Þá er komið að því, kvennareiðin verður sunnudaginn 16. júní næstkomandi, svo nú er bara að drífa sig með.
Lagt verður af stað stundvíslega kl. 16 frá Húnsstöðum og endað í grilli og gamani á Þingeyrum.

Gjaldið er 3500 kr á konu og þemað er skærir litir.

Vinsamlegast skráið ykkur í síðasta lagi miðvikudaginn 12. júní hjá nefndarkonum.

Nú er um að gera að eiga skemmtilega stund í góðum félagsskap.

Athugið!! Ef veðurspá er ekki góð, vinsamlegast fylgist þá með á neisti.net.

Nefndin:

Elín Rósa                 s: 893 4685
Jóhanna Stella         s: 773 4012 / 868 1331
Magdalena               s: 694 3392
Marjolyn                   s: 863 5839
Sonja                       s: 616 7449

Vetrarstarfi æskulýðsnefndar lauk 4. júní með uppskeruhátíð barna og unglinga sem voru á námskeiðum hjá hestamannafélaginu Neista í vetur.

Í haust þegar æskulýðsnefnd kom saman var ákveðið að reyna að gera eitthvað meira fyrir æskulýðsstarfið þar sem það var afmælisár framundan. Æskulýðsnefndin ákvað því, ásamt formanni Neista, að leitast við að fá styrki hjá fyrirtækjum og stofnunum hér á svæðinu til að styrkja starfið. Fengum við góða styrki og var farið af stað í veturinn með það að leiðarljósi að gera vel við börnin okkar og unglingana. Við fengum til liðs við okkur frábæran reiðkennara, Sonju Noack, en hún var við tamningar á Þingeyrum en kom til Blönduóss 3x í viku og kenndi öllum börnum, unglingum og þeim fullorðnu hjá félaginu. Einnig kenndi hún öll bókleg námskeið í knapamerki 1,2,3 og 4 og luku allir bóklegu prófi ásamt því að þeir nemendur sem voru í knapamerki 1, 2, og 4 luku verklegu prófi. Í knapamerki 1 voru 7 börn, í knapamerki 2 voru 8 unglingar en 2 af þeim tóku líka próf í knapamerki 1. Í knapamerki 3 voru 3 en þau taka próf næsta vor og í knapamerki 4 var 1 unglingur sem lauk líka prófi en 4 stigið var kennt hér í fyrsta skipti. Aldeilis frábært hjá þeim öllum, til hamingju.

Það var mikil aukning á námskeið í vetur hjá byrjendum en þar þar voru 8 börn á aldrinum 2ja til 5 ára,  en alls voru 21 barn, yngra en 12 ára, á námskeiðum en sum þeirra eru auðvitað búin að vera á námskeiðum í mörg ár.

Það er hins vegar erfitt að koma einhverju öðru við en námskeiðum og mótahaldi hjá krökkunum yfir vetrartímann því þau eru upptekin í mörgum öðrum íþróttum. Ásamt því að koma 1x í viku á námskeið tóku mörg hver þátt í Grunnskólamóti og Mótaröð Neista þar sem þau stóðu sig með miklum sóma. Boðið var uppá Töltfiminámskeið með Trausta Þór um miðjan janúar þar sem nokkrir unglingar tóku þátt og höfðu gott og gaman af. Eftir knapamerkjapróf hófust svo stífar æfingar hjá öllum hópum fyrir Afmælishátíðina þar sem 50 börn og unglingar tóku þátt í hinum ýmsu skemmtilegu atriðum.

Uppskeruhátiðin tókst frábærlega. Frábær mæting var bæði af börnum og foreldrum.
Það var hávaðarok en þeir krakkar sem ætluðu í útreiðartúrinn ákváðu bara að fara í reiðtúr inni í Reiðhöllinni og það var bara skemmtilegt hjá þeim, þau skiptu um hesta og riðu berbakt svo eitthvað sé nefnt. 

Jóhanna Björk og Funi..... það þarf ekki hnakk á hann :)

Eftir "reiðtúrinn" var efnt til grillveislu .....

Gulla og Erna í grillinu....

og Jón Ragnar og Inga Sóley á pylsunum ....

og síðan voru viðurkenningarskjöl, knapamerkjaskíreini og smágjafir afhentar.

