Mót vetrarins

09.01.2023 15:53

Íþróttamenn ársins 2022

Kjör Íþróttamanns ársins 2022 hjá USAH var með breyttu sniði og var athöfnin nú í Íþróttamiðstöðinni á Blönduósi 29. desember 2022.

Þar varð okkar fólk í 2. og 3. sæti en Íþróttamaður ársins var Sigríður Soffía Þorleifsdóttir frá Ungmennafélagi Bólstaðarhlíðarhrepps.

Í 2. sæti varð Una Ósk Guðmundsdóttir og í þriðja sæti varð Guðrún Rut Hreiðarsdóttir.

Við sama tilefni voru í fyrsta sinn veittar viðurkenningar til ungra og efnilega íþróttamanna hjá USAH sem tilnefnd voru af aðildarfélögum sambandsins. Eftirtalin hlutu viðurkenningar:

Elías Már Víðisson, Umf. Bólstaðarhlíðarhrepps, Elísa Bríet Björnsdóttir, Umf Fram, Harpa Katrín Sigurðardóttir, Umf. Geislum, Samúel Ingi Jónsson, Skotf. Markviss, Sigurjón Bjarni Guðmundsson, Umf. Hvöt og Sunna Margrét Ólafsdóttir, Hestamannaf. Neista.

Skrifað af Selma

30.11.2022 21:13

Hesthúsið við Reiðhöllina

Stjórn Reiðhallarinnar ákvað á dögunum að hesthúsið við reiðhöllina yrði leigt út sem félagshesthús í vetur, til félagsmanna Neista.

Hestamannafélagið Neisti mun hafa yfirumsjón með því verkefni og auglýsir það á næstu dögum.

Hægt verður að leiga hest og/eða hesthúspláss og koma þær upplýsingar á næstu dögum.

Stjórn Reiðhallarinnar

Skrifað af Selma

30.11.2022 21:07

Frá æskulýðsnefnd

Hestamannafélagið Neisti

Reiðnámskeið veturinn 2023

Veturinn 2023 ætlar Neisti að bjóða upp á eftirfarandi námskeið á Blönduósi:

Námskeiðin eru auglýst með fyrirvara um næga þátttöku og tímasetningar.
Hópaskiptingar verða auglýstar að loknum síðasta skráningardegi á heimasíðu Neista, www.neisti.net.

Skráning fer fram hér https://forms.gle/cEixFMtK7zArgzxGA fyrir 20.12.2022.

Almennt reiðnámskeið fyrir börn - 1 x í viku (sunnudagur)

Almenn reiðnámskeið fyrir alla krakka. Áhersla lögð á ásetu og stjórnun hestsins og aukið sjálfstæði í umgengni við hestinn og að nemandi nái góðu og traustu sambandi við hestinn sinn. Þátttakendum kennt að greina mun á gangtegundum. Leikir og þrautir á hestbaki. Þátttakendum verður skipt í hópa eftir aldri og getu.

Námskeiðið hefst í lok janúar og lýkur í byrjun maí (eftir Æskan og Hesturinn).

Kennari: Lilja Maria Suska

Verð: 15.000kr

Almennt reiðnámskeið fyrir fullorðna 1 - 1 x í viku (sunnudagur)

Almenn reiðnámskeið fyrir fullorðin sem eru að byrja í hestamennsku eða hafa misst kjarkinn. Áhersla lögð á ásetu og stjórnun hestsins og aukið sjálfstæði í umgengni við hestinn og að nemandi nái góðu og traustu sambandi við hestinn sinn. Þátttakendum kennt að greina mun á gangtegundum. Þátttakendum verður skipt í hópa eftir getu.

Námskeiðið hefst í lok janúar og lýkur í lok apríl.

Kennari: Lilja Maria Suska

Verð fyrir alla önnina: 20.000 kr.

Utan félags, verð: 25.000 kr.

Pollanámskeið - 3 skipti í mánuði

Ætlað fyrir yngri börn.

Lögð verður áhersla á jafnvægi á hestbaki og grunnstjórnun hestsins í gegnum leiki og þrautir.

Þátttakendum verður skipt í hópa eftir aldri og getu. Foreldrar/aðstoðarmenn teyma undir þeim börnum sem ekki eru tilbúin að stjórna sjálf.

Kennt verður 1 sinni í viku, þrisvar í mánuði.

Námskeið hefst í byrjun febrúar.

Verð: 5.000 kr.

