Eins og er þá er veðurspáin þannig að það er erfitt að ráða í hana. Gæti orðið hvasst og snjókoma og kannski ekki.  Ákvörðun verður tekin um hádegisbil á föstudag varðandi mótið.

Mótanefnd

Fyrsta mót vetrarins í Mótaröð Neista sem er ístölt, verður haldið á Hnjúkatjörn nk. laugardag 1 febrúar kl.11.00, ef að veður og færð leyfir. 

Keppt verður í 3 flokkum í mótaröðinni eins og verið hefur.

• Flokkur 16 ára og yngri
• Áhugamannaflokkur
• Opinn flokkur.

2 keppendur eru inn á í einu. Riðinn er einn leggur hægt tölt og til baka tölt með hraðabreytingum. Aftur tölt með hraðabreytingum og svo yfirferðartölt til baka. Alls fjórar ferðir.  Úrslit eru riðin í hverjum flokki fyrir sig strax eftir forkeppni. Fimm knapar í úrslitum, með þeirri undantekningu þó ef að einhverjir eru jafnir að stigum.

Skráningargjald er kr. 1.500 fyrir fyrstu skráningu og 1.000 krónur eftir það. Skráningargjald fyrir unglinga er 1.000 fyrir hverja skráningu.

Skráning sendist á email heneisti@gmail.com fyrir miðnætti fimmtudagskvöldið 30 janúar.

Fram þarf að koma knapi og hestur, og í hvaða flokki er keppt.

Muna að taka fram IS númer hests og kennitölu knapa líka.

Einnig verður bæjarkeppni, með firmakeppnisfyrirkomulagi þ.e. riðnar 4 ferðir með frjálsri aðferð. Engin skráningargjöld

Skráningargjöld má greiða inná reikning Neista 0307-26-055624
kt. 480269-7139 áður en mót hefst en það má líka greiða á staðnum (ekki er tekið við greiðslukortum).

Sama fyrirkomulag verður á mótaröðinni eins og verið hefur varðandi stigasöfnun þ.e. 10 stig fyrir 1 sætið, 8 stig fyrir 2 sætið, 6 stig fyrir 3 sætið og svo 5,4,3,2,1 stig niður í 8 sætið.

Keppendur skrá sig í flokka í upphafi keppni og haldast í þeim flokkum út mótaröðina, með þeim möguleika þó að keppendur mega skrá sig upp um flokk hvenær sem er kjósi þeir það en þá er ekki heimilt að fara til baka og ekki taka þeir með sér þau stig sem að þeir hafi til unnið.  Annars gilda almennt reglur LH, og er bent sérstaklega á reglur um fóta,- og beislisbúnað !

Mótanefnd

Sveitasetrið Gauksmýri og Hestamannafélagið Þytur halda sameiginlega ísmót á Gauksmýrartjörn laugardaginn 25. janúar nk og hefst mótið kl 12:30. Ísinn er spegilsléttur að sögn Jóhanns  svo nú er um að gera að skrá á fyrsta mót ársins.

Keppt verður í tölti í 3 flokkum:

1.  1.flokki

2.  2.flokki

3.  Barna og unglingaflokki.

5 keppendur í úrslit í öllum flokkum.

Riðið verður ein ferð á hægu tölti, 2 ferðir hraðabreytingar og 1 ferð hratt tölt.
 

Einnig verður keppt í unghrossaflokki ef næg þátttaka næst, en það eru hross fædd á árunum 2008 til 2010 sem eiga þátttökurétt. Þetta verður 4 ferðir (2 fram og til baka), frjáls reið.

Skráning  á netfangið thytur1@gmail.com . Lokaskráningardagur er  föstudagurinn 24. janúar, skráningargjald er 1.000.- fyrir fullorðna hver skráning en 500 hver skráning fyrir börn og unglinga. Skráningargjald má leggja inn á 0159-26-001081 kt. 550180-0499.

Nánari upplýsingar hjá Jóa í síma 869-7992

Hægt að koma hestum í hús á Gauksmýri meðan húsrúm leyfir.

Veitingasala verður í veitingasalnum á Gauksmýri.

Ef fella þarf mótið niður vegna veðurs birtist það á heimsíðu Þyts á laugardagsmorgun.

Sveitasetrið Gauksmýri og Hestamannafélagið Þytur

Hestamannafélagið Neisti óskar
félagsmönnum, Húnvetningum
sem og öðrum landsmönnum
gleðilegra jóla og farsældar á nýju ári.

