Unga fólkið hvatt til þátttöku í verðlaunaafhendingu á Landsmóti í sumar!

Elín Hulda, Harpa og Karen Ósk á Fjórðungsmóti 2009

Landsmót hestamanna sem haldið verður í Skagafirði dagana 27.  júní - 4. júlí hefur óskað eftir samstarfi við æskulýðsnefndir hestamannafélaga landsins í þeim tilgangi að virkja ungmenni og unglinga við verðlaunaafhendingu á mótinu.

Mælst er til að unga fólkið skarti félagsbúningi sínum við afhendinguna og geta áhugasamir haft samband við æskulýðsnefndir hestamannafélaganna en einnig er hægt að senda póst á  landsmot@landsmot.is.

Í póstinum þarf að koma fram nafn og aldur ásamt upplýsingum um hvaða hestamannafélagi viðkomandi tilheyrir.

Styttist nú óðfluga í sýninguna Ræktun Norðurlands 2010. Útlit er fyrir að nokkrir magnaðir hópar frá hrossaræktunarbúum verði meðal sýningaratriða. Þar má nefna Garð í Hegranesi, en þaðan hefur hver gæðingurinn af öðrum komið nú á síðustu árum, þá verður hópur frá hinum þekktu ræktunarbúum Vatnsleysu í Skagafirði og Lækjarmóti í Vestur-Hún.

Grunnskólamótið

verður í Reiðhöllinni Arnargerði á Blönduósi

sunnudaginn 21. mars kl: 13:00.

Skráningar þurfa að hafa borist fyrir

miðnætti fimmtudaginn 18.mars

á  netfangið:    neisti.net@simnet.is
 

Fram þarf að koma: nafn, bekkur og skóli knapa.

Nafns hests, aldur, litur, keppnisgrein og upp á hvora hönd er riðið.

Skráningargjald er 1000 kr. fyrir fyrsta hest og 500 kr fyrir annan hest

og skal greiða á staðnum áður en mót hefst.  

Dagskrá:

Smali 4-7. bekkur.

Smali 8-10. bekkur.
Hlé

Þriðja mótið var haldið í gærkvöldi í KS-deildinni og var keppt í fimmgangi að þessu sinni. Knaparnir voru mættir með 18 nýja hesta eins og við var að búast og var keppnin hörð og spennandi og ekki hægt að ganga að neinu vísu eins og venjan er í fimmgangi og þá sérstaklega á minni braut.

Eftir forkeppnina var í raun ekki nokkur leið að spá fyrir hver myndi sigra og til gamans má geta að öll níu hrossin sem komust í úrslit eru 1. verðlauna kynbótahross.

Í B-úrslitunum hafnaði Ólafur og Ódysseifur í 9. sæti eftir að skeiðið hafði misheppnast. Jöfn í 7. og 8. sæti lentu Heiðrún með Venusi og Ísólfur með Kraft og verður að viðurkennast að Kraftur olli smá vonbrigðum en þeir komu efstir inn í úrslitin. Magnús Bragi með Vafa og Elvar með Smáralind börðust um sigurinn hafði Magnús forystuna þar til í skeiðinu en þá skaust Elvar tveimur kommum upp fyrir hann og komst þannig inn í A-úrslitin.

Í A-úrslitunum höfnuðu Mette og Háttur í fimmta sæti en skeiðið heppnaðist ekki sem skyldi. Elvar komst upp í fjórða sæti og Erlingur með gæðinginn Blæ sóttu þriðja sætið. Tveir knapar börðust helst um fyrsta sætið en það voru Þórarinn með Þóru og Bjarni með Djásn og var keppnin jöfn en það er skemmst frá því að segja að Bjarni náði strax forystunni og sleppti henni aldrei og fór með sigur af hólmi.

Margir hafa efalaust haldið það óðs manns æði að ríða Svínavatn á ís nú á miðri Góu, þegar búin var að vera langvarandi hláka. En ráðsettir bændur við vatnið töldu þetta í góðu lagi, ísinn væri um eða yfir hálfan meter á þykkt á þessum árstíma þrátt fyrir hlýindin og engin hætta á að hann brysti þótt hópur manna leggði jóa sína um vatnið þvert.

Það var á þriðja tug karla, sem safnaðist saman í Bótinni norðanvert við vatnið. Láskýjað var en logn og indælis veður.  Eftir liðskönnun var haldið út á vatnið undir öruggri leiðsögn Gísla á Mosfelli og Ægis í Stekkjardal. Ísinn var sléttur og reiðfæri eins og það best getur orðið. Hvorki var vatn né snjór á ísnum og gleði í mönnum og hestum.