___________________________________________________________________________

Knapamerki 1

Fyrirkomulag:

byrjar með helgarnámskeið í lok janúar
1x í viku á sunnudögum
bæta tímum við eftir þörfum frá apríl
verklegt próf í lok maí
8-10 bóklegir tímar og 18-20 bóklegir tímar

Sjá má frekari upplýsingar um knapamerki á síðunni www.knapamerki.is

Ath: Nemendur á unglingastigi grunnskóla geta notað knapamerki sem valfag. Einnig safna þau einingum fyrir framhaldsskóla.

Kennari: Lilja Maria Suska

Verð fyrir félagsmenn Neista

börn: kr. 25.000

fullorðin: kr. 35.000

___________________________________________________________________________

Knapamerki 2

Fyrirkomulag:

byrja með helgarnámskeið í lok janúar
1x í viku á sunnudögum
bæta tímum við eftir þörfum frá apríl
verklegt próf í lok maí
8-10 bóklegir tímar og 28-30 verklegir tímar

Sjá má frekari upplýsingar um knapamerki á síðunni www.knapamerki.is

Ath: Nemendur á unglingastigi grunnskóla geta notað knapamerki sem valfag. Einnig safna þau einingum fyrir framhaldsskóla.

Kennari: Lilja Maria Suska

Verð fyrir félagsmenn Neista

börn: kr. 30.000

fullorðin: kr. 40.000

___________________________________________________________________________

Námskeið fyrir lengra komna (einnig sem undirbúningur fyrir knapamerki 3)

Fyrirkomulag:

byrja með helgarnámskeið í lok janúar
1x í viku á sunnudögum
bæta tímum við eftir þörfum frá apríl

Lýsing

Almennt reiðnámskeið þar sem farið er í æfingar til að bæta hestinn. Bæta samspil knapa og hests. Þjálfa gangtegundir og undirbúningur fyrir keppni.

Kennari: Lilja Maria Suska

Verð fyrir félagsmenn Neista

börn: kr. 25.000

fullorðin: kr. 35.000

Sonja og Katharina
æskulýðsnefnd

Skrifað af Selma

20.11.2022 10:44

Frá Æskulýðsnefnd Neista

Miðvikudaginn 23. nóv. kl 17:30 verður haldin kynning á námskeiðum og öðru sem æskulýðsnefnd hestamannafélagsins Neista mun standa fyrir í vetur.

Við hvetjum foreldra, börn og alla sem áhuga hafa á að kynna sér og móta vetrarstarfið að mæta, sérstaklega þá sem ekki hafa tekið þátt á reiðnámskeiðum. Ekki er skylda að vera með reynslu í hestamennsku!!

Við stefnum á að gera fullt af skemmtilegum hlutum í vetur og bjóða upp á nokkrar nýjungar t.d. leiguhesta, æfingakeppni með leiðsögn, afmælissýning Neista, slútt með gistingu, prufudag í janúar (fyrir þau sem eru óákveðin) og skiptimarkað fyrir reiðföt.
Fleiri hugmyndir vel þegnar.

Það væri gaman að sjá sem flesta. Ef þið hafið áhuga en komist ekki á fundinn, endilega sendið okkur tölvupóst [email protected] svo að við getum sett ykkur á póstlistann.

Hittumst á kaffistofunni í Reiðhöllinni Arnargerði.
Léttar veitingar í boði.

Bestu kveðjur

Katharina og Sonja, æskulýðsnefnd.

Skrifað af Selma

20.11.2022 08:25

Uppskeruhátíð Búgreinafélaganna og hestamannafélagsins Neista

Glæsilegi uppskeruhátíð búgreinafélaganna og hestamannafélagsins Neista var haldin 19. nóvember.

Þar voru knapar ársins og sjálfboðaliði ársins verðlaunaðir.

Knapi ársins 2022 í fullorðinsflokki hjá Hestamannafélaginu Neista er Guðrún Rut Hreiðarsdóttir.

Guðrún Rut gerði það gott á árinu, tók þátt í vetrarmótaröð Skagfirðings og félagsmóti og úrtöku Neista og Snarfara í vor.
Á vetrarmótaröð Skagfirðins fór hún með Kristal og Skjá.
Á félagsmóti og úrtöku Neista og Snarfara mætti Guðrún Rut með Kristal, Skjá, Rebekku og Sál. Öll þessi hross eru frá Skagaströnd.
Glæsileg pör þar á fer og stóðu þau sig öll með prýði á þessum mótum.

Þess má líka geta að Guðrún Rut hefur kennt hjá okkur á námskeiðum í nokkur ár. Frábær kennari.
Innilega til hamingju!

Knapi ársins 2022 í yngri flokkum hjá Hestamannafélaginu Neista er Una Ósk Guðmundsdóttir.

Una átti frábært ár, tók þátt í Gæðingakvöldmóti Skagfirðings, Vetrarmótaröð Skagfirðins, WR Hólamóti UMSS og Skagfirðings, Félagsmóti og úrtöku Neista og Snarfara og Landsmóti hestamanna.