Þökkum stuðning, gott samstarf og
ánægjulegar samverustundir
á árinu sem er að líða.

Mótanefndin fundaði á dögunum yfir kaffi og smákökum,  um mótahald vetrarins sem og framkvæmd þeirra.  Önnur mál voru að sjálfsögðu rædd en ýmislegt er í pípunum. Það skýrist síðar.  Mótin verða eftirfarandi, en auðvitað miðast þetta alltaf við færð og veður og þess háttar.

• Ísmótið verður á Hnjúkatjörn þann 01.febrúar 2014.  Það mót, er þó öðrum mótum fremur háð veðri og verður fært til ef veður, ísleysi eða annað hamlar þennan dag.
• Tölt T7 verður haldið 24. febrúar í Reiðhöllinni.
• Fjórgangsmót verður haldið 10. mars í Reiðhöllinni.
• Smalinn verður haldið 24. mars í Reiðhöllinni.
• Fimmgangur og tölt verður haldið 7. apríl í Reiðhöllinni.

mbk.  Mótanefnd  og  Gleðileg jól !

Reiðvegavinna gekk vel og búið er að gera nýjan veg frá hesthúsahverfinu, það er frá hesthúsinu hans Tryggva og upp að Svínvetningabraut.  Þá var borið ofan í veginnn sem liggur frá Kleifagrúsinni og suður að Hjaltabakkagirðingu og síðan austur með þeirri girðingu og að nýja veiðihúsinu við Laxá.  Þessir vegir voru síðan malaðir og tókst það afar vel og eiga þessir vegir að nýtast hestamönnum mjög vel í framtíðinni.

Girðing var lögð meðfram þessum vegum og nú er frágangi lokið og framkvæmdum þessa árs þar með.

Vill reiðveganefnd þakka öllum sem að þessari vinnu komu en sérstakar þakkir fá þeir Víðir Kristjánsson og Tryggvi Björnsson fyrir gott framlag og góða verkstjórn við girðingavinnuna.

Reiðveganefnd

Uppskeruhátíð húnvetnskra bænda og hestamanna var 23. nóvember sl. og eins og fyrri ár voru veitt verðlaun fyrir hesta, kýr og kindur.....
         
Knapi ársins 2013 hjá Hestamannafélaginu Neista er Jakob Víðir Kristjánsson.
Hann gerði það gott á keppnisvellinum, var með 2 efstu hestana í B-flokki gæðinga á félagsmóti Neista og úrtöku fyrir Fjórðungsmót, þá Gítar frá Stekkjardal og Börk frá Brekkukoti. Var með 3 hesta í úrslitum í B-flokki á félagsmótinu. Hann var einnig í A-úrslitum í B-flokki gæðinga á Fákaflugi og í úrslitum í tölti og fjórgang á opnu íþróttamóti Þyts.
 

                                
Innilega til hamingju með flottan árangur.





Að venju veittu Samtök Hrossabænda í A.-Hún ræktendum í félaginu viðurkenningar fyrir hæst dæmdu kynbótahrossin.  

Viðurkenningar kynbótahrossa:

Hryssur

4 vetra
Telma frá Steinnesi
F. Kiljan frá Steinnesi
M. Sunna frá Steinnesi
B: 7,91  H: 8,14  A: 8,05
Ræktandi: Magnús Jósefsson
Eigandi: Helga Una Björnsdóttir
Sýnandi: Helga Una Björnsdóttir

5 vetra 
Þórdís frá Skagaströnd
F. Þóroddur frá Þóroddsstöðum
M. Þjóð frá Skagaströnd
B: 8,14  H: 8,03  A: 8,07
Ræktandi: Þorlákur Sveinsson
Eigendur: Þorlákur Sveinsson og Gangráður ehf.
Sýnandi: Guðmundur Friðrik Björgvinsson

6 vetra
Hvöt frá Blönduósi
F. Orri frá Þúfu í Landeyjum
M. Hríma frá Hofi
B:  8,26  H: 7,94  A: 8,07
Ræktendur: Tryggvi Björnsson og Ásgeir Blöndal
Eigandi: Ingolf Nordal
Sýnandi: Þorvaldur Árni Þorvaldsson
 