Jóhanna og Selma veita viðurkenningarskjöl

og smágjafir :)

Þær Lilja María Suska og Sólrún Tinna Grímsdóttir fengu viðurkenningar fyrir verkleg próf en Lilja var hæst í verklegu prófi í knapamerki 1 með 9.7 og Sólrún Tinna hæst í knapamerki 2 með 9,1. Glæsilegt hjá þessum ungu stúlkum. Til hamingju með það.

Í vetur voru 40 börn og unglingar á námskeiðum sem er mikið miðað við ekki stærra félag. Æskulýðsstarf Neista er í blóma og mikið og frjótt starf er unnið þar á ári hverju. Það má örugglega þakka áhuga og elju duglegra foreldra að þetta starf er eins gott og raun ber vitni. Margir þessara foreldra keyra börnin sín langan veg á námskeið í Reiðhöllina á Blönduósi í hverri viku, allan veturinn.

Æskulýðsnefnd vill þakka öllum þeim sem hönd lögðu á plóginn í æskulýðsstarfinu í vetur, Sonju fyrir skemmtilega og frábæra kennslu og foreldrum fyrir gott samstarf. Einnig vill hún þakka þeim fyrirtækjum og stofnunum sem studdu æskulýðsstarfið fyrir frábæran stuðning með von um áframhaldandi velvilja. Ekki má gleyma Reiðhöllinni sem er notuð allan veturinn og án hennar ættum við ekki svona frábært og skemmtilegt vetrarstarf en æskulýðsstarfið fékk frían aðgang í hana í allan vetur. Með öllum þessum styrkjum gat félagið gefið öllum börnum og unglingum námskeiðgjald vetrarins og er það vel á afmælisári. Stefnan er að halda áfram skemmtilegu starfi sem stuðlar að samveru fjölskyldunnar, þannig að bæði börn og foreldrar hafi gagn og gaman af.

Æskulýðsnefnd

Uppskeruhátíð hjá krökkunum sem voru á námskeiðum hjá Neista
í vetur verður þriðjudaginn 4. júní.

Farið verður í reiðtúr frá Reiðhöllinni Arnargerði kl. 18.00.
Grillað um kl. 19.00

Allir velkomnir: pabbar og mömmur, bræður, systur, afar og ömmur, frænkur og frændur og allir aðrir.
Gerum skemmtilegan dag með krökkunum okkar.

Góður dagur hjá þeim fullorðnu í knapamerki 1 og 4 í gær en þau héldu sína uppskeruhátið.
Þau fóru í góðan reiðtúr.....

Kristján, Magnús, Guðmundur, Elín Ósk, Sigríður Sif, Sigríður Bjarney, Hrafnhildur og Sonja reiðkennari.

Hjörtur Karl formaður grillaði .....

og Sonja Noack reiðkennari afhenti þeim skírteinin sín.
Hér tekur Guðmundur Sigfússon við sínu prófskírteini en hann tók glæsilegt próf í knapamerki 4. Var með 9,1 í einkunn.

Kolbrún Ágústa Guðnadóttir var hæst í knapamerki 1 en átti ekki heimangengt en eins og gengur komast ekki alltaf allir á uppskeruhátíðir.
Það voru 5 konur sem luku prófum í knapamerki 1 og 5 sem luku prófum úr knapamerki 4, þar var sá yngsti 16 og sá elsti 67. Glæsilegir hópar.
Innilega til hamingju með prófin ykkar, frábært allt saman.

Frábær dagur í gær hjá hestamannafélaginu Neista þar sem 5 nemendur tóku próf í knapamerki 4 en það er í fyrsta skipti sem það er kennt hér á Blönduósi.
Kennari í vetur var Sonja Noack og prófdómari sem fyrr var Helga Thoroddsen, höfundur knapamerkjanna.