Trúlega eru fá vötn í byggð með jafn öruggan ís, enda liggur vatnið nokkuð hátt og er mjög djúpt. Langoftast er ísinn líka sléttur, enda veðursæld í Svínadal. Þar hafa verið haldin fjölsótt mót undanfarna vetur, ætíð í góðu veðri að undanskildu mótinu sem haldið var í vetur. 

Meginþorri þátttakenda í þessari karlareið var úr Húnaþingi, en svo voru dæmi um að menn kæmu með hesta langan veg til að taka þátt í þessari upplifun og urðu eigi fyrir vonbrigðum. Vitað var um allmarga, sem ætluðu að koma með, en afleit veðurspá aftraði þeim þar sem spáð var miklu úrfelli hér norðanlands þennan dag. En sú spá rættist ekki og í ferðinni höfðu sumir á orðið að það væri alveg frábært fyrir ferðaþjónustuaðila í héraði að bjóða upp á reglulega reiðtúra um vatnið. Ferðinni lauk við Dalsmynni sunnan við vatnið eftir að riðnir höfðu verið hátt í tugur kílómetra. Þaðan var hestum ekið til Blönduóss og menn söfnuðust saman í Reiðhöllinni Arnargerði þar sem grillað var og gleði fram eftir kvöldi.

Magnús Ólafsson

Knapamerkjanámskeiðstímar falla niður á morgun 17/3. Ekki verða heldur tímar un helgina en látið verður vita tímanlega um næstu tíma.Væntanlega verða þeir þó miðvikudaginn 24/3 hjá þeim sem hefðu átt tíma á morgun !

1. Þorsteinn Björnsson - Kilja frá Hólum.
2. Riikka Anniina - Styrnir frá Neðri-Vindheimum.
3. Þórarinn Eymundsson - Þóra frá Prestbæ.
4. Þorbjörn H. Matthíasson - Úði frá Húsavík.
5. Bjarni Jónasson - Djásn frá Hnjúki.
6. Líney María Hjálmarsdóttir - Þerna frá Miðsitju.
7. Tryggvi Björnsson -  Óðinn frá Hvítárholti.
8. Magnús Bragi Magnússon - Vafi frá Ysta-Mó.
9. Elvar E. Einarsson - Smáralind frá Syðra-Skörðugili.
10. Mette Mannseth - Háttur frá Þúfum.
11. Björn F. Jónsson - Dagur frá Vatnsleysu.
12. Viðar bragason - Sísí frá Björgum.
    
13. Ísólfur Líndal Þórisson - Kraftur frá Efri-Þverá.
14. Erlingur Ingvarsson - Blær frá Torfunesi.
15. Ragnar Stefánsson - Maur frá Fornhaga II.
16. Sölvi Sigurðarson - Gustur frá Halldórsstöðum.
17. Ólafur Magnússon - Ódeseifur frá Möðrufelli.
18. Heiðrún Ósk Eymundsdóttir - Venus frá Sjávarborg.

Grunnskólamót hestamannafélaga á Norðurlandi vestra

verður í Reiðhöllinni Arnargerði á Blönduósi

                                         sunnudaginn 21. mars kl: 13:00.

ÞETTA MÓT ER FYRIR ALLA Í GRUNNSKÓLANUM ÓHÁÐ ÞVÍ HVORT
ÞIÐ ERUÐ Í HESTAMANNAFÉLAGI EÐA EKKI !

ÞEIR SKÓLAR SEM TAKA ÞÁTT ERU:

GRUNNSKÓLARNIR Í : HÚNAÞINGI VESTRA,  Á BLÖNDUÓSI, Á SIGLUFIRÐI OG AUSTAN VATNA, VARMAHLÍÐARSKÓLI, ÁRSKÓLI OG HÚNAVALLASKÓLI.

Skráningar þurfa að hafa borist fyrir miðnætti fimmtudaginn 18.mars 2010 á
 netfangið:    neisti.net@simnet.is
 

Fram þarf að koma: nafn, bekkur og skóli knapa.

nafns hests, aldur, litur, keppnisgrein, og upp á hvora hönd er riðið.

Skráningargjald er 1000 kr. fyrir fyrsta hest og 500 kr fyrir annan hest.

og skal greiða á staðnum áður en mót hefst.  

Dagskrá:

Smali 4-7. bekkur.

Smali 8-10. bekkur.
Hlé

Fegurðarreið 1-3. bekkur.
Skeið 8-10.  bekkur.

ATH. Í smala er EKKI leyft að ríða með stangir.