7 vetra og eldri
Staka frá Steinnesi
F. Topar frá Kjartansstöðum
M. Brana frá Steinnesi
B: 7,98   H: 8,39   A: 8,23
Ræktandi og eigandi: Jósef Magnússon
Sýnandi:  Tryggvi Björnsson

Stóðhestar

4 vetra
Besti frá Upphafi
F. Akkur frá Brautarholti 
M. Ræsa frá Blönduósi
B: 8,03   H: 8,03   A: 8,03
Ræktandi og eigandi:  Hjálmar Þór Aadnegard
Sýnandi:  Tryggvi Björnsson

Tryggvi og Besti í janúar 2013

6 vetra  
Hausti frá Kagaðarhóli
F. Stáli frá Kjarri
M. Gyðja frá Glúmsstöðum 2
B: 8,24  H: 8,34   A: 8,30
Ræktendur og eigendur: Guðrún J. Stefánsdóttir og Víkingur Gunnarsson
Sýnandi: Mette Camilla Moe Mannseth

Hausti frá Kagðarhóli og Gísli Gíslason

7 vetra og eldri 
Kompás frá Skagaströnd
F.  Hágangur frá Narfastöðum 
M. Sunna frá Akranesi
B: 8,56   H: 8,18    A:  8,33
Ræktandi og eigandi:  Sveinn Ingi Grímsson
Sýnandi: Guðmundur Friðrik Björgvinsson

Sölufélagsbikarinn fær  hæst dæmda hryssa á héraðsýningu í Húnaþingi í eigu heimamanns. 

Vigur frá Hofi 
F. Geisli frá Sælukoti
M. Varpa frá Hofi
B: 7,89  H: 8,04   A: 7,98
Ræktendur:  Eline Manon Schrijver og Jón Gíslason
Eigandi: Ásdís Brynja Jónsdóttir
Sýnandi:  Tryggvi Björnsson

Ásdís og Vigur á Fákaflugi 2013

Búnaðarbankabikarinn fær hæst dæmdi stóðhestur á héraðssýningu í Húnaþingi í eigu heimamanns.

Hausti frá Kagaðarhóli
F.  Stáli frá Kjarri
M. Gyðja frá Glúmsstöðum 2
B: 8,24  H: 8,34   A: 8,30
Ræktendur og eigendur: Guðrún J. Stefánsdóttir og Víkingur Gunnarsson
Sýnandi: Mette Camilla Moe Mannseth

Fengsbikarinn - bikar sem gefinn var til minningar um Guðmund Sigfússon frá Eiríksstöðum og veittur er hæst dæmda kynbótahrossi í eigu heimamanns.  

Kompás frá Skagaströnd
F.  Hágangur frá Narfastöðum 
M. Sunna frá Akranesi
B: 8,56   H: 8,18    A:  8,33
Ræktandi og eigandi:  Sveinn Ingi Grímsson
Sýnandi: Guðmundur Friðrik Björgvinsson

 

Bikar til minningar um Magnús Blöndal frá Skagaströnd
Gefinn af Sveini Inga Grímssyni og fjölskyldu til minningar um Magnús Blöndal. Er hann veittur hæst dæmda 4 vetra stóðhesti úr Austur-Húnavatnssýslu.         

Besti frá Upphafi
F. Akkur frá Brautarholti 
M. Ræsa frá Blönduósi
B: 8,03   H: 8,03   A: 8,03
Ræktandi og eigandi:  Hjálmar Þór Aadnegard
Sýnandi:  Tryggvi Björnsson

 
Ræktunarbú  2013 : Leysingjastaðir í Húnavatnshreppi
Ábúendur á Leysingjastöðum: Hreinn Magnússon og Hjördís Jónsdóttir

Á árinu 2013 var glæsihesturinn Freyðir frá Leysingjastöðum áberandi, gerði það mjög gott á keppnisvellinum ásamt knapa sínum Ísólfi Líndal Þórissyni. Á Fjóðungsmóti á Kaldármelum unnu þeir B-flokki gæðinga með einkunina  9,01. Ísólfur og Freyðir gerðu það líka gott á  Íslandsmóti í Borgarnesi en þar uður þeir í 5.-6. sæti í tölti með einkunina 8,28  eftir að hafa unnið sig upp úr B-úrslitum. Þeir kepptu einnig í fjórgangi og urðu í 5. sæti með einkunina 8,0.