Knapamerkin hafa verið kennd hér á Blönduósi frá árinu 2007 eða strax og knapamerkjabækurnar voru gefnar út. Þá strax byrjuðu 4 unglingar sem kláruðu knapamerki 3 á þrem vetrum en fóru svo burtu í framhaldsnám. Aðsóknin hefur alltaf verið góð en fyrstu árin var einungis kennt upp í knapamerki 3 en þá fóru unglingarnir að heiman í framhaldsnám og því engir til að fara í síðustu 2 merkin. Nú í vetur voru hins vegar þeir fullorðnu sem hafa stundað nám í  knapamerkjum 1, 2 og 3 tilbúin til að fara í 4 og það gerðu 4 fullorðnir og 1 unglingur sem kláraði líka knapamerki 3 í fyrra. Þau ætluðu sér að taka knapamerki 4 á tveim árum en ákváðu á vordögum að vinna vel í vor og fara í próf sem þau og gerðu og náðu öll. Frábær árangur hjá þeim, sá elsti er 67 ára og sá yngsti 16 svo á þessu má sjá hve breiður hópur stundar hestamennsku saman, það skiptir ekki máli á hvaða aldri maður er og hvenær maður byrjar.

Innilega til hamingju og innilegar þakkir til Sonju Noack sem kenndi öll knapamerkin í vetur ásamt öðrum námskeiðum.
 

Hér eru próftakarnir Magnús Ólafsson, Hrafnhildur Björnsdóttir, Sigríður B. Aadnegard, Kristján Þorbjörnsson og Guðmundur Sigfússon ásamt Sonju Noack reiðkennara og Helgu Thoroddsen prófdómara.

Kynbótasýning hrossa hefst á Hvammstanga fimmtudaginn 23. maí kl 9:00

Yfirlitssýning verður föstudaginn 24. maí og hefst kl 9:30                                        

Röð knapa
                                       
                Fimmtudagur 23. maí kl 9:00                        
        1        James Bóas Faulkner                        
        2        Elvar Logi Friðriksson                        
        3        Fanney Dögg Indriðadóttir                        
        4        Ísólfur Líndal Þórisson                        
        5        Hulda Jónsdóttir                        
        6        James Bóas Faulkner                        
        7        Elvar Logi Friðriksson                        
        8        Fanney Dögg Indriðadóttir                        
        9        Ísólfur Líndal Þórisson                        
        10        James Bóas Faulkner                        
                                       
                Fimmtudagur 23. maí kl 13:00                        
        1        Tryggvi Björnsson                        
        2        Fanney Dögg Indriðadóttir                        
        3        Elvar Logi Friðriksson                        
        4        Ísólfur Líndal Þórisson                        
        5        James Bóas Faulkner                        
        6        Tryggvi Björnsson                        
        7        Elvar Logi Friðriksson                        
        8        Herdís Einarsdóttir                        
        9        Ísólfur Líndal Þórisson                        
        10        James Bóas Faulkner                        
        11        Tryggvi Björnsson                        
                                       
                Fimmtudagur 23. maí kl 16:00                        
        1        Tryggvi Björnsson                        
        2        James Bóas Faulkner                        
        3        Svavar Halldór Jóhannsson                        
        4        Herdís Einarsdóttir                        
        5        Tryggvi Björnsson                        
        6        Ólafur Magnússon                        
        7        James Bóas Faulkner                        
        8        Svavar Halldór Jóhannsson                        
        9        Tryggvi Björnsson                        

Félagsmót Hestamannafélagsins Neista verður haldið laugardaginn 15 júní nk. jafnframt er mótið úrtaka fyrir Fjórðungsmót en Neisti hefur rétt á því að senda 4 fulltrúa úr hverjum flokki.   Nánar auglýst síðar !!

Mótanefnd

Þeir voru auðvitað báðir mættir á sýninguna og voru glæsilegir.



Þennan texta fegnum við frá Magnúsi eldri:

"Magnús Ólafsson eldri er nú 67 ára og er sá elsti, sem tekur þátt í reiðnámskeiði á vegum Neista í vetur. Hann byrjaði fyrir 4 árum að taka þátt í knapamerkjanámskeiðum og stefnir á að taka próf  4 stigs í vor. Ástæðan fyrir að Magnús byrjaði var áskorun Helgu á Þingeyrum sem taldi að hann gæti skánað til muna sem reiðmaður og staðreyndin er sú að árið áður en hann byrjaði í knapamerkjanáminu þá 63 ára gamall,  tók Magnús þátt í sínu fyrsta móti í hestaíþróttum. Þá var hann í einu af neðstu sætunum, en hefur síðan verið að smá bæta sig og í vetur vann hann stigakeppnina í áhugamannaflokk Neista.

