Fundur með hagsmunaaðilum innan hestamennskunnar

Varla hefur hún farið framhjá nokkrum hestamanni sú kvefpest sem þessa dagana herjar á hrossastofninn. Ljóst er að pestin er mun alvarlegri en í fyrstu var talið og virðist hrossum mjög hætt við að slá niður ef ekki er varlega farið, þó menn telji einkenni horfin.

Hinar hefðbundnu vor- og héraðssýningar kynbótahrossa munu á næstunni fara í gang af fullum þunga svo sem vant er á þessum árstíma. Ekki hefur á þessu stigi málsins verið ákveðið með neinar breytingar á fyrirliggjandi dagskrá sýninganna. Vil ég því hvetja þá sem enn hafa sloppið við pestina eða sem hafa hross sem náð hafa sér að fullu að nýta tækifærið og koma hrossum til dóms hið fyrsta. Fyrirsjáanlegt er að álag verður að vanda mikið síðustu vikur dóma og eykst væntanlega enn með tilkomu pestarinnar.

Tuttugu og sjö hross mættu til dóms á Sauðárkróki, um fjörtíu eru skráð á Blönduósi og um áttatíu í Reykjavík þannig að greinilegt er að enn eru einhver hross heilbrigð. Næstu sýningar eru síðan í Eyjafirði og Hafnarfirði. 

Ákveðið hefur verið að öllum hrossum sem sýna sjúkdómseinkenni pestarinnar verði umsvifalaust vísað frá sýningunum. Enda um ótvírætt dýraverndunarmál að ræða að aðeins sé komið til dóms með hross í góðu heilbrigðisástandi. 

Guðlaugur V. Antonsson
Hrossaræktarráðunautur BÍ

 hér má sjá video af Hvin frá Blönduósi, Álfssyni sem vann flokk 2ja vetra.

Margir flottir ungfolar mættu á Ungfolasýninguna í Þytsheimum föstudaginn 30. apríl sl. Eyþór Einarsson dæmdi folana bæði í byggingu og á gangi.

Keppt var í þrem flokkum:
2ja vetra hestar - hesturinn uppstilltur fyrir byggingardóm og látinn hlaupa um reiðhöllina.
3ja vetra hestar - hesturinn uppstilltur fyrir byggingardóm og látinn hlaupa um reiðhöllina.
4ra vetra hestar - hesturinn uppstilltur fyrir byggingardóm og látinn hlaupa um reiðhöllina eða sýndur í reið.

Úrslit urðu eftirfarandi: 

2ja vetra hestar:

1. Hvinur IS2008156500 frá Blönduósi, gráskjóttur
F: Álfur frá Selfossi
M: Hríma frá Blönduósi
Eig. Jónas Hallgrímsson, Ásgeir Blöndal og Tryggvi Björnsson.

2. Vörður IS2008155465 frá Sauðá, rauðblesóttur glófextur
F: Grettir frá Grafarkoti
M: Orka frá Sauðá
Eigendur: Ellert Gunnlaugsson, Fanney Dögg Indriðadóttir og Elvar Logi Friðriksson

3.Straumur IS2008155380 frá Súluvöllum ytri, rauðblesóttur
F: Kraftur frá Efri-Þverá
M: Rispa frá Ragnheiðarstöðum
Eigandi: Halldór Jón Pálsson

3ja vetra stóðhestar:

1. Morgunroði IS2007155501 frá Gauksmýri, rauðtvístj.
F: Roði frá Múla
M: Svikamylla frá Gauksmýri
Eigandi Sigríður Lárusdóttir

3. Samverji IS2007155419 frá Grafarkoti, rauðtvístj, hringeygður
F: Grettir frá Grafarkoti
M: Sameign frá Sauðárkróki
Eigandi Herdís Einarsdóttir og Indriði Karlsson

4ra vetra stóðhestar:

1.Illugi IS2006155181frá Þorkelshóli, brúnstjörnóttur
F: Platon frá Þorkelshóli
M: Ísold frá Neðra-Vatnshorni
Eigendur Krístín Lundberg og Kolbrún Grétarsdóttir

2.Magni IS2006137316 frá Hellnafelli, brúnn
F: Gígjar frá Auðholtshjáleigu
M: Sóley frá Þorkelshóli
Eigendur Kolbrún Grétarsdóttir og Kristján Magni Oddsson

Æskan og Hesturinn - Frestað

Sýningunni Æskan og Hesturinn sem vera átti í reiðhöllinni Svaðastöðum á Sauðárkróki,1. maí, hefur verið frestað um óákveðinn tíma vegna hestaflensunar sem er að ganga.

Nánar auglýst síðar.

Undirbúningsnefndin.

Ákveðið hefur verið að færa Íslandsmót barna, unglinga og ungmenna sem átti að vera dagana 5.-8. ágúst aftur um eina viku og verður það því 12.-15. ágúst. Ástæða þessa er beiðni frá Landssambandi Hestamanna (LH) þar sem Norðurlandamótið í hestaíþróttum er dagana 4.-8 ágúst og hefði því skarast á við Íslandsmótið. 

Íslandsmótið verður því haldið dagana 12.-15. ágúst á félagssvæði hestamanna á Hvammstanga.

Vegna hættu á útbreiðslu á veirusýkingu í hrossum hefur verið ákveðið að halda kynbótasýningu á Blönduósi fimmtudaginn 6. maí og yfirlitssýningu að morgni föstudags 7. maí. Ef skráningar gefa tilefni til verður miðvikudegi 5. maí bætt við.

Tekið er á móti skráningum hjá Búnaðarsambandinu á Blönduósi á netfanginu  [email protected] eða í síma 451-2602 / 895-4365.

Síðasti skráningardagur er mánudagur 3. maí.

Sýningargjald er 14.500 kr en 10.000 ef bara er annað hvort byggingadómur eða reiðdómur og þarf að greiðast samhliða skráningu inn á reikning 307-26-2650 á kt: 471101-2650 og senda kvittun á netfangið [email protected]  með upplýsingum um fyrir hvaða hross er verið að greiða. 

Munið að kynna ykkur reglur um einstaklingsmerkingar, járningar, blóðsýni, dna-sýni og spattmyndir.

Nánari upplýsingar um tímasetningar verða á heimasíðu Búnaðarsambandsins www.rhs.is

Búnaðarsamband Húnaþings og Stranda