi.

Nánar auglýst þegar nær dregur.

Mótanefnd

Miðvikudaginn 27. apríl var uppskeruhátíð hjá krökkunum úr barna-og unglingastarfi vetrarins.
Markmið vetrarstarfsins var að hafa gaman saman, virkja krakkana í hestamennskunni og reyna að vekja áhuga á hestamennsku hjá fleiri börnum.
Dagurinn var skemmtilegur, krakkarnir hafa tekið miklum framförum og höfðu virkilega gaman saman.
Eftir sýninguna var boðið uppá grillaðar pylsur og ís og öllum veitt viðurkenningar og gjafir.
Kristín Jósteinsdóttir sá um alla krakkana og þökkum við  henni fyrir frábært starf.
Myndirnar tók Magnús Ólafsson.

Æskulýðsnefnd.

Karlatölt Norðurlands verður haldið miðvikudagskvöldið 20.04. nk. í Þytsheimum og hefst kl. 19.00. Keppt verður í þremur flokkum, minna vanir (í keppni), meira vanir (í keppni) og opinn flokkur. Minna vanir keppa í T7 en í hinum tveimur flokkunum verður keppt í T3.

Skráningargjaldið er 2.500 og verður að greiða inn á reikning 0159-15-200343 kt. 550180-0499 um leið og skráð er. Keppendur skrá sig í skráningakerfi Sportfengs http://skraning.sportfengur.com/Skraningkort.aspx?mode=add .

Skráningafrestur er til miðnættis laugardagsins 16. apríl.

Nánar auglýst þegar nær dregur móti. 

Mótanefnd Karlatölts

Síðasta mót vetrarins var í kvöld og tókst með ágætum.
Gaman var að sjá nýliða í unglingahópnum og vonandi koma þau til með að halda áfram keppni í sumar og næsta vetur.
Í opna flokknum náðu karlarnir að raða sér í úrslitakeppnina og þar var hart barist en Hörður og Djarfur komu, sáu og sigruðu. Flott sýning hjá þeim.
Neisti bauð uppá grillaðar pylsur í hléinu sem gerðar voru góð skil. Gott kvöld og vel heppnað mót.  Þakkir til allra sem komu að þessari mótaröð félagsins í vetur á einn eða annan hátt.

Úrslit urðu þessi:

Unglingar:

1. Aron Freyr Sigurðssonog Hlynur frá Haukatungu    5,8  /  6,3
2. Lara Margrét Jónsdóttir og Króna frá Hofi   5,8  /  6,2
3. Una Ósk Guðmundsdóttir og Bikar   5,3  /  5,5
4. Sunna Margrét Ólafsdóttirog Píla frá Sveinsstöðum  5,5  /  5,0
5. Stefanía Hrönn Sigurðardóttirog Miðill frá Kistufelli    5,2  /  4,5

Opinn flokkur:
 

1. Hörður Ríkharðsson og Djarfur frá Helguhvammi II  6,2  /  6,8
2. Ægir Sigurgeirsson og Gítar frá Stekkjardal  6,3 /  6,7
3. Rúnar Örn Guðmundsson og Kasper frá Blönduósi  5,8  /  6,5
4. Magnús Ólafsson og Heilladís frá Sveinsstöðum   6,2  /  6,1
5. Jón Gíslason og Keisari frá Hofi  5,8  /  5,7
6. Ólafur Magnússon og  Garri frá Sveinsstöðum  5,8  /  5,7
7. Víðir Kristjánsson og Glanni frá Brekknakoti  6,0  /  5,7

Skeið:

Unglingaflokkur:
1. Lara Margrét Jónsdóttir

Opinn flokkur:
1. Ólafur Magnússon og Abel frá Sveinsstöðum
2. Kristín Jósteinsdóttir og Hrappur frá Sveinsstöðum
3. Davíð Jónsson og Halla fra Skúfsstöðum
4. Ragnhildur Haraldsdóttir og Steina frá Nykhóli
 

Unglingar: 
1. Lara Margrét Jónsdóttir og Króna f Hofi
2. Ásdís Freyja Grímsdóttir og Nökkvi frá Reykjum
3. Sólrún Tinna Grímdóttir og Hespa frá Reykjum
4. Anna Karlotta Sævarsdóttirog Fengur f Höfnum
5. Sunna Margrét Ólafsdóttirog Píla f Sveinsstöðum
6. Aron Freyr Sigurðssonog Hlynur f. Haukatungu
7. Stefanía Hrönn Sigurðardóttirog Miðill f. Kistufelli
8. Hlíðar Örn Steinunnarson og Neisti f Bergstöðum
9. Una Ósk Guðmundsdóttir og Bikar