        
                                            Freyðir og Ísólfur (myndir teknar af heimasíðu Lækjamóts)                                      

Hreinn og Hjördís hafa stundað hrossarækt í áratugi og mörg góð hross komið frá þeim, má þar meðal annars nefna Stíganda og Sindra Stígandason.

Sindri og Ísólfur (mynd af heimasíðu Lækjamóts)      Stígandi, myndir www.stigandi.us

Til hamingju Leysingjastaðir.

Skráning er hafin fyrir námskeið vorannar

Áætlað er að námskeið hefjist um miðjan janúar, boðið verður upp á námskeið í Knapamerkjum 1-5 og almenn reiðnámskeið fyrir börn yngri en 12 ára (fyrir vana og óvana).

Vinsamlegast sendið skráningarupplýsingar á netfangið neisti.aeska@gmail.com þar sem fram kemur nafn, kennitala og námskeið sem óskað er eftir. Skráningu lýkur föstudaginn 13. desember 2013.

Æskulýðsnefndin stefnir á að bjóða upp á styttri námskeið á önninni, fylgist með á www.neisti.net

Hestamenn sem óska eftir sérstökum námskeiðum eru beðnir um að koma því á framfæri við nefndina.

Fyrir hönd Neista

Æskulýðsnefnd

Mótanefnd mun halda fund næstu daga hvar farið verður yfir mót vetrarins.  Í vor óskuðum við eftir hugmyndum frá fólki og eins ef að það hefði einhverjar óskir varðandi mótahaldið.  Nokkrar tillögur skiluðu sér og viljum við þakka fyrir það.  Ef að einhverjir vilja bæta við það þá endilega skilið því inn til Höskuldar í netfangið hundar@internet.is og svo má alltaf hringja líka í síma 894-8710.

kv

Mótanefnd

Uppskeruhátíð búgreinafélaganna í Austur-Húnavatnssýslu og hestamanna verður haldin laugardaginn 23. nóvember næstkomandi í Húnaveri. Húsið opnað klukkan 19:30 með fordrykk í boði SAH Afurða og borðhald hefst klukkan 20:30. Trukkarnir leika fyrir dansi.

Miðapantanir verða hjá eftirtöldum:

Aðalbjörgu og Ragnari s: 452 4663 / 868 4917 / 893 0466

Kristínu Jónu og Val s: 452 4506 / 846 8745 / 867 9785

Gróu og Sigga s: 452 4958 / 892 7192 / 863 4577

Jónu Ólafs s: 897 8216

Miðar verða seldir á staðnum (Posi).

Skráningu lýkur sunnudagskvöldið 17. nóvember.

Sætaferðir eru áætlaðar frá N1 kl. 19:15 ef næg þátttaka fæst. Þau sæti skulu pöntuð um leið og miðar.

Aðalfundur Samtaka Hrossabænda í A- Hún verður haldinn í Sjálfstæðissalnum á Blönduósi fimmtudaginn 7.nóvember 2013 og hefst stundvíslega kl. 20:30
Dagskrá:
Venjuleg aðalfundarstörf

Samtök Hrossabænda í A-Hún

Uppskeruhátíð búgreinafélaga A-Hún. og hestamannafélagsins Neista verður haldin laugardaginn 23. nóvember n.k.

Takið daginn frá.
Nánar auglýst síðar.

Nefndin.

Búið er að uppfæra síðuna "Stjórn og nefndir Neista" hér til hægri.

Ný netföng hafa verið tekin í notkun hjá hestamannafélaginu.

Það almenna er: heneisti@gmail.com

og hjá æskulýðsnefnd: neisti.aeska@gmail.com

Góð þátttaka var á bíókvöld æskulýðsnefndar um daginn en þar var horft á Afmælissýningu Neista sem var sl. vor en Sveinn í Plúsfilm tók sýninguna upp á myndband.
Framhaldsskólaunglingarnir komu saman í heimahúsi og höfðu gaman af að hittast en yngri krakkarnir komu saman uppí Reiðhöll og fengu popp og djús og höfðu líka gaman af því að hittast og horfa á sig á hestbaki.

Endilega hafið samband ef áhugi er að kaupa diskinn af Afmælissýningunni á netfang Neista heneisti@gmail.com Verð kr. 1.500.
Einnig er Stórsýning Húnvetnskra Hestamanna síðan 2009 til á diski, verð kr. 500.