Una fór á Landsmót hestamanna fyrir hönd félagsins með Snældu frá Húsavík og stóðu þær sig frábærlega vel.
Glæsilega gert, innilega til hamingju!

Sjálfboðaliði ársins hjá hestamannafélaginu Neista er Kristján Þorbjörnsson.
Arnar Freyr tók á móti verðlaununum.

Kristján er búinn að vera í reiðveganefnd Neista til fjölda ára, hann er einnig í samgöngunefnd Landsambands hestamanna sem kemur saman einu sinni á ári og fer yfir reiðvegamál hestamannafélaga.
Þeir eru ófáir reiðvegirnir sem Kristján er búinn að leggja hér í héraði, með hjálp annarra auðvitað, en það liggur mikil vinna að koma þessum vegum í framkvæmd.
Hann kom einnig upp hrossaáningagerði hjá Sveinsstöðum 2019, sótti um styrk í framkvæmdasjóð ferðamannastaða til að setja upp áningagerði, sem hann fékk.

Í sumar fór mikil vinna í að fá reiðveg meðfram nýja Skagsstrandarveginum samþykktan.

Hann á mikið hrós skilið fyrir að leggja alla þessa vinnu fram til að við hin getum riðið hér um héruð.
Spuring hvort hann vilji ekki taka okkur í hópreið um þessa vegi sem hann hefur haft í hönd með að koma í framkvæmd.

Innilega til hamingju og bestu þakkir fyrir!

Skrifað af Selma

11.06.2022 21:46

LH-félagi ársins 2022

Í vetur kom hugmynd frá LH að hestamannafélögin tilnefndu sjálfboðaliða og félaga hestamannafélaga sem vinna fórnfúst og óeigingjarnt starf í þágu hestamennskunnar.

Stjórn Neista tilnefndi Val Valsson fyrir allt það góða starf sem hann hefur lagt til félagsins til margra ára.
Þókkum við honum og öllum öðrum sem vinna allt það sjalboðastarf sem fram fer á vegum Neista kærlega fyrir.

Hann vann kosninguna sem fram fór á netinu á vef LH.

Innilega til hamingju!

Skrifað af Selma

11.06.2022 16:32

Dagskrá mótsins 12. júní

Dagskrá mótsins á morgun 12.júní.

9.15 knapafundur

10.00
B flokkur
10:23 Barnaflokkur
10:32 Ungmennaflokkur
10:50 Unglingaflokkur
11:04 A-flokkur
11:46 Gæðingatölt

12.10-12.45 matarhlé
12.45 Úrslit
B-flokkur
ungmennaflokkur
unglingaflokkur
Gæðingatölt
Barnaflokkur
A-flokkur
Áætluð mótslok 15:00

Skrifað af Selma

02.06.2022 12:13

Landsmót - tjaldstæði

Hestamannafélagið Neisti hefur fengið úthlutað tjaldstæðum á svæði 1, neðsta röð.
Hér er hlekkur fyrir þá sem vilja vera á svæði Neista.
ATH.
Greiða þarf fyrir miðnætti á morgun 3. júní til að ná plássi https://tix.is/is/specialoffer/acmlqjabxfiiw

Skrifað af Selma

02.06.2022 11:11

Félagsgjöld

Félagsgjöld hestamannafélagins voru send út í vor í heimabanka félagsmanna. Eindagi var 1. júní.

Innifalið í félagsgjöldum er aðgangur að Worldfeng og þátttökuréttur á félagsmót hestamannafélagsins og á Landsmót, þ.e. eigandi hests þarf að vera búinn að borga félagsgjöldin.

Við lokum aðgangi að Worlfeng á þá sem ekki eru búnir að greiða fyrir 5. júní.

Þeir sem taka þátt í félagsmóti og úrtöku fyrir Landsmót 12. júní og eru ekki búnir að borga hafa ekki keppnisrétt. Þeir þurfa að vera búnir að borga greiðsluseðil fyrir 5. júní.

Gjaldkeri He. Neista.

Skrifað af Selma

02.06.2022 08:59

Félagsmót og úrtaka fyrir Landsmót

Félagsmót og úrtaka Neista og Snarfara verður haldið sunnudaginn 12. júní á velli Neista við Arnargerði. Boðið verður upp á A-flokk, B-flokk, ungmenna-, unglinga- og barnaflokk, og svo gæðingatölt fullorðinna og 21 árs og yngri. Skráning fer fram í Sportfeng og er loka skráningardagur 9. júní. Skráningagjald er 5000 kr. í alla flokka nema barna- og unglingaflokk, þar er gjaldið 4000 kr. Skráningagjald hækkar um helming ef skráð er eftir skráningafrest. Senda þarf kvittun á [email protected]. Skráning ekki gild fyrr en greiðsla berst.

