Hestamannafélagið Neisti hefur fengið úthlutað tjaldstæðum á svæði 1,  neðsta röð.
Hér er hlekkur fyrir þá sem vilja vera á svæði Neista.
ATH.
Greiða þarf fyrir miðnætti á morgun 3. júní til að ná plássi https://tix.is/is/specialoffer/acmlqjabxfiiw

Félagsgjöld hestamannafélagins voru send út í vor í heimabanka félagsmanna. Eindagi var 1. júní.

Innifalið í félagsgjöldum er aðgangur að Worldfeng og þátttökuréttur á félagsmót hestamannafélagsins og á Landsmót, þ.e. eigandi hests þarf að vera búinn að borga félagsgjöldin.

Við lokum aðgangi að Worlfeng á þá sem ekki eru búnir að greiða fyrir 5. júní.

Þeir sem taka þátt í félagsmóti og úrtöku fyrir Landsmót 12. júní og eru ekki búnir að borga hafa ekki keppnisrétt. Þeir þurfa að vera búnir að borga greiðsluseðil fyrir 5. júní.

Gjaldkeri He. Neista.

Það er svo gaman þegar hlutirnir takast vel og það var sko alveg þannig á uppskeruhátíðinni hjá krökkunum 26. apríl.

Frábær mæting var á uppskeruhátíðna en þar fóru allir sem hafa verið á námskeiðum í vetur og aðrir sem gátu komið í góðan reiðtúr með foreldrum/öfum/ömmum, síðan var farið í leiki og auðvitað í grillaðar pylsur á eftir. 
Virkilega vel heppnað og skemmtilegt. Þökkum við æskulýðsnefnd fyrir vel heppnaðan dag.

Kennarar í vetur voru Klara Sveinbjörnsdóttir og Guðrún Rut Hreiðarsdóttir. Við færum þeim bestu þakkir fyrir frábæran vetur.

Vetrarstarfinu er þá formlega lokið en eftir er kennsla í knapamerkjum og próf.

Í vor verður boðið uppá námskeið hjá börnum og unglingum í tengslum við Landsmót.

Bestu þakkir til æskulýðsnefndar sem hélt utan um barna- og unglingastarfið í vetur sem og fyrri vetur.

Hér eru nokkrar myndir sem annars eru í myndaalbúmi.
Myndir tók Magnea Jóna Pálmadóttir.

Stjórnin

Stjórn LH kom við hér í reiðhöllinni 11. apríl sl. og hélt góðan upplýsingafund fyrir stjórnir hestamannafélaganna Þyt, Neista, Snarfara og Skagfirðing.
Gott var að hittast,
Rætt var um; reiðvegamál, tryggingar og öryggismál  (https://www.samgongustofa.is/umferd/oryggi/hestar-og-umferd/), sjálfboðaliða ársins, 100 hestamenn heimsóttir, þolreiðina, könnun um aðstöðumun milli félaga (fasteignagjöld) , mótahald, gæðingakeppni, samráðsgátt, agamál, æskulýðsmál, afreksmál, Skógarhóla svo eitthvað sé nefnt.

Mörg þessara mála eru auðvitað á https://www.lhhestar.is/ og facebook síðu LH.

Virkilega góður fundur og upplýsandi.
Takk fyrir okkur.

https://www.youtube.com/watch?v=Zeg2L5VNG00

Stjórn Neista ákvað í vetur að veita hvatningarverðlaun fyrir sjálfboðaliða sem hefur unnið gott og óeigingjarnt starf í þágu félagsins fyrir árið 2021.

Margir hafa lagt hönd á plóginn og  unnið mikið starf fyrir félagið og það þyrfti að hampa öllu þessu góða fólki oftar.
Við þökkum þeim öllum kærlega fyrir, hér með.

Stjórnin (hluti stjórnar) ákvað að veita Selmu Erludóttur þessi verðlaun fyrir árið 2021.
Hún hefur unnið ötult starf fyrir félagið í mörg ár og alltaf tilbúin að hjálpa eða leiðbeina. Hún hefur verið í stjórn síðan 2008, tók sér þó hlé 2018-2021 en hefur verið gjaldkeri hjá félaginu frá 2008, var gjaldkeri utan stjórnar þessi ár sem hún var ekki í stjórn. Ársreikninga félagsins hefur hún gert síðan árið 2000, verið í æskulýðsnefnd meðan hennar strákarnir hennar voru á námskeiðum og séð um ýmis mál.  Lætur sér verulega annt um hestamennskuna hér á svæðinu.

Við erum því afar þakklát fyrir hennar störf í þágu félagsins og vonumst til þess að hún haldi áfram því góða starfi sem hún hefur innt af hendi í öll þessi ár.

Skemmtileg mót var í kvöld í reiðhöllinni, vel sótt og tókst vel í alla staði.

Verðlaunaafhendingin var upp í salnum  eftir mót og bauð hestamannafélagið öllum uppá pizzur.
 

Pollaflokkur:

Hilmir Hrafn og Feykir
Rakel Ósk og Korgur
Margrét Viðja og Apall
Haraldur Bjarki og Moldi
Sveinbjörn Óskar og Sóldögg

Þau fengu verðlaunapeningana sína uppí sal þar sem verðlaunaafhending fór fram.

Barnaflokkur:

1. Hera og Feykir 5,8
2. Karoline og Strönd 5,13
3. Salka Kristín og Hríma 4,3

Unglingaflokkur:

1. Þórey Helga og Ólga  5,3
2. Kristín Erla og Sónata 5,13
3. Sunna Margrét og Píla  5,06

2. flokkur:

1. Carina og Katla 6,8
2. Guðrún Tinna og Toppur 6,43
3. Hafrún Ýr og Gjöf  6,0
4. Camilla og Júpíter  5,94
5. Sólrún Tinna og Eldborg  5,63

1. flokkur:

1. Bergrún og Baldur  6,6
2. Eline og Kolur  6,5
3. Klara og Snörp 6,3
4. Ágúst og Andrómeda  4,6

Pizzapartí, virkilega gaman að sjá svona marga.
Takk fyrir komuna og bestu þakkir til þeirra sem tóku þátt og sáu um mótið.

Félagsfundur Reiðhallarinnar Arnargerði verður haldinn þriðjudaginn 29. mars klukkan 20:00 í sal reiðhallarinnar.
Hvetjum sem flesta til að mæta og koma að umræðum um framtíð húsnæðisins.

Stjórnin

Skemmtilegt grímutölt í gær!

Hér koma úrslitin.
 

Pollar:

1. Margrét Viðja og Apall frá Hala 2. Sveinn Óli og Þrenna frá Lækjardal 3. Haraldur Bjarki og Moldi frá Stóradal 4. Heiðdís Harpa og Birna   Barnaflokkur: 1. Salka Kristín og Funi frá Leysingjastöðum 2. Hera Rakel og Feykir frá Stekkjardal 3. Harpa Katrín og Maístjarna frá Rauðkollsstöðum 4. Karoline og Strönd frá Sveinsstöðum Unglingaflokkur:   1. Sunna Margrét og Gáski frá Sveinsstöðum 2. Þórey Helga og Ólga frá Skeggsstöðum 3. Inga Rós og Andvari frá Hvammi 2 4. Kristín Erla og Sónata frá Sauðanesi     2. flokkur:   1. Guðrún Tinna og Toppur frá Litlu-Reykjum 2. Alice Akkermann og Andrómeda frá Bakka 3. Katharina Dietz og Krít frá Steinnesi 4. Þórður Páls og Slaufa frá Sauðanesi 5. Felix George og Spá frá Brekku