Trúlega mun nú þurfa að teyma eitthvað lengur undir Magnúsi yngri en hver veit nema hann verði bráðum farinn að hjálpa afa. Allavega virðist áhuginn vera mikill enn sem komið er og ekki er ótrúlegt að þeir eigi oft eftir að fara saman á hestbak meðan heilsa endist hjá þeim gamla.

Að lokum þetta sem sá eldri skrifaði á blað við skírn þess yngri.

Áfram lífið ávallt gengur
yl í hjarta finn
Þegar lítill ljúfur drengur
lítur afa sinn."

Dagskráin, sem hófst með fánareið 7 kvenna, var fjölbreytt og reynt var að hafa atriðin þannig að allir krakkarnir sem voru á námskeiðum í vetur gætu tekið þátt.

Þau minnstu voru að sjálfsögðu með sitt eigið strumpaatriði og foreldrar teymdu undir. Yfirstrumpur var Sonja en Sigurlaug Markúsdóttir sá um búninga.



Trðúðarnir komu á eftir og fóru í þrautabraut, fóru létt með það og sýndu vel hvað þau eru flinkir knapar. Yfirtrúður var Sonja.




Klárhestar mættu á svæðið, Hestalistinn og Borðareið. Leikþátturinn Pétur Pan, Kúrekar og Indíánar háðu keppni þar sem indíánar unnu og fengu smá glaðning í verðlaun. Riddarar Merlins voru með mynsturreið og voru í þessum flottu skykkjum sem Sigurlaug hannaði og saumaði. Heimasæturnar á Hofi mættu með Hofsdansinn og framhaldsskólakrakkarnir 3, sem hafa verið í mörg ár á námskeiðum hjá Neista bjuggu til sitt atriði ásamt 3 krökkum úr 10. bekk. 

Landsmótsfararnir í barna- og unglingaflokki mættu í verðlaunaafhendingu og voru flott að vanda. Ásdís mætti á Prímus, Sigurður Bjarni á Prinsessu og Haukur á Viðari. Flott.


Nemendur í knapamerki 4 komu og sýndu okkur hvað þau eru að læra og Sonja útskýrði það vel fyrir áhorfendum. Gaman að sjá og heyra.




Jóhanna Stella og Grímur á Reykjum voru með afkvæmasýningu á börnum sínum og á heimaræktuðum hrossum sem systkinin hafa tamið og/eða þjálfað að mestu leyti sjálf. Jóhanna og Grímur hafa keyrt krökkunum sínum niður á Blönduós á námskeið í Reiðhöllinni síðan 2002, eða 12 ár, en fyrstu námskeiðin voru haldin þann vetur og var þá strax mikil þátttaka.
Jóhanna segir í texta sem fylgdi atriðinu:

"Krakkarnir hafa verið með á námskeiðum frá því fyrsta námskeiðið var haldið hér veturinn 2002, en þá mætti Stefán Logi hingað og systkinin fylgdu með. Þegar frá leið fóru þau líka inn á völlinn. Þau eru því heimavön hér og lærði Ásdís Freyja ekki bara á hest hér heldur líka að ganga.
Fjölskyldan er sem sagt búin að keyra hingað niður á Blönduós samfleytt í 12 vetur til að sækja námskeið og keppa á mótum og á líklega eftir nokkra í viðbót.
Lopapeysurnar eru auðvitað einnig frá Reykjum, prjónaðar af húsmóðurinni, en ekkert annað kom til greina hjá afkvæmahópnum."

Auk þess að vera með börnin sín vikulega á námskeiðum í vetur og vera með þau í mörgum atriðum á sýningunni  þá tók Jóhanna að sér að búa til atriði og æfa þau fyrir þessa sýningu, sauma búninga og  hjálpa við að skipuleggja dagskrána. Margar, margar aukaferðir. Kærar þakkir fyrir.



Leikskólinn á Þingeyrum var með flott atriði en þar kom Sonja Noack, kennarinn okkar í vetur, á henni Önn frá Þingeyrum og teymdi þau tvíburasystkin Tuma Þumal og Þumallínu sem eru á 4. vetri. Þau eru lítil og krúttleg. Í lok atriðisins var Sonja kölluð fram og nafnarnir Magnús Ólafsson eldri og Magnús Ólafsson yngri veittu henni þakklætisvott frá öllum nemendunum sem voru á námskeiðum hjá henni í vetur. Hún kenndi allt frá byrjendum upp í knapamerki 4 en þar voru 5 nemendur. Það þarf mikið skipulag og mikla vinnu til að kenna og halda utan um svo marga nemendur á öllum aldri. Frábær kennari og takk fyrir veturinn.