Opinn flokkur:
1. Ægir Sigurgeirsson og Aþena f Stóradal
2. Magnús Ólafsson og Heilladís f.. Sveinsstöðum 
3. Hörður Ríkharðsson og Djarfur f Helguhvammi II
4. Víðir Kristjánsson og Glanni f.Brekknakoti
5. Davíð Jónsson og Linda P f Kópavogi
6. Ægir Sigurgeirsson og Svipa f Stekkjardal
7.Ólafur Magnússon og  Garri f Sveinsstöðum
8. Rúnar Örn Guðmundsson og Kasper f Blönduósi
9. Eline Manon Schrijver og Laufi f Syðra Skörðugili
10. Kristín Jósteinsdóttir og Dagfari f Sveinsstöðum
11. Magnús Ólafsson og Ódeseifur f Möðrufelli
12. Ægir Sigurgeirsson og Gítar f Stekkjardal

Skeið:
1.  Ragnhildur Haraldsdóttir og Steina f Nykhóli
2. Davíð Jónsson og Halla f Skúfsstöðum
3. Ólafur Magnússon og Abel f. Sveinsstöðum
4. Kristín Jósteinsdóttir og Hrappur f Sveinsstöðum
5. Magnús Ólafsson og ?

Lokamót vetrarins verður  fimmtudagskvöldið 7 apríl. og hefst keppni kl. 19.00.

Keppt verður í tölti T1 og skeiði. 

Mótið er opið og hvetjum við sem flesta til að taka þátt og hafa þetta lokamót skemmtilegt.

Skráning er á netfang Neista [email protected] fyrir kl. 22:00 miðvikudagskvöldið 6. apríl. Fram þarf að koma nafn og kennitala knapa, flokkur, hestur og IS númer og í hvaða flokki knapi ætlar að keppa.

Keppt er í 2 flokkum:

Unglingaflokkur, 16 ára og yngri
Opinn flokkur

Skráningargjöld eru 2.000 kr. í opnum flokki og 1.500 kr. í unglingaflokki.
Skráningargjöld má greiða áður en mót hefst inná inná reikning Neista 0307-26-055624 kt. 480269-7139 og senda kvittun á netfang Neista  [email protected] en það má líka greiða á staðnum (ekki er tekið við greiðslukortum).

Mótanefnd

Almennt reiðnámskeið með Sigurði Sigurðarsyni verður haldið á Blönduósi föstudaginn 25. mars og laugardaginn 26. mars.
Knapar á öllum stigum hestamennskunar eru hvattir til þess að skrá sig.
Kennslufyrirkomulagið er þannig að hver þátttakandi fær fjóra einkatíma, tvo á föstudegi og tvo á laugardegi.
Frábært tækifæri til þess að öðlast meiri þekkingu og fá aðstoð reiðkennara til þess að fá reið- og eða keppnishestinn sinn enn betri.

Skráning er á netfangið [email protected], síðasti skráningardagur er þriðjudagurinn 22. mars.
Athugið að einungis verða tíu þátttakendur, þannig að fyrstur kemur, fyrstur fær. Verð: 20.000 krónur.

Unglingaflokkur:

1. Aron Freyr Sigurðsson og Hlynur frá Haukatungu syðri 1   5,3  /  6,7
2. Lara Margrét Jónsdóttir og Kóróna frá Hofi   6,0  /  6.3
3. Sólrún Tinna Grímsdóttir og Hespa frá Reykjum   5,5  /  6,2
4. Guðrún Tinna Rúnarsdóttir og Kasper frá Blönduósi  5,6  /   5,9
5. Stefanía Hrönn Sigurðardóttir og  Miðill frá Kistufelli    5,4  /  4,9

Opinn flokkur:

1. Ragnhildur Haraldsdóttir og Börkur frá Brekkukoti    6,7
2. Ólafur Magnússon og Garri frá Sveinsstöðum    6,4
3. Jakob Víðir Kristjánsson og Glanni frá Brekknakoti    6,4
4. Kristín Jósteinsdóttir og Dagfari frá Sveinsstöðum    6,2
5. Magnús Ólafsson og Heilladís frá Sveinsstöðum   5,7

Í ljósi aðstæðna hefur karlareiðarnefndin ákveðið að fresta hinni árlegu karlareið, sem fram átti að fara á skírdag, 24. mars, um óákveðinn tíma.
Í tilkynningu frá nefndinni segir að veðurspá sé einstaklega óhagstæð í næstu viku og því ekki að sjá að hægt verði að fara þessa árlegu reið að sinni.

Þriðjudaginn 15. mars klukkan 17:00 munu dómarar verða í reiðhöllinni.
Byrjað verður á kaffistofunni þar sem verður farið yfir helstu þætti sem viðkemur dómum, leiðara íþróttakeppninnar ásamt léttu spjalli.
Svo verður farið í verklega hlutann inni í reiðhöll.

Þátttakendur mæta með hest og ríða prógramm, fá dóm og rýnt verður í hvern dóm fyrir sig með knapanum.

Frábær æfing fyrir fjórganginn sem verður 17. mars.

Aðgangur er ÓKEYPIS, bæði fyrir þá sem koma með hest og hina sem vilja bara koma og fræðast.

Skráning í tölvupósti á [email protected] í síðasta lagi 14. mars.