Til þess að knapi sé gjaldgengur í úrtöku í B og A flokki þarf eigandi hests að vera skráður í annað hvort Neista eða Snarfara. Til þess að knapi sé gjaldgengur í yngri flokka úrtöku þurfa bæði knapi og eigandi hests að vera í Neista eða Snarfara.

31.05.2022 19:44

Frá æskulýðsnefnd - keppnisþjálfun

Æskulýðsnefnd býður upp á 30 mínútna einkatíma á vellinum á Blönduósi, dagana 02.06, 05.06 og 09.06 fyrir úrtökuna. Einnig er hægt að finna annan tíma ef hann hentar betur.
Tilvalið fyrir þá krakka, unglinga og ungmenni sem stefna á félagsmótið 12. júní og á landsmót.

Skráningar berast á netfangið [email protected] fyrir hádegi 1. Júní, þar sem fram þarf að koma nafn knapa og í hvaða flokki á að keppa.

Kennari verður Ásdís Brynja Jónsdóttir sem er útskrifaður reiðkennari frá Hólum.

Skrifað af Selma

28.04.2022 09:47

Uppskeruhátíð

Það er svo gaman þegar hlutirnir takast vel og það var sko alveg þannig á uppskeruhátíðinni hjá krökkunum 26. apríl.

Frábær mæting var á uppskeruhátíðna en þar fóru allir sem hafa verið á námskeiðum í vetur og aðrir sem gátu komið í góðan reiðtúr með foreldrum/öfum/ömmum, síðan var farið í leiki og auðvitað í grillaðar pylsur á eftir.
Virkilega vel heppnað og skemmtilegt. Þökkum við æskulýðsnefnd fyrir vel heppnaðan dag.

Kennarar í vetur voru Klara Sveinbjörnsdóttir og Guðrún Rut Hreiðarsdóttir. Við færum þeim bestu þakkir fyrir frábæran vetur.

Vetrarstarfinu er þá formlega lokið en eftir er kennsla í knapamerkjum og próf.

Í vor verður boðið uppá námskeið hjá börnum og unglingum í tengslum við Landsmót.

Bestu þakkir til æskulýðsnefndar sem hélt utan um barna- og unglingastarfið í vetur sem og fyrri vetur.

Hér eru nokkrar myndir sem annars eru í myndaalbúmi.
Myndir tók Magnea Jóna Pálmadóttir.

Stjórnin

Skrifað af Selma

21.04.2022 19:31

SAH mótaröðin - þrígangsmót

1. maí ætlum við að halda þrígangsmót á beinu brautinni úppá velli. Riðnar verða tvær ferðir fram og til baka (4 ferðir). Sýna verður að minnsta kosti 3 gangtegundir, en gefnar verða einkunnir fyrir 3 bestu gangtegundirnar sem parið sýnir.

Dæmi um sýningu:
1. Hægt tölt - brokk - hratt tölt - fet
2. Tölt - skeið - brokk - tölt
3. Hægt tölt - brokk - stökk - fet
4. Brokk - fet - stökk - brokk

Ef áætlað er að sýna tölt en ekki skeið þá þarf að sýna annað hvort hægt eð a hratt tölt, en frjáls ferð á tölti ef skeið er í sýningu.

Einn ríður í einu í forkeppni, en hver á eftir öðrðum í úrslitum. 5 knapar komast í úrslit.

Boðið verður uppá pollaflokk, barna- unglinga- og ungmennaflokk, 2. og 1. flokk.

Koma þarf fram nafn knapa, flokkur, nafn, aldur og litur hests. Áskiljum okkur þann rétt að fella niður og sameina flokka ef ekki næst næg skráning.

Skráning skal berast á netfangið [email protected] og nú er skráningarfrestur til 29. apríl, best að skrá sem fyrst!

Skránignargjöld 2.000 kr. í alla flokka nema pollaflokk sem er frír. Greiðist inná reikning 0307 26 055624 kt. 480269-7139. Skráning ekki gild fyrr en greiðsla hefur borist.

Þetta er síðasta mótið í SAH mótaröðinni og verða stigahæstu knapar í hverjum flokki verðlaunaðir eftir mótið í samkomusalnum í reiðhöllinni.

Ef einhverjar spurningar vakna er ykkur velkomið að hafa samband á facebook við Klöru Sveinbjörns eða í sími 7717763.

Hlökkum til að sjá ykkur,
mótanefnd.

Skrifað af Selma