Aðalfundur Hestamannafélagsins Neista

02.02.2024 21:35

Þrígangur - úrslit

Fyrsta mót vetrarins var í gær og tókst frábærlega, margt um mann og hesta í höllinni.

Pollarnir Sveinbjörn Óskar á Tangó og Camilla Líndal á Hriflu hófu mótaröð vetrarins með nokkrum góðum hringjum, aldeilis vel ríðandi.

Barnaflokkur:

1. Halldóra Líndal- Regína frá Kjalarlandi - 6

2. Thelma Rún- Eldur frá Hnausum II - 5.833

3. Katrín Sara- Kólfur frá Reykjum - 5.333

4. Margrét Viðja- Roland frá Gýgjarhóli 2- 5.167

5. Rakel Ósk- Órator frá Blönduósi - 5

Unglingaflokkur:

1. Salka Kristín- Gleði frá Blönduósi - 6.5

2. Þórey Helga- Prinsessa frá Sveinsstöðum - 6.167

3. Þóranna Martha- Fákur frá Árholti - 5.333

4. Kristín Erla- Sónata frá Sauðanesi - 5.167

5. Hera Rakel- Ljósfari frá Grænuhlíð - 3.333

2. flokkur:

1. Guðrún Tinna- Toppur frá Litlu-Reykjum - 6.333

2-3. Katharina- Dadda frá Leysingjastöðum- 6.167

2-3. Hafrún Ýr- Gjöf frá Steinnesi - 6.167

4. Kristín Jósteinsdóttir- Garri frá Sveinstöðum- 5.667

5. Kristín Birna- Sóldögg frá Naustum III - 5.333

1. flokkur:

1. Elvar Logi- Magdalena frá Lundi - 7.167

2. Guðrún Rut- Rebekka frá Skagaströnd - 6.5

3. Hjördís Jónsd- Tristan frá Leysingjastöðum- 5.667

4. Halla María- Henrý frá Kjalarlandi - 5.333

Skrifað af Selma

23.01.2024 10:22

1. mót vetrarins

VILKÓ MÓTARÖÐ NEISTA ÞRÍGANGUR

Þann 1. febrúar kl. 18:00 verður fyrsta mót vetrarins haldið og ætlum við að halda þrígang.

Keppt verður í:

Fullorðinsflokk- 1. flokk

Fullorðinsflokk- 2. flokk

Unglingaflokk

Barnaflokk- tvígangur

Pollaflokk

Í þrígangsprógrammi verður sýnt tölt, brokk og stökk.

Í barnaflokki verður keppt í tvígang sem er tölt eða brokk, og fet.

Pollaflokkurinn verður svo eins og vant er.

Skráning fer í gegnum https://www.sportfengur.com/#/home

Ákveðið hefur verið að hafa fyrsta mót vetrarins frítt og hvetjum við alla til þess að koma og vera með.

Skrifað af Selma

09.01.2024 12:30

Námskeið með Bjarka Þór

Þann 17. febrúar ætlar Bjarki Þór Gunnarsson að koma til okkar og vera með einkatíma fyrir félagsmenn. Það eru ekki endalaus pláss svo fyrstur kemur fyrstur fær.

Tíminn kostar 8000kr og er 45 mínútur.

Skráninga frestur er til 1. febrúar.

Skráningu þarf að senda á [email protected]

Skrifað af Selma

08.01.2024 22:02

Vilkó Mótaröð Neista

1. febrúar - Þrígangur

7. mars - Fjórgangur

11. apríl - Tölt

27. apríl - Útimót

Frekari upplýsingar koma fyrir hvert mót.

Vilkó styrkir mótaröð vetrarins.

Skrifað af Selma

29.12.2023 20:15

Ung og efnileg

Íþróttamaður USAH árið 2023 var krýndur við hátíðlega athöfn í Íþróttamiðstöðinni á Blönduósi þann 28. desember, einnig fóru fram afhendingar á viðurkenningum fyrir Ungt og efnilega íþróttafólk.

Salka Kristín Ólafsdóttir var tilnefnd frá Hestamannafélaginu Neista.
Innilega til hamingju.

Sjá umfjöllun í nóvember "Viðurkenningar 2023"

Skrifað af Selma

29.12.2023 19:09

Íþróttamaður USAH 2023

Íþróttamaður USAH árið 2023 var krýndur við hátíðlega athöfn í Íþróttamiðstöðinni á Blönduósi þann 28. desember

Íþróttamaður USAH 2023 er Ásdís Brynja Jónsdóttir Hestamannafélaginu Neista
Innilega til hamingju með þennan flotta árangur.

Sjá umfjöllun í nóvember "Viðurkenningar 2023"

Skrifað af Selma

17.11.2023 05:50

Viðurkenningar 2023

Uppskeruhátíð 2023

Uppskeruhátíð húnvetnskra bænda og hestamanna var haldin 11. nóvember sl.