Hestamannafélagið átti íþróttamann ársins 2012, auðvitað engan annan en Ólaf Magnússon og átti hann lokaatriðið á sýningunni. Hann kom að sjálfsögðu á eðalgæðingnum Gáska frá Sveinsstöðum. Ofboðslega flott par og gaman á þá að horfa.




Eftir sýninguna var mikil kaffi- og kökuveisla og nægur tími fyrir spjall.




Neistafélgar eru afar glaðir með daginn, það kom margt fólk að horfa á og njóta dagsins. Margir þátttakendur, á ýmsum aldri, tóku þátt og allir höfðu gaman af. Augljóslega mikið og gott starf sem unnið er í hestamannafélaginu og má það vera stolt af því hvað Neisti á marga glæsilega og flotta knapa og hesta.

Þeir sem að sýningunni stóðu þakka öllum kærlega fyrir, öllum sem tóku þátt, öllum sem komu, öllum sem hjálpuðu til og gerðu þennan dag mögulegan og skemmtilegan.

Hjálmar Ólafsson tók myndir og koma þær fljótlega inn í myndaalbúm.
Sveinn í Plúsfilm tók sýninguna upp á myndband og verður það til sölu þegar það verður tilbúið.




 

Afmælissýning Neista í Reiðhöllinni Arnargerði á morgun sunnudag 5. maí kl. 14.00

Hestamannafélagið Neisti var stofnað í Dalsmynni 1943 og er því 70 ára í ár.

Í tilefni afmælisins verða Neistafélagar með sýningu í Reiðhöllinni Arnargerði þar sem taka munu þátt knáir knapar á aldrinum 2 til 67 ára. Hestakosturinn i sýningunni verður allt frá þægum og góðum barnahestum til margreyndra keppnisgæðinga.

Að sýningu lokinni verður afmæliskaffi i boði félagsins.

Aðgangur ókeypis.

Gott er að hafa með sér púða til að sitja á.

Dagskrá

1. Fánareið
2. MÓ & MÓ
3. Strumparnir
4. Þrautabraut
5. Pétur Pan
6. Indíánar og kúrekar
7. Knapamerki 4
8. Riddarar Merlins
9. Leikskólinn á Þingeyrum
10. Afkvæmi frá Reykjum
11. Haukur og Sigurgeir
12. Hofsdansinn
13. Borðareið
14. Klárhestar
15. Hestar á hringhlaupi
16. Verðlaunaafhending
17. Íþróttamaður ársins

Afmælissýning Neista
í Reiðhöllinni Arnargerði 28. april kl. 14.00

Hestamannafélagið Neisti var stofnað í Dalsmynni 1943 og er því 70 ára í ár.

Í tilefni afmælisins verða Neistafélagar með sýningu í Reiðhöllinni Arnargerði þar sem taka munu þátt knáir knapar á aldrinum 2 til 67 ára. Hestakosturinn i sýningunni verður allt frá þægum og góðum barnahestum til margreyndra keppnisgæðinga.

Að sýningu lokinni verður afmæliskaffi i boði félagsins.

Laugardaginn 27. April 2013

Reiðhöllin Svaðastöðum á Sauðárkróki

Kl: 13:00 - 15:00

Þriðja árs nemar í BS námi í reiðmennsku og reiðkennslu við Háskólann á Hólum ættla að slá til kennslusýningar um helstu verklegu þætti námsins. Sýningin mun innihalda þjálfun knapa og reiðhests frá æfingum til afkasta. Farið verður yfir sætisæfingar, yfirferðarþjálfun, frumtamningar, grunnþjálfun/gangsetningu, þjálfun hins alhliða gæðings o.fl. en auk þess verður fjallað um nýjungar námsins það er skeiðþjálfun og þjálfun kynbótahrossa.

Hlökkum til að sjá sem flesta

Nemendur 3.árs í BS í reiðmennsku og reiðkennslu við Háskólann á Hólum.