Landsmót 2010

02.02.2010 16:55

Æfing og skráning

Minna á æfingu fyrir fjórgang í kvöld. Maggi í Steinnesi ætlar að mæta á Braga frá Kópavogi og vinna fjórganginn fyrir vestan á föstudaginn.

Muna líka að það er lokaskráning í kvöld fyrir fjórganginn í Húnvetnsku liðakeppninni. Sjá hér.

Skrifað af selma

02.02.2010 10:55

Ís-landsmót á Svínavatni

Siggi Sig. og Freyðir

Laugardaginn 6. mars verður haldið Ís-landsmót á Svínavatni í A-Hún. Mótið hefur verið það sterkasta og fjölmennasta sem haldið hefur verið á ís hérlendis undanfarin ár og lítur út fyrir að þar verði engin breyting á. Fyrirkomulag verður með svipuðu sniði og verið hefur og verður það nánar auglýst síðar.

Undirbúningsnefndin

Skrifað af selma

01.02.2010 22:14

Hefur þú áhuga á að bjóða unglingum í heimsókn?

Æskulýðsnefnd Landssambands hestamanna í samvinnu við aðra æskulýðsfulltrúa innan FEIF mun í sumar gefa íslenskum unglingum kost á að heimsækja önnur aðildarlönd FEIF. Fyrirkomulagið verður þannig að unglingar á aldrinum 14 - 17 ára verða í 1 - 2 vikur hjá fjölskyldum sem eiga íslenska hesta og taka þátt í þeirra daglegu störfum. Þetta er tækifæri fyrir áhugasama krakka að kynnast hestamennskunni á erlendri grund og mynda vinatengsl.

Einnig er fyrirhugað að bjóða erlendum unglingum til dvalar hér á landi á sömu forsendum.
Æskulýðsnefndin óskar eftir áhugasömum unglingum sem vilja fara og fjölskyldum sem mundu vilja bjóða heim erlendum unglingum. Miðað verður við að þátttökugjald standi undir kostnaði. Ef þið hafið áhuga vinsamlega hafið samband sem fyrst við æskulýðsnefnd LH. Tölvupóstföng og símanúmer eru á heimasíðu LH á www.lhhestar.is

Með kveðju
Æskulýðsnefndar LH

Skrifað af selma

31.01.2010 20:35

Næsta æfing fyrir fjórgang er á þriðjudagskvöld

Þetta er Raggi Stef. liðsstjóri Austur-Húnvetnska liðsins
í Húnvetnsku liðakeppninni (myndin tekin af Þytssíðunni, frábær mynd Kolla)

Hann hafði í nógu að snúast sl. laugardag þegar góður hópur fólks mætti til æfinga í Reiðhöllinni.

Næsta æfing er þriðjudagskvöldið 2. febrúar kl. 21.00

Skrifað af selma

29.01.2010 19:46

Æfing fyrir fjórganginn

Senn líður að fyrsta mótinu í Húnvetnsku liðakeppninni en fjórgangur verður 5. feb. í Hvammstangahöllinni.
Þeir sem vilja vera með liðinu þ.e. Austur-Húnvetnska hafi samband við Ragga Stef í síma 8988924. Raggi ætlar að vera í Reiðhöllinni á morgun, laugardag kl. 17.00 og aðstoða þá sem það vilja, fara yfir keppnisreglurnar og æfa fjórganginn.

Mætum svo öll í Hvammstangahöllina 5. feb. emoticon

Skrifað af selma

29.01.2010 10:26

Yngir krakkarnir mættu í gær

Það var gaman hjá byrjendahópunum sem mættu á námskeið í gær. Þau eru 20 og skipt í 3 hópa, alveg byrjendur, aðeins vanari og þau sem eru búin að vera í mörg ár en ekki nógu gömul til að komast í knapamerki 1 en það er 12 ára aldurstakmark þar.
Kennarar eru Christina Mai og Sonja Noack.

Myndir eru komnar í myndaalbúm.

Skrifað af selma

28.01.2010 14:40

Sjö nýjir knapar í KS deildinni

Knaparnir sjö sem unnu sér inn keppnisrétt í KS deildina í vetur

Í gærkvöldi fór fram úrtöka fyrir KS deildina og var keppt um sjö laus sæti fyrir keppni vetrarins. Hestakostur var mjög góður og glæsilegar sýningar fengu litið dagsins ljós fyrir þá rúmlega tvöhundruð áhorfendur sem fylgdust með.

Upphaflega átti að keppa um sex sæti en Stefán Friðgeirsson frá Dalvík sem vann sér inn keppnisrétt í fyrra boðaði forföll svo einum var bætt við og því sjö keppendur sem komust áfram.

Eftirtaldir knapar komust áfram í aðalkeppnina.

1-2       Tryggvi Björnsson
1-2       Elvar E Einarsson
3          Þorsteinn Björnsson
4          Líney Hjálmarsdóttir
5          Heiðrún Ó Eymundsd
6          Viðar Bragason
7          Riikka Anniina

Skrifað af sm