Hestamannafélagið tilkynnti á hátíðinni hverjir hlutu viðurkenningarnar knapar ársins og sjálfboðaliði ársins.

Ásdís Brynja Jónsdóttir er knapi ársins í eldri flokkum.

Ásdís Brynja og Hátíð frá Söðulsholti

Ásdís Brynja gerði það virkilega gott á keppnisvellinum á árinu. Hún var staðsett á suðurlandi og keppti því aðallega þar sem félagi Neista. Hún keppti á Hátíð frá Söðulsholti en hryssan er í eigu Ásdísar.

Þær stöllur voru duglegar að keppa og tóku þátt í mörgum WR mótum. Þær kepptu t.d. í gæðingaskeiði PP1 í 1 flokk á WR Suðurlandsmóti Geysis og enduðu í 3 sæti. Á WR móti Sleipnis kepptu þær í fimmgangi F2 og lentu í 8 sæti og á WR íþróttamóti Geysis kepptu þær í fimmgangi F2 og enduðu í 10 sæti. Einnig tóku þær þátt í Parafimi í suðurlandsdeildinni og enduðu í 7. sæti.

Þetta er aðeins brot af keppnis árangri þeirra Hátíðar en þær stóðu sig virkilega vel á síðasta keppnisári og verður gaman að fylgjast með þeim í framtíðinni.

Innilega til hamingju með flottan árangur!

Salka Kristín Ólafsdóttir er knapi ársins í yngri flokkum.

Salka Kristín og Gleði frá Skagaströnd

Salka gerði það gott í keppni á síðastliðnu ári en má þar helst nefna að hún keppti á Unglingalandsmótinu á Sauðárkróki og stóð sig virkilega vel. Salka keppti í fjórgangi V2 og tölti T3 á merinni Gleði frá Skagaströnd og enduðu þær í 7. sæti í fjórgangi með einkunnina 5,53 og 4. sæti í tölti með einkunnina 5,78

Salka var dugleg að keppa en hún tók þátt í Skagfirsku mótaröðinni, mótaröð Þyts, kvennatölti Líflands auk þess sem hún tók þátt í öllum mótum sem Neisti hélt síðastliðinn vetur og stóð hún sig vel allstaðar þar sem hún keppti.

Salka Kristín hefur verið dugleg að sækja námskeið á vegum félagsins og núna síðast tók hún Knapamerki 2 og lauk því prófi í vor. Salka stundar hestamennskuna af miklum áhuga og sjáum við miklar framfarir hjá henni frá ári til árs, bæði á námskeiðum og í keppnisbrautinni.

Innilega til hamingju með flottan árangur.

Sonja Suska er sjálfboðarliði ársins.

Sonja og Andvari

Sonja hefur lengi unnið óeigingjarnt starf fyrir hestamannafélagið og verið í nefndum en hún toppaði sig algjörlega síðasta vetur þegar hún kom inn í æskulýðsnefndina og sá um að skipuleggja það frábæra æskulýðsstarf sem við vorum með síðasta vetur. Það krefst mikillar vinnu að halda utan um allt það skipulag sem fylgir svona námskeiðum og þeim fjölda þátttakenda sem sóttu námskeiðin. Sonja er mjög metnaðargjörn þegar kemur að þessu starfi og er vel að þessum tiltli komin!

Skrifað af Selma

15.11.2023 18:07

Reiðnámskeið veturinn 2024

Námskeiðin eru auglýst með fyrirvara um næga þátttöku. Hópaskiptingar verða auglýstar að loknum síðasta skráningardegi á heimasíðu Neista, www.neisti.net.

Kennarar: Guðrún Rut Hreiðarsdóttir, Sigríður Vaka Víkingsdóttir

Skráning fer fram hér https://forms.gle/wkU5MqbXnmfuQpGt6 fyrir 01.12.2022.

Almennt reiðnámskeið fyrir börn - 1x í viku

Áhersla lögð á ásetu og stjórnun hestsins og aukið sjálfstæði í umgengni við hestinn og að nemandi nái góðu og traustu sambandi við hestinn sinn. Þátttakendum kennt að greina mun á gangtegundum. Leikir og þrautir á hestbaki. Þátttakendum verður skipt í hópa eftir aldri og getu.

Námskeiðið hefst í lok janúar og lýkur í lok apríl.

Verð: 15.000kr

__________________________________________________________________________

Almennt reiðnámskeið fyrir fullorðna - 1 x í viku

Almenn reiðnámskeið fyrir fullorðin sem eru að byrja í hestamennsku eða hafa misst kjarkinn. Áhersla lögð á ásetu og stjórnun hestsins og aukið sjálfstæði í umgengni við hestinn og að nemandi nái góðu og traustu sambandi við hestinn sinn. Þátttakendum kennt að greina mun á gangtegundum. Þátttakendum verður skipt í hópa eftir getu.

Námskeið hefst í lok janúar og lýkur í lok apríl.

Verð: 20.000 kr. Utan félags, verð: 25.000 kr.

___________________________________________________________________________

Pollanámskeið - 3 skipti í mánuði

Ætlað fyrir yngri börn. Lögð verður áhersla á jafnvægi á hestbaki og grunnstjórnun hestsins í gegnum leiki og þrautir. Þátttakendum verður skipt í hópa eftir aldri og getu. Foreldrar/aðstoðarmenn teyma undir þeim börnum sem ekki eru tilbúin að stjórna sjálf.

Kennt verður 1 sinni í viku, þrisvar í mánuði.

Námskeið hefst í byrjun febrúar og lýkur í lok apríl .

Verð: 10.000 kr

_________________________________________________________________________

Námskeið fyrir lengra komna - 1x í viku

Almennt reiðnámskeið þar sem farið er í æfingar til að bæta hestinn. Bæta samspil knapa og hests. Þjálfa gangtegundir og undirbúningur fyrir keppni. Námskeið hefst í miðjan janúar og lýkur í lok apríl .

Verð fyrir félagsmenn Neista

börn: kr. 20.000 fullorðin: kr. 30.000

Knapamerki 1

Fyrirkomulag:

byrjar í kringum 10. janúar
1x í viku
verklegt próf ekki seinna en um miðjan maí
8-10 bóklegir tímar og 18-20 bóklegir tímar

Sjá má frekari upplýsingar um knapamerki á síðunni www.knapamerki.is

Verð fyrir félagsmenn Neista

börn: kr. 25.000

fullorðin: kr. 35.000

___________________________________________________________________________

Knapamerki 2

Fyrirkomulag:

byrjar í kringum 10. janúar
1x í viku
bæta tímum við eftir þörfum frá apríl
verklegt próf ekki seinna en um miðjan maí
8-10 bóklegir tímar og 28-30 verklegir tímar

Sjá má frekari upplýsingar um knapamerki á síðunni www.knapamerki.is

Verð fyrir félagsmenn Neista

börn: kr. 30.000

fullorðin: kr. 40.000

___________________________________________________________________________

Knapamerki 3

Fyrirkomulag:

byrjar í kringum 10. janúar
2x í viku
verklegt próf ekki seinna en um miðjan maí
16-20 tímar bóklegt og 35-40 tímar verklegt

Sjá má frekari upplýsingar um knapamerki á síðunni www.knapamerki.is

Verð fyrir félagsmenn Neista

börn: kr. 35.000

fullorðin: kr. 45.000

Æskulýðsnefnd

Skrifað af Selma

16.06.2023 20:21

Félagsmóti Neista frestað

Vegna dræmrar þáttöku hefur Félagsmóti Neista verið frestað um óákveðinn tíma.

Þeir sem hafa nú þegar greitt skráningargjöld hafi samband við Selmu gjaldkera og hún gengur frá endurgreiðslu.

Skrifað af Hafrún

12.06.2023 16:03

Félagsmót Neista 2023

Félagsmót Neista verður haldið 17. júní næstkomandi klukkan 10:00.
Um er að ræða Opið mót

Keppt verður í eftirfarandi flokkum:

A-flokkur gæðinga

B-flokkur gæðinga

Ungmennaflokkur

Unglingaflokkur

Barnaflokkur

Pollaflokkur (Teymt undir)

Skráningar skuli berast fyrir miðnætti þriðjudaginn 13. júní á sportfeng

Mótanefnd áskilur sér rétt til að sameina eða fella niður flokka ef ekki næst næg þátttaka

Skráningargjald er 3500 krónur

Upplýsingarnar varðandi greiðslu og staðfestingarpóst sem koma upp í sportfeng eru ekki réttar!
(við erum að vinna í að breyta þessu)

Millifæra skal skráningargjald inná reiknisnúmer:

0307 - 26 - 055624
Kt: 480269-7139

Staðfestingu á greiðslu skal senda á emailið [email protected]

Nánari upplýsingar um dagskrá kemur síðar

Skrifað af Hafrún

22.04.2023 13:24

Tölt - úrslit

Tölt 19. apríl, enn einn góði dagurinn í reiðhöllinni. Takk allir sem að þessu komu. Vel heppnað.

Úrslit kvöldsins voru eftirfarandi:

POLLAFLOKKUR

Kristrún Ýr Jónsdóttir – Vinur (Galsi frá Leirum) og Aron Freyr Friðriksson – Ólympía frá Breiðstöðum

BARNAFLOKKUR

1. Heiðdís Harpa Ármannsdóttir - Flauta frá Laugardal, 11v - 5,5

2. Margrét Viðja Jakobsdóttir - Róland frá Gýgjarhóli 2, 14v - 5,25

3. Haraldur Bjarki Jakobsson - Tara frá Hala, 20v - 4,5

4. Sveinn Óli Þorgilsson - Glæsir frá Steinnesi, 21v - 4,5

5. Rakel Ósk Kristófersdóttir - Stika frá Blönduósi, 15v - 3,75

6. Thelma Rún Sigurbjörnsdóttir - Móses frá Reykjarhóli, 22v - 3,5

UNGLINGAFLOKKUR

1. Sunna Margrét Ólafsdóttir - Píla frá Sveinsstöðum, 16v - 6,25

2. Salka Kristín Ólafsdóttir - Gleði frá Skagaströnd, 10v - 6,0

3. Harpa Katrín Sigurðardóttir - Smekkur frá Höskuldsstöðum, 15v - 5,5

4. Inga Rós Suska - Feykir frá Stekkjardal, 17v - 5,25

5. Kristján Freyr Hallbjörnsson - Flipi frá Gilsstöðum, 11v - 5,0

6. Hera Rakel Blöndal - Fursti frá Hafnarfirði, 14v - 4,75

7. Kristín Erla Sævarsdóttir - Sónata frá Sauðnesi, 12v - 4,75

8. Jóhanna María Einarsdóttir - Strönd frá Snjallsteinshöfða 2, 20v - 4,25

ANNAR FLOKKUR

1. Jakob Víðir Kristjánsson - Hnokkadís frá Stóradal, 7v - 6,5

2. Lilja María Suska - Sóldögg frá Röðli, 12v - 6,25

3. Una Ósk Guðmundsdóttir - Slaufa frá Sauðanesi, 12v - 6,25

4. Guðmundur Sigfússon - Ólga frá Blönduósi, 6v - 6,0

5. Tina Niewert - Skuggabjörg frá Hólshúsum, 9v - 6,0

OPINN FLOKKUR

1. Jón Kristófer Sigmarsson - Engey frá Hæli, 6v - 6,2

2. Hörður Ríkharðsson - Þrá frá Þingeyrum, 9v - 5,8

3. Hjörtur Karl Einarsson - Stefna frá Hnjúkahlíð, 12v - 5,8

4. Eline Schrijver - Klaufi frá Hofi, 12v - 5,7

5. Berglind Bjarnadóttir - Eðall frá Steinnesi, 6v - 5,3

Skrifað af Selma

17.04.2023 11:10

Afmælissýningin

Afmælissýning tókst frábærlega vel!

Hestamannafélagið Neisti var stofnað 1943 í Dalsmynni. Stofnendur voru 40 talsins. Guðbrandur Ísberg var formaður í 29 ár en núverandi formaður er Hafrún Ýr Halldórsdóttir
Í vetur var ákveðið að fagna 80 ára afmælinu og halda afmælissýningu sem haldin var sunnudaginn 16. apríl. Sýning tókst með eindæmum vel og veðrið var frábært.

Dagskráin var fjölbreytt og samanstóð af börnum og unglingum að uppskera vetrarstarfið, hjónum, systrum, fjölskyldum og öðru frábæru fólki.

Hestamannafélagið bauð nágrönnum okkar hjá Þyt að koma og vera með og þau þáðu það. Þau komu með skemmtilegu hestafimleikasýninguna sína en þau fagna 15 ára afmæli í ár.
Við þökkum þeim kærlega fyrir að koma og vera með okkur þennan dag.

Eftir sýninguna var mikil kaffi- og kökuveisla og nægur tími fyrir spjall.

Stjórn hestamannafélagins vill koma á framfæri þakklæti til allra sem komu að þessari sýningu á einn eða annan hátt.
Án þátttakanda og áhorfanda er auðvitað engin sýning. Án fólksins sem stendur á bakvið sýninguna er engin sýning og án fólksins sem starfar á sýningunni er engin sýning.
Bestu þakkir til ykkar allra.

Hér að neðan eru nokkrar myndir frá sýningunni sem Guðrún Tinna Rúnarsdóttir tók.

Sýningin rétt að byrja

Konurnar í fánareiðinni

Hofshjónin

Sólin og Skýin undir stjórn Tinu Niewert

Glimmerdrottningarnar undir stjórn Tinu

Hestafimleikarnir hjá Þyt

Pétur Pan undir stjórn Sonju Suska

Ólafsdætur

2x systur

Faðir brúðarinnar (x2) og blómastúlkan

Svartir klárar

Afmæliskakan

Afmælisgestir

Skrifað af Selma